مسار إجباري (6)
قطعني صوت القلم اللي نزل علي وشي من فارس و خلني اترمي علي الارض
شدني من شعري بقوه و انا حاسه ان في د.م بينزل من مناخيري
فارس: انا ممكن اسمحك علي اي حاجه... اي حاجه مهما كانت.. بس مسمعش منك مجرد تلمح انك عايزه تسبيني او تبقا مع حد غيري.. لما سبتني يوم الفرح مزعلتش قد ما عرفت ان ادم هو اللي هربك... حبيبك القديم
كارما بصدمه: حبيبي!!!
فارس: يمكن انتي مش شايفها كدا بس هو شايفك كدا و قالها قدام عيني من غير ما يخاف علي نفسه
"فلاش باك
فارس بغضب: كارما فين يا ادم انطق
ادم: معرفش..
فارس: لو مقولتش علي مكانها هقتلك
ادم: اقتلني.. بس مش هخليك تعرف مكانها و لا تعيش معاك.. هي اصلا هربت عشان مكنتش هتقدر تستحمل انك تكون معاها
فارس: انت بتقول ايه!!
ادم: هي بنفسها اللي قالتلي كدا.. انت متستحقهاش يا جاسر كارما كانت المفروض تبقا معايا انا.. عشان انا اللي استحقها.
فارس: مقدرتش اتملك نفسي و بدأت اضرب فيه بغضب
كارما بصوت عالي: مستحيل ادم يقول كدا
فارس بغضب: لا قال.. و دلوقتي انا مش هطلعك من هنا انت فاهمه
جريت عليا و شدتني من راعي بصتلها و في د.م نازل من مناخرها و خدها احمر و في دموع في عنيها
كارما: انا مش هستحمل الحبسه هنا طلعني يا فارس و إلا هموت نفسي والله
مسكت دراعها و قربتها عليا
فارس: حتي الموت ممنوع يا كارما و الله هبعتلك امك و اختك وراكي.. عشان ساعتها مش هبقا باقي علي الدنيا
مسكني من شعري و قرب من ودني
فارس: صدقني انتي اللي بتحددي اسلوب معملتي معاكي يبقا ازاي.. حبيني عشان احبك.. عشان مقدمكيش حل غير كدا.. عشان عمرك ما هتطلع من هنا ابدا ولا من حضني
قال كدا و بعدين شدني من شعري تاني و رماني علي الارض و نزل
ـــــــــــــــــــــــــــــــــــــــــــــــــــــــــــــــ
"خديجة
نزلت مع الراجل اللي قالي ان فارس عايزني و قالي استنها هنا في الصالون.. لقيت شاب داخل عليا مبتسم بطريقة غريبه زي شكله... كان شعره اشقر و عنيه عسلي و لون بشرته بيضه و كان لابس بنطلون رصاصي عليه قميص ابيض.. قرب عليا و قاعد قصادي و امر حد يندهلو فارس
عزيز: كارما.. مش كدا!!
بصتله بإستغراب و بعدين طلع سجاره و ولعها
عزيز: فارس بيحبك جدا علي فكره.. انتي مش متخيله عامل ايه عشان يلاقيكي
كان مفكرني كارما اختي.. انا و كارما شاابه بعض جدا لكن الفرق بينا اني اطول منها بـ شويه قرارت مردش عليه عشان دا واحد معرفوش فـ مكنتش مهتميه بكلامه
