Min Jimin (Completed)

Part 34 (Final)

(Unicode)

(၅နှစ်ခန့်ကြာပြီးနောက်)

အသက်၂၄နှစ်ကိုရောက်လာပြီဖြစ်တဲ့ Jimin လေးဟာ အခုချိန်မှာတော့ ရင့်ကျက်တည်ငြိမ်တဲ့ အင်ဂျင်နီယာကျောင်းသားလေးဖြစ်လို့နေခဲ့ပါပြီ...။ စီးပွားရေးအကြောင်းတွေကို စိတ်မဝင်စားပဲ ဒီဇိုင်းဆွဲတဲ့အလုပ်ကိုပဲစိတ်ဝင်စားခဲ့တာကြောင့် Taehyung နဲ့ Jimin က အင်ဂျင်နီယာဖြစ်ဖို့ကိုပဲ အတူရွေးခဲ့ကြတယ်...။ ဆိုးလ်တက္ကသ်ုလ်ကိုဝင်ခွင့်ရတာလည်း အတူတူမို့ Jimin နဲ့ Taehyung က ငယ်ပေါင်းတွေနဲ့မခြားမနားပင် ဖြစ်လို့နေခဲ့သည်...။

"Minnie ah~~ဒီမှာကြည့်ပါဦး... Jisoo noona က ပွဲဦးထွက်ပြီးထဲက အောင်မြင်မှုတွေဆက်တိုက်ပဲနော်... Black Pink က ဒီနှစ်အတွင်း တော်တော်နာမည်ကြီးလာတာပဲ... noona က အဖွဲ့ထဲမှာ visualဆိုတော့ မိုက်တာပေါ့လေ"

Taehyung က MAC book ကိုကိုင်ထားရင်းမှ Jimin ကိုလှမ်းပြောနေတာဖြစ်သည်...။ project ရှိနေတာကိုအာရုံမရောက်ဘဲ လုပ်ချင်တာလုပ်တတ်ကြသည့် အကျင့်ဆိုးလေးတွေက၂ယောက်လုံးမှာကိုယ်စီရှိကြ၏။

"ရှေ့တစ်နှစ်က သူတို့ concert ကို ငါနဲ့ကိုကိုတောင် သွားလိုက်သေးတယ်လေ... NewYork မှာ တစ်ပတ်ကြာသွားတာ မင်းသိတယ်မလား... Noona ကိုယ်တိုင် ကိုကိုနဲ့ငါ့ကို ticket sponsor ပေးတာ"

MAC book လေးကိုကိုင်ထားရင်းမှ ပေးထားတဲ့ project လေးကို စကားပြောရင်း အေးဆေးလုပ်နေသည့် Jimin ကို Taehyung တိတ်တိတ်လေးစိုက်ကြည့်နေမိ၏။ ဟိုးအရင် အထက်တန်းကျောင်းသားလေးအဖြစ် ခင်ခဲ့ဖူးတဲ့  Jimin ဟာ အခုအချိန်မှာတော့ရင့်ကျက်မှုအပြည့်ဖြင့် တည်ငြိမ်လို့နေခဲ့ပါပြီ...။ မိန်းမချောလေးချောတဲ့ Jimin ဟာ အခုအချိန်မှာတော့ ယောကျ်ားပီသမှုလေးတွေ ရောယှက်လို့လာခဲ့သည်မှာ အင်ဂျင်နီယာ‌ကျောင်း စတက်တဲ့နှစ်မှာထဲကဖြစ်သည်...။

သူ့ရဲ့ပိုင်ဆိုင်တဲ့သက်ဆိုင်သူဖြစ်တဲ့ Min Yoongi ကရော...။ Taehyung သိသလောက်ကတော့ စီးပွားရေးလောကမှာ Min Yoongi က အတော်လေးနာမည်ရနေခဲ့တာပင်...။ ၅နှစ်တာအတွင်း Yoongi hyung ရဲ့ကြိုးစားမှုတွေက တက်သစ်စလူငယ်စီးပွားရေးလုပ်ငန်းရှင်လို့ မဆိုသာရအောင် အဆိပ်တွေပြင်းလို့လာခဲ့တာပင်...။