مسار جباري (11)
قلبي انقبض بس حولت اهدي نفسي يمكن في الجنينة.. دخلت الجنينة و انصمدت من اللي شوفته فيها
كان فيه طربيزه و كراسي اللي كانت في الصالون محطوطين فوق بعض... هربت من الجنينة!!!
طلعت من الجنينة بغضب كبير و نزلت و انا مش شايف قدامي لحد ما لقيت في وشي.. ادم
ادم بغضب: خديجة فين يا جااسر
قربت عليه و مسكته من لياقه القميص بغضب
فارس: كااارما فين يا ادم
ادم:... كارما! هي مش هنا
فارس: و اقسم بالله يا ادم.. لو عرفت انك ليك يد في هروب كارما ما هرحمك
ادم: انت اتجننت و انا لو هربتها هجيلك ليه.. خديجة فين جاسر
بصيلي و هو بيحاول يداري خوفه علي كارما و غضبه من هروبها و ابتسم بشماته و انتصار
فارس: خديجة عقبال عندك كدا... في بيت جوزها
ادم بصدمة: جوزها!!! اتجوزت ازاي و مين
فارس بغرور: انا اللي جوزتها بنفسي لـ عزيز الشرقاوي.. زميل ليا في التجارة و الاستثمار
الكلام نزل عليا زي الصاعقه.. دي كانت اخر حاجه اتوقعهاا.. خديجة...
محستش بنفسي غير و انا بدي لكمه قويه لفارس
ادم بغضب: انت ازاي تتجرأ تعمل كدا.. يا خسيس انت بتجوز بنت عمي من غير علمنا لتجار مخدرات وسخ زيك..
فارس هو يسيطر علي نفسه: افوقلك بس و هوريك هعمل فيك ايه يا ادم
سبني و طلع بسرعه في اوضه في الدور الارضي اعتقد اني شوفت الاوضه دي قبل كدا كان اوضة الكاميرات
و انا طلعت سألت حد من الحرس اللي برا علي عنوان عزيز الشرقاوي.. انا لازم اطمن علي خديجة مهما حصل
ـــــــــــــــــــــــــــــــــــــــــــــــــــــــــــــــ
شوفت كارما في الكاميرات و هي بتطلع من ورا الجنينة فعلا و فضلت في الشارع شويه و بعدين وقفت عربية و اتكلمت مع السواق شويه و بعدين ركبت فيها..
يعني اكيد كارما دلوقتى راحت بيت اهلها!! جريت علي العربية عشان اروحلها علي هناك و انا مش عارف اتحكم في غضبي و بدأت اخبط علي الدركسيون بغضب شديد.. و قرارت اني المره دي مش هعديلها علي خير..
ـــــــــــــــــــــــــــــــــــــــــــــــــــــــــــــــ
كنت واقفة قدام العمارة اللي فيها شقتنا و شقت عمي.. و انا حاسه اني بحلم و مش قادره اصدق اني وصلت..طلعت بسرعه و انا شبة بجري..مكنتش عارفة جبت منين النشاط دا مع اني بقالي تقربياً 3 ايام مبكُلش غير حاجه تخليني عايشه..
وقفت قصاد باب الشقة و خبط بـ سرعة
ايمان: حاضر.. حاضر..
فتحت ماما و بصتلي بعد تصدق و عنيها اتملت بالدموع..
ايمان بصدمة:... كااارما
جريت عليها و انا بحضنها و انا مش مصدقه اني اخيراً شوفتها بعد اكتر من 3شهور
أنت تقرأ
مسار إجباري
Roman d'amourلكل طريق مسار هناك مسارت كثيرة يمكننا اختيارة و لكن مسار الحب إجباري.
