واقفة بقفيطين فالغوز مفتوووح مطروز بالذهبي و توربون فنفس اللون مع بوشيط صغيرة ، قدام المراية خايدة كاتقاد اخر اللمسات ... حتى دخلات عليها زينب حتى عي بقفطان خفيف فالازرق سماوي كولو مطروز و مخلية شعرها مطلوق واخد راحتو
زينب : سربي ياله !
فيروز : لا زربة على صلاح ، راه كلشي مقاد و واجد
زينب : ايييه بالشوية عليك ، سري انا لي كالسة نترطا ، (هزات كتافها) اصلا انا غادة مع خويا و ماما
فيروز : (حطات العكار فبلاصتو و تبسمات) و زينة تا هي ! (شتفت فيها ببرود) ما قلتش ليك هضرت مع عادل لبارح و قلت ليه خاصو يدوز وراها تا هي ، حشومة نحطو خالتي جميلة أمام الامر الواقع
زينب : (كاتهكم عليها نا عرفاتها فين باغا توصل) واش مرتاحة دابا !
فيروز : لا و لكن طال الزمان و لا قصار غادي نرتاح و نولي بخير ..
زينب : (تنهدات) الله يدير لي فيها الخير (جميلة كاتعيط عليها ) و ياله انا نسبقكم ..
فيروز : اوكي واخا
خرجات زينب و خلاتها مزال واقفة قدام المرايا تا جات لعندها منال !
منال : هههه ما شاء الله ، كون غي بقات داك فريفرة نقرا عليكم بجوج (بدات كاتقرا فالمعوذتين ) الله يحجبك من العين
فيروز : لواه ماشي لهاد الدرجة
منال : سكتي لمك ، كالسة نهز ليك فالمعنويات و لكن معامن جيت ... الله ينعل لي ما يحشم !
فيروز : صافي صافي ا ميمتي ! واجدين ؟
منال : انا و باك وخوتك واجدين بقا غي كمال و عماد ما زال ما جا
فيروز : و راه قال بلي ايدوز لدارو ورا كتب لكتاب و ايلبس تماك عاد ايجي لعندنا !
منال : ايييه المهم انا و باك انمشيو مع عماد و قيس ايمشي مع نزار و نتي اجي مع كمال ، حيت كاتعرفي تنعتي اما لاسفطينا خوك معاه مشا يتلفو
فيروز : اييييه واخا ان شاء الله ... و ياله نخرجو نشوف كبور كي جا
منال : و مالك ما علقتي على الشعيبية ؟
فيروز : واايلي راك في غنى عن تعيلقي ، هانتي تشوفي غي عوينات بابا و تفهمي اش كانقصد
منال : الله يمسخك ، زيدي
خرجو لقاو احمد كالس فوق الكرسي ديال الطبلة دلماكلة و حداه نزار لي كان تا هو متألق (بواحد اللبيسة اخوتي ما نعاودش ليكم كون كانت فازو كون سخفات ) و قيس واقف قدام لمراية كايقاد راسو ... شاف ففيروز من لمراية و هو يصفر
قيس : اليوم يجيو فيك لخطاب و نلصقوك ليهم و نتهناو منك
فيروز : (عيباتو ) سبحان الله الشريف
نزار : داك العكار معيق بزاف نقصي شوية
احمد : (دار فيه) و نتا لي نقص شوية و خلي ليا بنتي تعيش حياتها راه عرس خوها هذا
فيروز : (عنقاتو كاتقلي ليه السم) هاج لهلا يخطيك عليا ا باباتي ، (شافت فنزار) ما تعرفش تكون بحالو !
احمد: هانا على قمري المنير ... فيروز مك غطات عليك
فيروز : ها ما قالت الشوافة !
منال : احم احم .. عماد تعطل !
فيروز : و دابا يجي يا لكبيدة و دابا يجي
تسمع صوت الساروت فالباب و دخل تا عماد متأنق زعما غا سناء لي تزوجات
فيروز : دكر لكلب و وجد ليه هراوتو
عماد : واش تبغيني نجي ليك
فيروز : ويلي لا ، الليلة ليلتك يا عريس ... ريلاكس
قيس : (عنقو عناق رجولي) مبروك عليك
نزار : (تا هو عنقو ) صافي مشات لحرية باح
فيروز : (تقدمات ليه بالشوية (حشمانة زعما )) مبروك عليك دابا راك طبقتي نصف الدين لعقبا للشي لاخور ..
عماد : والو واش تعرف تقاد شي حاجة، ياربي السلامة ... حيدي عليا (مشا باس لمو و باه راسهم و يديهم و رضاو عليه)
فيروز : تجمعوا ناخدو سيلفي ، اعععع مصاب كون كانت بقرتي و طاسلتها تا هي (هزات كتافها ) ما عليش باقي نتلاقاو فالعرس
قيس : تيبقي الستر
أنت تقرأ
محاسن الصدف - سخرية القدر- (بالدارجة المغربية)
Lãng mạn📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
