بقوة الضغط على راسها و كاتحاول تتبت فراسها و تبان قوية ... ما تحملاتش و سخفات ... ما قداتش تزيد تسمع هضرة اخرى... خافت من انو كلام لطيفة الاخير يبكيها
جميلة : اياو زينب ...
مع قالتها تفتحات الباب و تسمع صوت الغوتة لعلى برا و فيروز جات تا تنقز ...
فيروز : مالها ؟؟ شواقع ؟. شنو درتو ليهاااا (بدات تبكي و تهرنن و هي تا تضرب ليها فوجهها) فيقي .. زينب نهارك هذا ما خاصش يوقع ليك فيه بحال هادشي
مهدي : (تحنا باش يهزها) نديوها للطبيب
عادل : بلاتي نجربو الريحة ..
فيروز : شنو وقع ليها دويو علاش سخفات خليتها صحة سلام .. خالتي قوليلي
جميلة : (مقلقة منها) شوفي نتي ...
فيروز : (شافت فمهدي) عرفو
مهدي : مع الاسف ...
فيروز : (الدموع فعينيها و الشهقة خانقاها) و ععع لاش ما تصبروش تا يفوت العقد .. علاش هجرتوه ليها واش ماشي بنتكم هي واش ما عارفينش شنو دوزات من صغرها بسباب هاد المرض و مزال تابعها و ما مهنيها زدتو نتوما ... عرفتو علاش ما بغيناش نديو باش ما يوقعش بحال هادشي ... (شافت فلطيفة) هو كبير و مسؤول على اختياراتو و قراراتو و لكن ضروري ما يبغي يتبع رضاك و ايلا اختاريتي شي حاجة فسبيل الانانية عرفي بلي و الله تا حكمتي على جوج ديال القلوب بالموت و ما عمرهم مزال يعيشو مزيان و حتى نتي ما اتكونيش فخير ... (تلفتات لزينب تاني و تا تضرب ضربات خفاف لوجهها) زينو فيقي عفاك ..
مد ليها عادل العطر و توخر اللور مربع يديه و كايحاول يفهم شواقع ... رشاتو فيديها و حطاتها على نيفها و شوية بشوية بدات تا تكمش فعينيها استعدادا باش تفيق .. مع حلات عينيها جا بيناتهم مهدي...
زينب : ( حابسة دموعها تاني ) ساقو لخبار صافي سالينا حتى قبل ما نبداو و لكن راه حسن ما نكون انانية و نضيعك معاي .. خالتي عندها الحق خاص لولاد ما عندك ما دير بوحدة بحالي .. تقدر تولد تقدر لا ... الله ييسر ليك و يكمل عليك بالخير .. كنتي حلم و لكن صعيب التحقق .. هانية ليس كل ما يتمناه المرء يدركه قلتها داك المرة و انعاودها دابا ... غا هو كون غا فسخنا الخطبة من الاول حسن ما نوصلو لتال هاد المواصل ...
لطيفة : (قاطعاتها ) و ها نتوما وصلتو من الخير كملو على خيركم و نوضي قادي راسك و خرجي العدول تا يتسنى ...
زينب : و لكن
لطيفة : شنو و لكن ... نتوما كاتبغيو بعضياتكم انا ما عندي فين ندخل .. الله يكمل بالخير ... ختي جميلة ننساو اش وقع و تتجاوزو هادشي ... اختارو لعضياتهم الله يسخر
جميلة : تا انا راه ما نكرهش نشوفها فرحانة و لكن كان ضروري تسيقو الخبار باش ماشي غدا من غدا نتعايبو ...
لطيفة : خير ما درتي ... ياله ا مهدي نخرجو نخليوها تقاد راسها
جميلة : (شافت فيهم) الله يكمل بالخير و لكن و الله لا نسيتها ليكم ... ياله انا على برا ...
مهدي : (حنا لعند ودنيها) وجدي راسك ليا ... ما بقا والو و تولي حرم بنسودة (شاف فيها غمزها و خرج )
فيروز : (عنقاتها) دازت سليمة ... خلعتيني عليك
زينب : اخخخخخ قلت ليك احساسي ما يخيبنيش
فيروز : يشتت شملهم .. يا يحسو مقاد يا يجمعو و يطويو
أنت تقرأ
محاسن الصدف - سخرية القدر- (بالدارجة المغربية)
عاطفية📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
