مسار إجباري (19)
عزيز: انا مش فايق لجنانك يا فارس ع الصبح
فارس: مفيش قدمنا حل غير كدا
عزيز: يعني احنا عشان نهرب من عملية توزيع مخدرات.. نروح نقتل!!!
فارس: عزيز!! امباح كارما كانت في خطر بكرا ممكن تكون خديجة
عزيز بتفكير: عندك خطة!
فارس: حلو.. هنتافق انهارده علي كل حاجة
عزيز: دييل
ـــــــــــــــــــــــــــــــــــــــــــــــــــــــ
سمعت كلام فارس و حسيت اني صعقت.. معقوله فعلا بيحضر لـ عملية قتل!!! انا مستحيل اسمح بـ دا يحصل.. جريت قاعدت علي السرير و حطيت رجل علي رجل فارس طلع من الجنينة و بصيلي بتعجب كبير
كارما: وراء كل راجل عظيم..
فارس: امرأه عظيمة!!
كارما: و وراء كل تجار مخدرات!!
فارس: لا دي معرفهش بصراحة
كارما: امرأة ذكية بتخطط صح و تطلعك منها بدون اي أضرار
فارس:... انا مش فاهم حاجة
كارما: انا هسعدك تتخلص من عصام..
فارس بصدمة: اااية!!!!
كارما: زي ما سمعت.. انا عندي الخطة.. هنتجمع انهارده عند عزيز و خديجة و هنقول الخطة و نتخلص منه قبل ما نسافر.. او ممكن بعديها مش هنحتاج نسافر
فارس: انتي اتجننتي.. انتي ايه دخلك في...
كارما: سيبها عليا انا المرة دي و جربني
قربت عليا و هي منزله الروب من علي كتفها و حوطت رقبتي بدرعها و بصتلي بثقه.. اكبر من حجمها بصراحة
كارما: سيبلي نفسك و شوف الـ woman و هي بتخطط
مقدرتش اعمل حاجة غير اني اضحك علي طرقتها الغريبة
#نورهان_حلمي ــــــــــــــــــــــــــــــــــــــــــــــــ
ادم: ميك ارتظت بـ 900ج!!!
امنية: اسمه ارتست.. و دا بعد الخصم خد بالك
ادم: خصم اه.. دا انا هروح احلق عند زيكو بـ 30ج!!!
امنية: لو سمحت يا بشمهندس مدخلنيش في تفصيل
ادم: طيب حضرتي الناس اللي هنعزمها
امنية: ييس صحبنا في الشغل و قريبي و انت
ادم بحزن: انا كمان حضرت بابا و مرات عمي و صحابي
امنية: مالك يا ادم!!
ادم: كنت اتمني من قلبي بجد بنات عمي يحضرو
امنية مبتسمه: المهم انهم يكونو مستقرين في حياتهم و كويسين و دا هيسعدك طبعا..صح
ادم: اكيد طبعا
امنيه: مش بتفكر تزورهم!
ادم: لأ.. بطمن عليهم من مرات عمي و عرفت انهم هيسفرو قريب و مش كدا و بس.. و كمان هيخدو مرات عمي معاهم طنط زينب
امنية: هنعمل احنا عيله جديدة و جميلة تعوضك عن كل حاجه
ادم مبتسما: دي الحاجة الوحيده اللي مصبرني
ـــــــــــــــــــــــــــــــــــــــــــــــــــــــــــــــ
صحيت من النوم كانت الساعة داخله علي 4:00م معقوله نمت كل دا!!
اتعدلت مكاني لقيت عزيز قاعد علي كرسي قدام السرير بتاعي... ابتسمتله ببرود.. انا مش مدايقة من عزيز بس اللي حصل امبارح لسه هحتاج مدة مش قليلة عشان اتعافي منه بس في نفس الوقت بحاول اداري دا عن عزيز لاني متأكده من الكسرة اللي في عينه ان هو كمان مش كويس
