تخطيت ألمي بك

الفصل الثامن

عادت شيرين إلي منزل والدها
شيرين : ماماااا انا جيت
رؤي : تعالي يا قلبي انا في الصالون
شيرين : قلبي اللي وحشني يا ناس
رؤي : يا بكاشه 😂😂 زمانك تعبانه ومنمتيش يا قلبي
شيرين : أنا كل اللي محتاجاه إني آخد دووش بعد كدا هنزل أعمل غدا علشان هاخده معايا المستشفي
رؤي : طب ارتاحي إنتي وأنا هعمل الغدا
شيرين : عايزة أنا اللي أعمله النهارده ولا إنتي مش عايزة تاكلي من إيدي يا رورو
رؤي : ابدا يا قلبي ، خلاص المطبخ كله ملكك النهارده بس برضوا هساعدك
شيرين : إشطا نص ساعه وهنزل ، صحيح هو أحمد فين
رؤي : في الجيم هتلاقيه جاي كمان شوية
شيرين: تمام
صعدت شيرين للأعلي اخذت دوش وارتدت بيجامه علي شكل ميكي ماوس ونزلت للأسفل متجهه للمطبخ
شيرين : يلا نبدأ بق ام السعد لو سمحتي طلعي ليا مكرونه اسباجتي وصدور فراخ والحاجات اللي بيتعمل بيها الصوصات وآه عليزة ماشروم وكل انواع الخضار اللي موجوده هنا
ام السعد : من عنيا يا بنتي
أحضرت لها أم السعد كل ما طلبته وبدأت شيرين في تجهيز الغداء
شيرين وهي تنظر لسلمي : إنتي بتعملي ايه بالضبط
سلمي : بعمل السلطه
شيرين : لأ نوع السلطه اللي انا عايزاها مش بتتعمل بالطريقه دي شروق لو سمحتي حضري أنتي السلطه اما إنتي روحي إعملي العصير
سلمي بتأفف : حاضر
رؤي : مالك بتعامليها بقسوة كدا ليه
شيرين بهمس : البنت دي مش مضبوطه وتصرفاتها مش عجباني
رؤي : دي سلمي طيبه يا بنتي
شيرين : والله ما فيه حد طيب غيرك يا رورو المهم ساعديني في تقطيع البطاطس لصوابع انتي عارفه مش بعرف أقطعهم متساوين شكلك
رؤي : حاضر يا قلبي
أحمد من خلفهم : اتا اتا شيرين بذات نفسها بتطبخ لأ أكيد فيه حاجاة غلط ؛ تفتكري يا رورو أحفظ رقم الإسعاف إحتياطي😂😂
شيرين : ههههه يا ظريف وبعدين حاجة ايه اللي غلط يا سي أحمد ما أنا بقالي سبع سنين بطبخ لنفسي هو أنا زيك مش بعرف أعمل حاجة
أحمد : مين اللي قال كدا بعرف أعمل حاجات كتييرة ياختي بس أنا مش عايز أتعب نفسي
شيرين بضحك : ههههه صدقتك يا خويا ثم أكملت مستفزة إياه روح بق خد شاور علشان ريحتك قلبت المكان
احمد بشهقه : ريحة ايه ياختي دي انا واخد شاور في الجيم قبل ما ارجع هو أنا زيك يا معفنه بستحمي من العيد للعيد
شيرين : أنا بستحمي من العيد للعيد طب والله لهوريك يا أحمد كادت أن تجري وراءه لكن اوقفتها رؤي
رؤي : كفاية بق خناق وانت يا أحمد يا تطلع من هنا يا تيجي تساعدنا
أحمد : إحم لأ مش قادر أعمل حاجة ، انا هطلع أستريح شوية
غادر احمد المطبخ سريعا كانت شيرين تراقبه حتي اختفي عن الانظار تماما
شيرين بتنهيده : هيفضل كدا لغاية امتي
رؤي : مش عارفه والله يا بنتي سيبيه شويه كمان يمكن ينسي
شيرين : ياريت يا ماما ياريت
رؤي : سيبك منه دلوقتي قوليلي مالك انتي فيكي ايه يا قلبي
شيرين : مالي يا رورو بس ما انا كويسه أهو
رؤي : في حاجات كتيره عنيكي بتحكيها احكي يلا
شيرين : بصراحه في موضوع كدا بيخص ماما شاغلني دا غير إن فيه حلم بقالي فترة بحلم بيه لشخص بيطلب مساعدتي بس انا معرفش مين هو خايفه ليكون حد قريب مني ومحتاج مساعده شوفي هقعد معاكي في يوم وهحكيلك كل حاجة دلوقتي خلينا نخلص الغدا
رؤي : تمام
...................................
في مقر شركات المهدي
جاسر : بابا انا خلصت كل الشغل اللي حضرتك كلفتني بيه هروح عند مراد
عزت : مراد برضوا اللي هتروح ليه ولا شركات النويري
جاسر : ايوا يا بابا شركات النويري في الاول والآخر هو صحبي ولازم أقف جمبه وأحافظ علي شركاته
عزت : متقولش انه صاحبك المجرم دا مستحيل يكون صاحبك انت فاهم ، بسببه أنا خسرت صاحب عمري
جاسر : ملهوش ذنب يا بابا ولو عمي كامل كان لسه عايش كان زمانه سامحه وانت عارف كان بيحبه قد ايه والشركات دي ملك عمو كامل هو اللي كبرها وتعب فيها عايز اللي تعب عليه يضيع في ثانيه
عزت : وكامل راح عند اللي خلقه يبقي ايه لازمتها الشركات
جاسر : ملك لإبنه هو كان بيكبرها علشانه ، قولي يا بابا انت لو كنت مكانه وانا أو أحمد اللي عملنا كدا كنت هتسامحنا ولا لأ
عزت : انتم غيره ومتنساش انه السبب في دخول الناس دي في حياتنا وموتوا كامل وعايشين حياتهم عادي ومش لاقين اي دليل عليهم حتي
جاسر : وهو يا بابا بيتعذب لغاية دلوقتي بسببهم وصدقني انا لغاية دلوقتي بجمع أدله ضدهم ارجوك شوف الوضع من منظور تاني انا لازم امشي دلوقتي
خرج جاسر من مكتب والده وهاتف مراد
جاسر : ازيك يا كبير ، انا نص ساعه وهكون عندك طمني ايه أخبار التصاميم
مراد : كله تمام هنا قولي بق مالك
جاسر : نفس المشكله بتاعة كل مرة
مراد : عمو عزت الوضع كان صعب عليه وواحده واحده هيتفهم الموضوع ومتنساش ان هو وعمو كامل كانوا أكتر من الاخوات
جاسر تمام ، صحيح فيه موضوع مهم بخصوص فهد لازم نتكلم فيه
مراد بخضه : ماله فهد هو كويس حصل ليه حاجة
جاسر : معرفش لسه بس هعرف لما نتقابل سلام دلوقتي
مراد : سلام
...............................
انتهت شيرين من إعداد الغداء
شيرين : ماما أنا هطلع ألبس علشان هروح المستشفي ولو سمحتي حطيلي أكل لفردين
رؤي : حاضر بس مش بدري علي ميعاد الغدا
شيرين : ايوا بس انا لسه هروح أشتري شوية حاجات من المول قبل ما ارجع للمستشفي علشان كدا لازم أمشي بدري
رؤي : تمام علي ما تنزلي هيكون الاكل جاهز
صعدت شيرين وبدلت ملابسها لملابس كاجوال واسعه ومريحه ونزلت وجدت والدتها قد ضبت الطعام في حافظات حراريه
شيرين مقبلة رؤي : شكرا يا أحلي ماما يلا باي
رؤي : خللي بالك من نفسك يا قلبي
شيرين : حاضر ، بااااي
ذهبت شيرين لأحد المولات وأخذت تدخل للعديد والعديد من المحلات واشترت الكتييير من الأشياء
شيرين : كدا كفاية متهيألي يلا أرجع المستشفي بق علشان زمانه جعان وممكن ياكل أي حد مش بعيد عليه والله انه يعملها
صعدت شيرين للسياره بعد أن وضعت بها كل الأغراض وشغلت إحدي الاغنيات لتستمع إليها اثناء قيادتها وبدأت تدندن مع الأغنية
شيرين : ياما حكيت عليك للناس وللأيام قالولي خيال وقولت حقيقه مش أوهام قالوا ملاك بتحلم بيه ومش إنسان راهنت عليك وأديني بقيت أنا الكسبان ، هييييح اوعدنا بق يارب 😂😂
ثم أكملت دندنتها مع الأغاني حتي وصلت للمستشفي أخرجت هاتفها وإتصلت بأحد الأرقام
شيرين : محمود تعالي انت وعادل قدام المستشفي انا مستنياكم هناك
محمود : حاضر يا دكتور ثواني وهنكون عندك
وبالفعل ماهي الا دقائق وكانوا الثلاثه يحملون الكثير من الاغراض وصعدوا للطابق الأخير
شيرين : تمام حطوا الحاجة قدام الاوضه هنا  وممكن تنزلوا انتم
عادل : بس إيه كل الحاجات دي
شيرين بإبتسامه : هغير ديكور الأوضه اللي عامله زي اوضة الاموات دي
محمود : طب تحبي نساعدك في أي حاجة تانية
شيرين : لأ شكرا أنا هعرف أتصرف لوحدي
محمود : تمام بعد إذنك
نزل الأثنان ودخلت هيا الغرفه نظرت حولها حتي وقعت انظارها عليه وهو ينظر من خلال الشرفه
شيرين بمرح : انا جيييت
لم تتلقي أي إجابة منه سوي نظره بارده ثم أدار نظره مره أخري للنافذة
شيرين : يخربيت برودك يا شيخ ... أكيد جوعت أنا بق جايبه ليك شوية أكل هتاكل صوابعك وراهم
بدأت شيرين في فتح الأطباق ووضعها علي الطاوله ووضعت لنفسها ما ستأكله في أطباق خاصه بها فهو في مرحله لن يسمح لها فيها بمشاركته الطعام
شيرين : انا حطيت الأكل علي الترابيزه اهو وأخدت أكلي وهاكل في البلكونه علي ما تخلص أكل
تجاهلها وذهب للسرير
شيرين ببسمه : لو دخلت ومش لقيتك خلصت الأكل أنا اللي هأكلك بإيدي زي الطفل الصغير
قالت جملتها ودخلت للبلكونه وجلست علي الطاوله الموجوده فيها وبدأت في تناول طعامها نظرت له وجدته قد باشر هو الآخر في تناول الطعام ابتسمت بسعادة فها هو يعود لحالته الطبيعية والتي من المفترض انها سبب دخوله المصحة وهو الإكتئاب الحاد دخل علي أمل خروجه بعد عدة أيام لكن الوضوع قد تجاوز الخمس سنوات وهذا ليس من الطبيعي
.............................
عند سهيله
بعد تردد كبير ها هي قد إستطاعت الإتصال به
سهيلة بدموع : محمود بالله ما تسيبني أنا بحبك أوي ... هنا وإنهارت تماما في البكاء
محمود بفزع : سهيله مالك بس إهدي يا قلبي
سهيله : لأ يا محمود أنا أنا كنت غلطانه أنا كنت أنانية أوي مش راعيت ظروف شغلك وضغطت عليك أوي بس أنا كنت خايفه خايفه إنك تبعد عني أو انك تكون زهقت مني علشان كدا مش بقيت تكلمني متسبنيش يا محمود
محمود : مش هسيبك يا قلب محمود مستحيل دا يحصل أنا بس كنت سايبك تهدي شويه وتفكري في اللي حصل آسف علشان مكلمتكيش وبعدين إنتي روحي يا سهيله هو فيه حد يقدر يعيش من غير روحه
سهيله ببسمه : لأ ، يعني خلاص مش زعلان مني
محمود : لأ يا ستي مش زعلان ، وإبقي إجهزي علشان هخلص شغل وهعدي عليكي آخدك نخرج شويه
سهيله : لو انت هتكون تعبان من الشغل فبلاش النهارده ونبقي نخرج في أي يوم تانؤ
محمود : لا يا ستي ولا هكون تعبان ولا حاجة بس إيه التغيير المفاجئ دا
سهيله : تقدر تقول ان كان فيه غشاوة علي عيني وراحت اممم خلاص شوف هو موضوع طويل هبقي أحكيه ليك لما نتقابل سلام دلوقتي علشان مش أعطلك علي شغلك
محمود : اشطا ، سلام يا قلبي
..................................
ما إن انتهت من تناول الطعام حتي حملت أطباقها ودخلت وما إن رأت انه أنهي جميع أطباقه ابتسمت بسعاده
شيرين : شوف أنا جبت ليك ايه .. قالت جملتها ثم وضعت الأطباق علي المنضده واتجهت إلي أحد الأكياس فتحته وأخرجت منه الكثير من الكتب وأكملت جبت ليك كتب كتييرة وروايات علشان متحسش بالملل وجبت لبس كمان ممكن تشوفهم بعدين بس دلوقتي لازم أضبط الاوضه
وبدأت شيرين تخرج كل ما إشترته وتشرح له ما دفعها لشراءه وأين ستضعه كان يتابعها وهي تتحرك يمنه ويسره لكن بدون أن يتحدث وبعد مرور بعض الوقت إنتهت مما كانت تفعله
شيرين : ايوا كدا الاوضه بق شكلها مبهج .. ثم نظرت له إيه رأيك
لم يجيب عليها وإكتفي بإرسال نظرات بارده إليها
شيرين : عفوا عفوا دي أقل حاجة ممكن أعملها ... يلا علشان تاخد الدوا إقتربت شيرين منه وهي تمد يدها بقرص الدواء لكن دفعها فهد بقوه أدت إلي سقوطها
فهد : ابعديييييي بق ابعديي سبيني في حالي
زقفت شيرين من علي الأرض بسرعه
شيرين بغضب : انت جبااان فاهم يعني إيه جبااان ، ليه خايف تواجهه الحقيقه ليه كنت مستسلم للموت مع انك كنت عارف اللي بيعملوه فيك وايه اللي كنت بتاخده استسلامك دا جبن منك هدأت قليلا ثم أكملت شوف يا فهد عارفه أكيد اللي وصلك لدا مش سهل وشئ كبير جدا بس اللي انت بتعمله دا مش الحل
فهد بغضب : انتي مش فاهمه حاجة
شيرين : يبقي تفهمني علشان أقدر أساعدك
نظر لها فهد و...
.........................