فارس: مش انا عندي ضيف عزيز جدا عليا.. ادم
تحت مع الرجاله بيضيفه
كارما: انت بتقول ايه.. انت بتكذب.. صح!
رمي السيجاره علي الارض و طفها بجزمته و بصيلي بغضب مكتوم
فارس: تعالي اوريكي بنفسك
طلعت وراه و انا بجري بسبب خطوته السريعه و نادي علي حد بصوت عالي و عصبيه كبيره.. كنت كل يوم بشوف حالته دي في كوابيسي كنت خايفه من اللحظه دي.
كان قلبي هيقف من المنظر اللي قدامي.. كان ادم ابن عمي هنا فعلا كان في راجلين و كانو جرينه.. كان وشه متبهدل و عليه اثار د.م، اول ما شوفته كدا مقدرتش اتماسك اكتر و غضبي و حزني علي ادم كان اكبر من خوفي من فارس
كنت لسه هجري علي ادم فارس مسكني من دراعي و خلني اقف قدامه و انا بدأت اضربه علي صدره و انا منهاره
كارما ببكاء: انت ازاي تتجرء... ازاااي.. ازاي تأذيه بالشكل دا انت ايه.. انت مستحيل تكون بني ادم طبيعي
مسكني من ايدي بقوه و بصيلي ببرود
فارس: انتي اللي اطرتني اعمل كدا يا حبيبتي.. قولتلك بلاش تتعملي معاه هأذيه بس انتي مصدقتنيش
كارما بحزن: ادم.. انا اسفه.. اسفه بجد
"فلاش باك
كارما: انا مستحيل استحمل اعيش مع بني ادم زي دا ابوس ايدك ساعدني يا ادم
ادم: انتي بتقولي ايه.. انتي اتجننتي انتو خلاص كتبتو كتب الكتاب يعني انتي بقتي مراتو مبقاش ينفع خلاص
كارما: عشان خاطري هربني من هنا بجد لو روحت معاه هموت
ادم: و لو انتي هربتي من هنا و فارس جه و ملاقكيش مش هيرحمك و لا هيرحمنا كلنا.. دا كان اختيارك يا كارما
كارما بحزن: اختياري!! مفيش حاجه هنا حصلت بختياري يا ادم اه انا وافقت بس كان غصب عني دا كان اختيار اجباري..
ادم: كان ممكن تهربي حتي قبل كتب الكتاب دلوقتي هتعملي ايه و بعدين انتي ناسيه اهلك اللي انتي عملت كل دا عشانهم لو هربتي دلوقتي هيبقو في خطر بجد
قاعد و حطيت وشي بين كفوفي و بدات اتخيل نفسي و انا في بيت الراجل دا و انا معاه.. مجرد التخيل رعبني..
ادم: انا عارف ان اللي انت فيه صعب و انك بتعاني بجد بس مبقاش في ادينا حل خلاص.. الفرح كمان كام ساعه مش هنقدر نعمل حاجه دلوقتي
كارما: مش عايزه اروح معاه يا ادم مش هقدر مش هقدر بجد
ادم بتفكير:.... اقدر اساعدك ازاي
بصتله و انا بتنهد ان خلاص في شعاع امل اني اهرب من الجحيم اللي هروحله دا
مسحت دموعي و وقفت قدامه و بدأت اقوله الخطه اللي هيهربني بيها
قطع تفكير صوت ادم اللي كان بيتكلم بالعافيه
ادم بإرهاق: انا اللي اسف يا كارما.. انا اللي قولتله علي مكانك بس كان غصب عني... هددني بـ خديجة
كارما بدموع:.. انا مكنتش اتخيل انكم هتدبهدلو كدا بسببي انا مش عارفه اقولك ايه... انا السبب
ادم بص لـ فارس بغضب و حزن عليا
ادم: كان حقك تهربي بجد... دا طلع اقذر ما كنا متخيلين كمان
فارس بصوت عالي: خلصتو!!
كارما بغضب: انت ايه يا اخي ارحمنا حرام عليك
