هزات كلينكس كاتمسح جبهتها من العرق و كلسات فوق الفراش كاترد النفس ...
فيروز : صافي انا عييت
كمال : ما عطاوكش
فيروز : صحتي على قد الحال
كمال : مسكينة مراتي صحتها غي على قد الحال
فيروز : مسكينة مراتك راجلها طناز
كمال : لا حشى .. و لكن عموما الله يعطيك الصحة ما عندي منتسالك
فيروز : ويك ويك و ما تحشمنيييش
كمال : و هادشي ما خاصو يكون ... ماشي شي حد لي غريب باش تحشمي مني ... انا راجلك لي اتكملي معاه حياتك ان شاء الله و ديري معاه الولاد و تهزي الحمل عليه و تعاونيه و تسانديه و تقاسمي معاه الحلوة و المرة ... يعني الحشمة غا ودعيها حيت قريب يجي النهار لي نوليو فيه واحد ماشي غا بالفم انما بالذات تا هي ... و من هنا لداك النهار ان شاءالله خاصك تكوني ولفتي و تعودتي و ما بقيتش تحشمي باش ما تجيبيهاش فضلوعك
فيروز : (باستهزاء) كاتهددني
كمال : اه و ما خفي كان اعظم ..
فيروز : هههههه و من هنا لتماك يكون خير
كمال : داكشي لي بغيت
فيروز : غير هو واحد السؤال عبيط و ما ديرهاش مني قلت الصواب راه ابدادا و يستحلحل ننساحب غير ايلا ما سولت هاد السؤال !
كمال : و مالك متشددة بحال هاكا واش انا قلت لا ؟؟ سولي ...
فيروز : احم و المهم تا نوجدك و صافي ... حيت راك عارفني ايلا ما درتشاي داكشي لي فراسي ما نرتاحش
كمال : و غا سولي و كان و نرتاحو بجوج ..
فيروز : ايييي تا نتا صدقتي فضولي بحالي !
كمال : اتسولي و لا ما بقيتش انجاوب مزال ...
فيروز : و غاااا بالشوية يا حييي . احم حشمت
كمال : شنو من قبايلة و انا كانخطب عليك
فيروز : ههههه و ما يمكنش دغيا دغيا ... دابا حنا مزوجين ياك ؟
كمال : واحد الورقة و واحد الحالة مدنية كاينة فالخزنة فالبيت تا تقول اه و نتي وجودك
فيروز : و ماشي وقت الطنيز
كمال : ههههههه و شنو
فيروز : و المهم جاوبني
كمال : ايييه نسبيا مزوجين حيت الزواج فيه و فيه و حنا درنا فيه بقات غي فيه الثانية و يكون كامل مكملول
فيروز : ايييييه زومي ليا على هاد اللقطة راه هي لي بغيت
كمال : نديرو فيه اليوم !
فيروز : استغفر الله
كمال : هههههه و شنو ؟
فيروز : دابا ياك نتا ما عمرك !
كمال : ما تقوليش ليا نفس السؤال ديال نهار كنتي مريضة
فيروز : احم و كون لقيت ليه جواب ماتليتش نسول مزال
كمال : و عادي ... دابا نتي ما عمرك ! ما عارفاش شنو كايوقع ؟؟
فيروز : من غير داكشي لي قراونا فالثامن لا
كمال : هههههه تا حنا فالاول غانبداو غا
فيروز: (قاطعاتو) نبداو ؟؟ رجوع الله
كمال : لا لا غا اجي ندير ليك شي بث تجريبي دابا النيت
فيروز : هاا. ؟ لا شكرا ..
كمال : و باش نشبع فضولك
فيروز : (ضربات فمها بيديها) هاك ا فمي
وقف عليها و تحنا هزها و هي تحميها للغوات ... خلاتو شابع عليها ضحك
فيروز : وااااع كمال حطني .. ويلي حشومة .. الكسوة كاطلع ... حيد يديك من تماك ... اععع عفااااك ...
كمال : ههههه غا تهدني و رخي راسك
فيروز : (دايرة كي الخشبة) توء توء رخيني و نكونو مزيانين و عشران و صحاب و خوت و لي بغيتي
كمال : (باسها فعنقها) انا بغيت نولي راجلك .. ما حدنا باقيين خوت راني ماهانيش
فيروز : و وو تتت تال شي نهار اش بغيتي دير بشي هنا من دابا .. راك باقي صغير خاص تتمحن
كمال : ايييه و ايمتا تحني نتي !
فيروز : و منين يبغي ربي ! (حطات يديها على كتفو و شافت فعينيه) عفااااااك
كمال : اخخخ عارفاني ما اندير والو بلا رضاك
فيروز : هممم اه
كمال : و بلاش ما تبقاي تسبلي فعينيك عليا راه بزاااف
فيروز : طحت ليك على الكووود ... هاح عليا و خلاص
كمال : لا حول و لا قوة الا بالله ...
فيروز : حيد يديك من تماك .. رخيني نهبط نسخن لعشا راه جعت
كمال : هاااا ؟
فيروز : اييييه راه تا نجوع دغيا .. خصوصا فالمواقف الحرجة
كمال : ههههه باش تسلتي
فيروز : تمااااما
أنت تقرأ
محاسن الصدف - سخرية القدر- (بالدارجة المغربية)
Romantizm📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
