كمال : مالك كاضحكي ! على الكنية عاوتاتي
فيروز : منال ديما تا تقولي لي ضحك تا يتبلا ! و اه ! نهار قال ليا قيس كنيت مريم الهر قلت ليه وييييع دابا ولادكم اتكون كنيت مهم الهر .. و دارت ليام و هانا مع السي الهر شخصيا لي ناوي يخطبني و ما نعرف اش يعني ايلا كتاب و ييسر لينا ربي ولادي اتكون كنيتهم الهر ! و ماشي العبث هذا !
كمال : قدرك هكا ! و المكتوب ما منو هروب
فيروز : و انا راضية بيه !
كمال : ما ساهلاش ا شعيبية
فيروز : و ها نتا كاتشوف ابا كبور هاد الليلة خرجتي مني العجب انا و ما عرفتنيش ! و صافي قلب السيرة ! اندويو عادي كيما موالفين !
كمال : ههههه ، سجل يا تاريخ فيروز الكارم حشمات ، وااااو
فيروز : (بدلات الموضوع) غدا ما خدامش !
كمال : لا الجمعة كانبغي نبقا فالدار تا ندعي للواليدة و نقرا قرأن على روحها من غير لا كانت شي حاجة ضرورية ...
فيروز : و مالك ما كاتزورهاش !
كمال : منين ماتت كنت صغير ما تا نعرفش ما كانش كايديني الواليد و دابا منين كبرت حشمت نسولو فين جا القبر .. حيت يقدر يكون نساه ما عمري عقلت عليه مشا زارها!
فيروز : اه فهمت ! صافي غدا نجي ندعي معاك تا انا
كمال : علاش ما قارياش ؟
فيروز : اه و لكن راك عارف كاين داك للتخربيق ديال الكلوب و ما نعرف اش و انا ما عنديش مع داكشي
كمال : اه من الخير! صافي نتسناك
وصلو حطو الطموبيل فالكراج و عاونها فهزان البوكسز دزينب و طلعو بجوج فالمصعد ، وقف كل واحد حدا باب دارو
كمال : خليت ليك الراحة
فيروز : حتا نتا ! تصبح على خير
كمال : و نتي من اهلو ، شكرا على كلشي
فيروز : و صافي ما تكونش ضريف بلا قياس
كمال : و دخلي لداركم قبل ما نجي نننن
فيروز : ها هي و الله تا نديرها لخويا قد فمو ، ما تصلاحش مع حسك الرومانسية (دخلات و زدحات لباب)
تبسم على فعلتها و سد بابو تا هو !!
فيروز : زييييييينب ! هادي باقي ما جات ؟ لعجب (هزات تلفونها تا تصوني ) الو فينك
زينب : عند بابات مهدي !
فيروز : تبارك الله ! ايمتا جايا ؟
زينب : غي نتعشاو و نجيو !
فيروز : و سربي راه عندي ما نقولك
زينب : اوكي اوكي تا انا !
قطعات معاها و بدلات حوايجها و مسحات وجهها و هضرات تاني مع خوتها ! و بقات تا تفرج تلهي راسها بين ما جات تا وصلها ميساج من عند الهر
كمال : خايف فالصباح نفيق و نلقى كلشي غا حلمة
فيروز : ههههه لا غا تفيق تلقاني قدام خليقتك و تتاكد بلي راك درتي اكبر غلط فحياتك و ما يمكنش ليه يتصحح ! كلشي حقيقي و الوقت غادي تخليك تيق
كمال : هههه و انا مستعد ! و تا نتفاهموا على الزدحة ديال الباب
فيروز : تصبح على خير ! زينو جات ! تهلا
كمال : بنوي !
حطات التلفون و مشات تلقات لزينو فالباب بابتسامة عريضة
زينب : اععع تعطلت و لكن بغا يعرفني على باباه حيت قالك فالعطلة ايجيو يخطبوني ! ناري شوفي كي كانترعد و الله ما متيقة
فيروز : اووووووها ! وااااااايلي ! ناري (عنقاتها ) شحال فرحت ليك ! ايييييي بغيت نزغرت و لكن فات لحال
زينب : و قولي اش تم
فيروز : احم تا انا ايجي يخطبني فالعطلة !
زينب : كيفاش ؟
فيروز : اعتارفنا لبعضياتنا فالطريق *عاودات ليها كلش بالتفصيل* و هذا ما كان !
زينب : واااااااو ! الحمدلله ! و اخيرا ... ايييي اليوم ما يديني نعاس بالفرحة !
أنت تقرأ
محاسن الصدف - سخرية القدر- (بالدارجة المغربية)
Romance📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
