مسار إجباري (7)
"خديجة
طلعت من الفيلا و وقفت قدامها و انا مش عارفه اعمل ايه اروح و اطمن ماما و لا استني ادم ابن عمي
في عز تفكير لقيت الراجل غريب الاطوار دا بيقرب عليا و علي وشه نفس الابتسامة الساذجه اللي شوفتها علي وشه من شويه
عزيز: واقفه عندك ليه كدا هو فارس مزعلك و لا ايه
بصتله بقرف من فوق لتحت و كنت لسه هقول للغبي اللي قدامي دا اني مش انا المنحوسه اللي اتجوزت فارس و ان دي تبقا اختي.. لكن قطعني الالي الحده اللي لمست جنبي و هو واقف بمسافه قريبه جدا مني و قال و هو مقرب علي ودني
عزيز: لو اتحركتي او صوتك عالي هخلص عليكي امشي معايا..
اتحركت معاه فعلا و انا مش قادره انطق كلمة و ركبت معاه العربيه و اتحرك بيا من غير ما يبصيلي حتي و انا مش فاهمه ايه اللي بيحصل فضل ماشي بالعربيه نص ساعه لحد ما قرار يتكلم
عزيز: عارفه!! اللي في شغلتنا دا مينفعش يتجوز ولا يخلف و لا حتي يحب.. عشان بيصنع لنفسه نقطه ضعف و دراع يوجعه
خديجة:....
عزيز: مش عايزك تفهمني غلط يا ابله.. انت هتجي تستجمي عندي يومين في الحفظ و الصون والله لحد ما جوزك يتأدب شوية
يا نهار مش فايت يعني هو خطفني عشان مفكرني كارما.. طب اعمل ايه دلوقتي اقوله و لأ.. بس انا كدا ممكن اعرض اختي لمشاكل تانيه اكبر من اللي هي فيه.... قطع تفكير صوت الفرامل بتاعته.. وقفت العربيه قصاد فيلا... دا اكبر من انها تكون فيلا.. كان بيت كبير جدا اكبر من فيلا فارس كمان.. و انا مستغربه ليه من شويه تجار المخدرات دول
عزيز: انزلي
ـــــــــــــــــــــــــــــــــــــــــــــــــــــــــــــــ
"فارس
دخلت الاوضه لقتها قاعده علي السرير و بتبص لـ السقف..
فارس مبتسما: ممكن اقعد معاكي شويه
كارما بغضب مكتوم: لاء
فارس: شكراً
روحت قاعد قصاده و كانت في علبه جايبلها حطتها ورا ضهري
فارس: جبتلك هدايا.. خدي افتحيها
بصتلي بغضب تاني و مسكت العلبه و رمتها بقوه علي الارض.. بصتلها و انا بحاول اكتم غضبي و اسيطر علي نفسي
ـــــــــــــــــــــــــــــــــــــــــــــــــــــــــــــــ
" كارما
بصيلي بجمود بعد ما رميت الهدايا بتاعته علي الارض و قرب عليا اكتر و هو بيحوطني
كارما بغضب: ابعد عني..
فارس: بس بقا.. اهدي
كان قريب مني جدا و كان نفسه قوي و عنيه الرمادي كانت ثابته علي عيني
فارس بهدوء: قولتلك انا بحاول ابقا لطيف معاكي.. بس انتي مش مساعدني علي دا
قرارت اني اسكت و مردش عليه عشان عايزه الليله دي تعدي علي خير لان العند فعلا مش هينفع معاه زي ما خديجة قالت
