تخطيت ألمي بك

الفصل الثالث

فتحي بإستغراب : انتم تعرفوا بعض ؟؟
شيرين تنظر لسيف بإستغراب وكادت تنفي معرفته ولكن
سيف : مش معرفه اوي يا فندم كل الحكاية ان الانسه امبارح خبطت فيا وهيا داخله بسرعه
شيرين بتذكر : ايوا فعلا دا حصل
فتحي : طب تمام دي يا سيف دكتورة شيرين اللي هتكون مسؤوله عن حالة فهد
سيف بإنزعاج : ازاي يا فندم مش هتقدر عليه وحضرتك عرفت عمل فيها ايه امبارح ثم نظر اليها وصمت
شيرين : وانا مصرة اني مش هسيب الحاله ابدا ودا قراري ومتهيألي مافيش اي حد يقدر يغير القرار دا فلو سمحت تتعاون معايا
سيف : تمام انا نصحتك علي العموم ممكن حضرتك تتفضلي علي مكتبي علشان نتكلم عن المريض وتاخدي المعلومات اللي حضرتك عايزاها
شيرين : تمام عن اذن حضرتك يا دكتور فتحي
ذهبت شيرين مع سيف لمكتبه
سيف : تشربي ايه
كادت شيرين ان ترد لكن قاطعها طرقات علي الباب ودخول محمود
محمود : هناء قالت إن حضرتك في مكتب دكتور سيف ف جبت القهوه علي هنا ثم مد يده بكوب القهوه خاصتها
شيرين : شكرا يا محمود ، خلي اي حد يجهز اكل فهد علشان انا اللي هاخده ليه ثم نظرت لسيف
محمود : فهد ؟ فهد مين
شيرين : الحاله اللي انا مشرفه عليها يا محمود
سيف : محمود خلي هناء تجيب ليا فنجان قهوه
محمود : تمام يا دكتور  ثم خرج من المكتب
سيف : كنتي عايزة تسألي عن ايه بخصوص الحاله
شيرين : عايزة معلومات عن ردود الافعال اللي كانت تصدر عنه بتكون ازاي وامتي بتكون قوية وامتي بتكون ضعيفه انا دورت عن اي حاجة بالخصوص دا في التقارير بس ملقتش اي حاجة مفيده
سيف : قصدك ايه يا دكتور
شيرين : قصدي ان الحاله مكنتش بتتابع اصلا يا دكتور انت بس كل اللي كنت بتعمله انك تديه مهدأ ان ماكنتش تطرفت لجلسات الكهربه
سيف : المريض مكنش بيستجيب وكان علي طول في حاله هياج
شيرين : وحضرتك ملحظتش ان دا غريب حيث ان اي مريض بيمر بأكتر من حاله ساعات بيكون هادي جدا ودا بيكون انسب وقت لينا علشان ناخد المعلومات اللي احنا عايزينها وساعات بيكون في حالة هياج لكن من المستحيل ان حالة الهياج هيا اللي تكون مستمرة طول الوقت ودا ان دل علي شئ ف ... تجاهلت شيرين ما كانت تريد ان تقوله فهي لا تعرف طبيعة الحاله جيدا حتي الان .. علي العموم يا دكتور ممكن توصف ليا حالة الهياج اللي بيكون فيها المريض
سيف : تمام .. ثم اخذ يصف لها ما ارادته وبعدها أجاب عن بعض الاسئله الاخري التي كانت تطرحها عليه وتدون ايجاباته وبعد نصف ساعه ..
شيرين وهي تنهض : كدا تمام شكرا لحضرتك ، ثم خرجت متوجهه الي مكتبها دخلت ثم ضغطت علي احد الازرار
شيرين : ابعتلي محمود او عادل بسرعه
بعد قليل دخل محمود وهو يحمل الطعام الخاص بفهد
محمود : حضرتك طلبتيني يا دكتور
شيرين : كنت هسأل عن الاكل لكن انت جبته اهو هاته يلا علشان انا طالعه للمريض
محمود : بس يا دكتور ... لم يكمل كلامه لأن شيرين اخذت منه الطعام وخرجت ظنا منها انه سيقول مثل ما قاله المره السابقه
صعدت شيرين الي الدور الاخير ووقفت امام الباب لثواني معدوده ثم وضعت الطعام بجانب الباب فستعود اليه ثانية لكن عندما تتأكد من انها لن تصير اي مقاومه حتي لا ينسكب الطعام ثم فتحت الباب بهدوء شديد ...
...................................
رؤي : ام السعد يا ام السعد
ام السعد : نعم يا هانم
رؤي : عيزاكي انتي والبنات تبدؤا تجهزوا الغدا اللي شيرين بتحبه لأنها هتيجي النهارده لسه فكراه صح
ام السعد : وهو انا اقدر أنسي اكل الهانم الصغيره
رؤي : تمام وانا كمان شويه هاجي أساعدك إنتي والبنات
ام السعد: تمام يا هانم ومبروك رجوع الهانم الصغيرة والله وحشتني ووحشتني شقاوتها اوي
رؤي بإبتسامه : طب يلا روحي قولي للبنات
ومع خروج ام السعد دخل الابن الأصغر للعائله
احمد بذهول : بتقولي ايه القرده رجعت امتي دا حصل
رؤي بإبتسامه : اول امبارح وبعدين قرده في عينك دي اختك الكبيرة ولازم تحترمها
احمد : كبيرة عني بسنه واحده يا ماما وبعدين انا بقول الحقيقه انتي مش بتشوفيها كل ما تشوف جاسر تتشعلق في رقبته ومش بتسيبه ابدا وكأن ملهاش اخ غيره
رؤي ضاحكة : قول انك غيران من تعلق شيرين بجاسر ، انت عارف ان جاسر هو اللي كان معاها خطوه بخطوه من ساعة ما شافها وبعدين هيا بتحبك انت كمان زي جاسر بالضبط دا انتم لما بتتجمعوا بتعموا كل مصيبه والتانية وجاسر هو اللي يحل
احمد بضحك : فعلا والله واحشتني اوي ووحشني مقالبها فيا
رؤي : ربنا يحفظكم لبعض يارب
احمد : يارب يا ماما ، طب هروح الجيم دلوقتي بق علشان اكون موجود قبل ما توصل وأستقبلها  ودع احمد والدته بقبله علي جبينها وخرج ودخلت هيا تساعد الفتيات في تحضير الطعام
.......................................
في مقر شركات المهدي
عزت : انت هتروح تجيب اختك امتي يا جاسر
جاسر : هخلص شغل وهروح اجيبها من المستشفي
عزت : تمام خد الملفات دي راجعها وبعدين وقع عليها
جاسر : حاضر ..
......................................
دخلت شيرين الغرفه بهدوء شديد وهي تنظر حولها لكن كما هو الحال في المرة السابقه لم تري اي شئ سوي الظلام الذي يبتلع الغرفه بأكملها ثم أضاءت الأنوار حيث كانت  قد علمت محلها من المرة السابقه واذ تتفاجئ بهدوء شديد لم تتوقعه ابدا اكملت سيرها في الغرفه حتي وصلت للسرير واذ تتفاجئ بفهد يغط في ثبات عميق هي تعلم انه مع اقل حركة يشعر بها يستيقظ كما قال لها سيف لكنه لم يفعل ذلك لذلك سارت ببطء نحوه ثم هزته ببطء ولكنه لم يسجيب ارتعبت فأول ما خطر ببالها انه من الممكن ان يكون حدث له شئ وبسرعه امسكت معصمه لتقيس نبضه لكنه كان طبيعي جدا لذلك خرجت من الغرفه سريعا ونزلت الي مكان تجمع الممرضين
شيرين : محمود محمود ليه المريض نايم ومش راضي يفوق
محمود سريعا: متقلقيش يا دكتور هو اخد حقنه مهدئه شويه ويفوق
شيرين : مين اللي اداله الحقنه
محمود : دكتور سيف اصل المريض جاله حالة صرع شديده ودكتور سيف كان موجود فإداله الحقنه
شيرين بغضب : تمام ثم خرجت سريعا لمكتب دكتور سيف
هناء : مالها دي ياخويا فيها ايه يعني كانت عايزاه يموتنا علشان تهدي
محمود : ملناش دعوه يا هناء
وصلت شيرين امام مكتب دكتور سيف طرقت الباب ثم دخلت
شيرين بصوت يملأه الغضب : مين سمحلك انك تدي لفهد حقنه مهدئه اعتقد اني استلمت الحاله امبارح من حضرتك ودا معناه انك مش ليك اي تدخل في حالته يبقي ليه تديله الحقنه
سيف : كان عامل شغب كتير جدا ومحدش عارف يسيطر عليه والكل خايف منه حتي الممرضين لأنه اخر مرة كسر عظام واحد منهم حتي تقدري تروحي تشوفي هو عامل ازاي ف أنا اتدخلت وإديته حقنه مهدئه
شيرين : اعتقد ان في الوقت دا وفي الحاله اللي كان فيها بالأخص المفروض ان حد كان اتصل بيا يبلغني وانا سايبه رقمي هنا تحسبا لأي موقف زي دا
سيف : فعلا بس احنا مكناش عارفين نفكر احنا ممكن نعمل ايه حرفيا كان عمال يكسر كل حاجة ، جاتله حالة صرع شديده حتي لو كنتي مكاني كنتي هتعملي نفس اللي عملته
شيرين : انت كدا بتضره مش بتعالجه هقول لحضرتك جمله ياريت تفتكرها دايما اي مريض انا استلم حالته محدش يتدخل بأي شكل من الاشكال حتي لو كان مدير المستشفي نفسه لأني مسمحش ان اي احالة انا اكون مسؤوله عنها تتأذي بأي شكل من الاشكال ياريت الموقف دا ميتكررش تاني ... ثم خرجت من المكتب ووجهها احمر من كثرة الغضب تجاهلت نداءات محمود وعادل لها وصعدت الي الطابق الاخير مرة اخري واخذت الطعام الذي كانت قد تركته في الخارج في وقت سابق ودخلت الغرفه وضعته علي الطاوله وتوجهت للجلوس علي الاريكه وظلت تنظر الي فهد طويلا وتفكر فيما ستفعله معه نظرت الي الغرفه من حولها فوجدتها غير مرتبه تماما لا تصلح للعيش الآدمي وكأن هناك اعصارا قد ضربها هي تعرف ان ظلت جالسه هكذا ستظل تفكر وتفكر بلا انقطاع وانها بحاجة الي اراحة عقلها قليلا لذلك نهضت وبدأت بتنظيف الغرفة لأنها تعلم انه لن يتجرأ احد ليدخل وينظفها وما ان انتهت حتي لاحظت حركة طفيفة تصدر من فهد تدل علي بدء استيقاظه اخذت نفسا عميقا وابتعدت قليلا حتي تترك له مساحه كافية ثم أخذت تتابع كل حركة يصدرها أثناء إستيقاظه كل هذا وعقلها يدون ملاحظات استيقاظه يدل علي ثبات عقله فهو كأي شخص عادي يستيقظ وليس هائما في عالمه الخاص ولا يظهر عليه اي علامه من علامات الجنون فهمت انه لم يلحظها بعد وجدته يتجه الي النافذة ويتأمل الخارج بشرود وهنا اخذت القرار بإظهار نفسها
شيرين : احم احم
التفت ونظر لها وقد ظهرت عليه أمارات الغضب
فهد : هو انا مش قولت محدش يدخل ليا مش عايز اشوف حد وهو انتي نسيتي انا عملت فيكي ايه ولا عايزاني اموتك علشان متجيش هنا تاني
ما ان سمعت شيرين هذه الجمله حتي ضحكت بسعاده شديده وبدأت تصفق بشده اما هو فنظر لها ببلاهه فقد اقسم بداخله انها مجنونه وليست طبيبه ابدا
شيرين وقد تحكمت في ضحكتها : متقلقش مش هموت ومش هتقدر تكرر اللي عملته قبل كدا ومن النهارده هتعمل اللي هقول عليه
فهد : ومن قالك اني هعمل اللي قولتي عليه ثم بدأ يقترب منها ببطئ شديد وليس بسرعه كما كانت تتوقع ان يحدث فخمنت انه يترك لها وقت للهروب ولكن هيهات ظلت واقفه في محلها لا تنكر خوفها فهو ذو بنية قوية مقارنه بها وما ان كان علي وشك الهجوم عليها حتي .....
....................................
سيف : زي ما بقولك انا مبقتش المشرف علي حالته
مجهول : بتقول ايه ازاي دا حصل
سيف : معرفش انا فجأة لقيته بيقولي ان فيه دكتورة كانت بتدرس بره هيا اللي هتمسك الحاله من دلوقتي
مجهول : وانت هتعمل ايه لازم ترجع تمسك حالته من تاني ولازم تديله الدوا في والوقت المحدد
سيف : معرفش لسه بفكر وحتي هيا مش عارف ليه متمسكه بالحالة بتاعته اوي كدا دا حتي اتهجم عليها وهيا برضوا مكمله دي حتي لما عرفت اني اديته مهدئ كنت حاسس انها عايزه تقتلني
المجهول : ماليش دخل بدا كله كل اللي عارفه ان لو فهد خرج حياتنا كلها هتدمر وانت أولنا
سيف بإنزعاج : تمام هشوف هعمل ايه
وظل يفكر كيف سيعطيه الدواء بدون ان تعرف
.......................
ياتري ايه اللي هيحصل
وهل سيف هيقدر يكمل اللي كان بيعمله
وشيرين هتقدر تسيطر علي فهد
لو عايزين تعرفوا الإجابة انتظروا الفصل القادم واحفظوا الروايه علشان يوصل ليكم اشعار اول ما انزل الفصل الجديد
ومش تنسوا تصوتوا للرواية 😍😍