Ana's Sex Life အန်နာ၏ လိင်မှုဘဝ

12. That Rich Uncle

ဦးလေးပီတာ... အမျိုးဝေးသော်လည်း အမျိုးတော်သည့် ဦးလေးတစ်ယောက်ဖြစ်သည်။ အမေ့ထက် ဆယ်နှစ်ငယ်သည့် မောင် တစ်ဝမ်းကွဲဖြစ်သည်။ အသက်က ၄၅ ဝန်းကျင်။ မြို့တော်တွင်နေသည်။ လူပျိုကြီး ဖြစ်ကာ ကိုယ်ပိုင် စားသောက်ဆိုင် ဆိုင်ခွဲပေါင်း ငါးခုနှင့် အဆင့်မြင့်ဟိုတယ်တစ်ခုပိုင်သည့် ဘောစိဖြစ်သည်။ တိုက်ခန်းများစွာပိုင်ဆိုင်ပြီး ငှါးစားထားတာဖြစ်သည်။ မြို့တော်တွင် တက္ကသိုလ်တက်ချင်သည့် အန်နာ ဦးလေးပီတာ၏ တိုက်ခန်းတွင် ငှါးနေဖို့ဖြစ်လာသည်။ အမေက အန်နာတစ်ယောက်တည်း တိုက်ခန်းတစ်ခုနဲ့နေဖို့ စိတ်မချ သဖြင့် ဦးလေး ပီတာ၏ ကွန်ဒိုရှိ အခန်းတစ်ခုတွင်ပေးနေဖို့ တောင်းဆိုထားသည်။ အလကားမဟုတ်သော်လည်း တိုက်ခန်းစျေးပေးရလေသည်။ ဦးလေးပီတာက မယူဘဲငြင်းသည်။ ဆွေမျိုးချင်း စောင့်ရှောက်ရမှာပေါ့ဟုဆိုသည်။ ဤသို့ဖြင့် အန်နာလည်း မြို့တော်မှ တက္ကသိုလ်ကျောင်းသူဖြစ်ခဲ့ရသည်။

အန်နာ စီးပွါးရေးမေဂျာယူဖြစ်ခဲ့သည်။ အန်နာ အသဲကွဲသည့် ဒဏ်ရာကမပျောက်။ တွမ်မီ အော်ဇီသို့ ထွက်သွားခဲ့သည်မှာ ရှစ်လခန့်ပင်ရှိနေပြီ။ စနေနေ့တိုင်း တွမ်မီနှင့် video call ပြောဖြစ်သော်လည်း အန်နာ စိတ်တိုင်းမကျ ဖြစ်နေရသည်။ စကားတွေပြောနေရသော်လည်း လိုင်းမကောင်းသည့် ရေဒီယို လိုပင်။ ကြားတစ်ချက် မကြားတစ်ချက်။ တွမ်မီလည်း အန်နာ့လိုပဲဖြစ်နေလိမ့်မည်ဟု အန်နာယူဆသည်။

ဦးလေး ပီတာက အသက် ၅၀ ဟုမထင်ရလောက်အောင်နုပျိုသည်။ ရုပ်ရှင်မင်းသားများထက်ပင်ချောသေးသည် ဟုထင်မိသည်။ ဦးလေးပီတာက အားကစားလည်း လိုက်စားသည်။ သို့သော် ဦးလေးက တကယ် ကိုယ်ရောစိတ်ပါ နုပျိုနေရသည်ကို တစ်လလောက်ကြာမှ သိလာရသည်။ ဦးလေးပီတာက အမျိုးတွေကို ပြန်မပြောပြရန် တောင်းဆိုထားသောကြောင့် အန်နာ ဘယ်သူ့ကိုမှတော့ ပြန်မပြောပြဖြစ်။ ဦးလေးပီတာမှာ အပျော်ရည်းစားသုံးယောက်ရှိခြင်းပင်ဖြစ်သည်။ ဂျက်ဆီကာမှာ ဦးလေးပီတာ၏ အချစ်ဆုံးဖြစ်သည်။ ဂျက်ဆီကာက ဆံပင်ပန်းရောင်ဆိုးထားကာ မော်ဒယ်နှင့်တူလှသည်။ အရပ်ရှည်ရှည် မပိန်မဝလေး။ အသက်က ၂၅ ထက်ကျော်မည် မထင်။ အန်နာနှင့်ပင် တခါတရံ နှုတ်ဆက်ဖြစ်ကြသည်။ ညတိုင်းလိုလို တစ်ယောက်မဟုတ် တစ်ယောက်ကို ဦးလေးပီတာက အိမ်ခေါ်လာခြင်းဖြစ်သည်။ အန်နာလည်း သူ့ကိုလာထိသည် မဟုတ်၍ ဘာမှ ကွန်ပလိန်းမတက်ဘဲ နေလိုက်သည်။ ဦးလေးပီတာ၏ ကွန်ဒိုမှာ နေရသည်က ဒီ အချက်က လွဲပြီး အရမ်းကို အဆင်ပြေပြီးကောင်းလွန်းနေသည်လေ။