تجمعات الطبلة و تفرشو الزرابي و اللحوفة فالارض و تحطو الوسايد و جاب قيس الدربوكة ديالو من البيت و منال جابت الصينية و جوج كياسان و تا جميلة بحالها غا هي خدات المعالق و تزلعو شي فالارض شي فوق السدادر ...
فيروز : انا نبدا و نتوما شدو معاي
زينب : ارا برع
منال : حاولي على داك الحلوق و جهدك اتحتاجيه غدا
فيروز : لا ما تخافيش راه عندي جهد ليوم و غدا تا نكمل و نموت
منال : يا بنت الخارجة يا الهاترة يا توزني يا نلصقك مع حيط و بناقص منها كلسة
فيروز : و غا بسطنا معاك
زينب : (زربات عليهم) احم و بداي
فيروز : عطي لوالديه ا باباه
زينب : عطيه (بدا قيس تا يضرب)
فيروز : على عنيه
زينب : عطيه (بدات جميلة و مناا تا هوما)
فيروز : لي شافو ليه
زينب : عطيه
فيروز : عطيه العصير (عطيه) في كاس كبير
زينب : عطيه
فيروز : عطيتو للحيط (عطيه) راب عليا
عماد : (شير عليها بمخدة .. ) ما لقيتي غي هاد الاغنية
فيروز : مالها زوينة ؟
عماد : بدلي بدلي
فيروز : واخا
قيس : تي مالك مغنية الشعبي .. خليه تال غدا .. عطينا الاحساس
سناء : اه غني شي حاجة رومانسية
فيروز : احم احم .. واااخا .. قيس عارف لا تهجى ؟؟
قيس : لاء
فيروز : و اخر حبة ؟؟
قيس : شير عليك بمخدة قبايلة دابا اينوض يشير بيك من السطح
فيروز : هههه ايوا تامن عجيبة ؟؟
قيس : دابا سمعتك .. بداي
فيروز : احم احم ... انت تامن عجيبة بعد سبع العجايب و الهيبة هيبة اميرة من بعد فهيت فيك .. و اذا حبك مصيبة ... يا هلا بالمصايب و اذا العيد انا بجيبه .. خليني اكشخله و اجيه ...
بقات تا تغني تا كملات الاغنية و هوما يبداو شي يصفق شي يصفر و هي دايرة راسها حشمانة زعما
نزار : و سعدات كمال ا خوتي
قيس : اتولي تغني ليه و حنا دانا الواد
عماد : و ما سخيتش بيك
فيروز : هوب هوب هوب .. خارجين ليا فسعدي نتا مزوج و مشيتي قبل مني و نتوما ما تزوجو ما تخليو لي يتزوج ... لا حول و لا قوة الا بالله ... حجاركم يشدوكم
نزار : و شوفلك زيد معاها مزال
عادل : يا و الله تا تقتل على ودو
زينب : حيت هي انااااانية فحبها 🤣
فيروز : و شدو فيا ما عندكم ما يدار
عادل : داكشي لاش مجموعين هنا اصلا
فيروز : (ميقات فيهم و شافت فمنال) ماما غني لينا شي اغنية من داكشي ناس زمان
منال : بنت ليك من ناس زمان .. (بقات تا تشوف فبها فيروز بلا ما ترمش) الشارفة هي يماك
فيروز : عارفة داكشي لي قصدت تا انا
منال : لا حول و لا قوة الا بالله ... اللهم صلي على نبي
الكل : عليه الصلاة و السلام ...
منال : حنيو للالا .. حنة و حناني لالا لعروسة فالجاه العالي .. لولولولولولولولولولولي .. حنيو للالا قدام جريدة مولاي السلطان فيها يتسارا ... و حنيو للالا ...
بقات تا هي تا تغني و هوما تا يصفقو و يطبلو و يزغرتو ... نوض ها و نزار تحمس ناض يكبل على الطبلة و منال تقول و هوما يعيدو و راها ..
من بعد ناضو يلعبو الميم .. و تقسمو فرق و بقاو كايختارو سميت افلام و يقلدوهم باش يربحو فريقهم ...
أنت تقرأ
محاسن الصدف - سخرية القدر- (بالدارجة المغربية)
Romance📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
