مسار إجباري (12)
خديجة: ممكن ادخل!!
عزيز: ادخلي دا انتي لو عايزه تدخلي قلبي...
خديجة: انا عايزه ابقا مراتك يا عزيز.
الابتسامة اللي علي وشه اختفت و بصيلي بصدمة.. و بعدين قام من مكانه و قرب عليا و هو بيحط ايده علي وشي و بيمسح اثار دموع ملحظتش بوجودها اصلا.. و بعدين ابتسم تاني بلُطف
عزيز: لما اتتجوزك يا خديجة.. كنت في قمة الانانية.. لا فكرت فيكي و لا في حياتك ولا قلبك.. اذا كان فيه حد ولا لأ.. كنتي بتحبيه!
بصيت لـ عزيز بصدمة معقوله لاحظ.. و ادم اللي عشت معاه كل السنين دي مشافش دا في عيني.. غصب عني دموعي نزلت.. لاني بجد محتاجه دلوقتي حد جنبي محتاجة اتكلم مع حد.. بس مكنتش عارفه اقول ايه.. دفنت راسي في صدر عزيز و هو حوطني بإيده و حط ايده راسي و هو بيطبطب عليهاا
من الصفات ال عبثية في الانسان لما بيبكي بيستجمع كل احزانه اللي فاتت كأن سبب واحد مش كفايا.. و انا في حضنه و ايده بتمشي علي شعري افتكرت بابا.. كانت دي حركه بابا.. زادت دموعي اكتر و بدأت ابكي بصوت اعلي و هو ثابت مكانه مش بيعمل حاجة غير انه بيحرك ايده علي شعري و يطبطب عليه و الايد التانيه محوطني بيها و انا مكلبشة ايدي في هدومه.. حاليا مش حاسه بحاجة غير "بالأمان" مع شخص المفروض انه تاجر مخدرات!!!
رفعت راسي بعد ما بطلت عياط و بصيتله بإمتنان انه خالي شعور البشع يتلاشي
خديجة:.. شكراً
عزيز مبتسماً: تقدري تنامي الليله دي هنا.. لو تحبي
خديجة:.....
عزيز:... هحاول اسيطر علي نفسي... اوعدك
ابتسمت لطرقته الطفولية و هزيت براسي اني موافقة
ـــــــــــــــــــــــــــــــــــــــــــــــــــــــــــــــ
قرب عليا بسرعه و شالني علي كتفة زي البيبي و جري بيا علي تحت و انا و ماما بدأنا نصوت
كارما بغضب: نزلني يا فااارس.. نزلني احسنلك... نزلللني يا فاااارس
كانت ماما بتجري ورانا علي السلم لحد حدفني في العربية و دخل معايا بسرعة.. شنكل الباب عشان مفتحهوش... و العربية اتحركت بينا و انا لسه بضرب فيه
فارس بغضب: بس بقااا خليني اركز في طريقي بدال ما نعمل حدثة..
كارما: يااريت عشان ارتاح منك
فارس: يعني هو انا هموت لوحدي!!!!
كارما: بس علي الاقل الموت ارحم من العيشه معاك
فارس: طب ما احنا ممكن ندخل الجنة مع بعض
كارما بستهذاء: هه هو اللي زيك ممكن يورد علي جنة!!!
فارس: و يعني و هو انتي باللي بتعمليه في جوزك دا هتوردي عليها!!! انا جوزك مهما كان و مطلوب منك الطاعة
كارما: و انت كمان مطلوب منك الرحمة
قرب عليا و هو بيغمز بغرور
فارس: اديني الطاعة.. اديكي الرحمة..
كارما: و لا تحلم حتي يا فاارس فااهم ولا تحلم حتي..
