مسار إجباري (5)
"فارس
ضمت نفسها وقعدت في ركن علي السرير و انا قاعد قصادها علي كرسي و بصتلي بعتاب و غضب مكتوم
فارس: كنت بطلت و الله.. قبل ما اتقدملك بـ يوم.. كنت لغيت عمليه مهمه جدا.. و الراجل دا كان عزيز شريكي
كارما بغضب: و رجعت تااني يا فارس.. و اسواء من الاول انت مفكر ان كرهي ليك بس بسبب الشغل المقرف بتاعك!!
هو انت ناسي انت عملت فيا ايه يومها عشان اوفق بيك و عشان تضمن اني مش هسيبك
" فلاش باك
فارس بصوت عالي: كااارما
عزيز: امسكوهاا
فارس بغضب: محدش يلمسهااا... اسمع يا عزيز لو عايز بضعتك هجيلك بكرا و هنتكلم
عزيز: هسيبها.. و هسيبك انت كمان تمشي عشان انا لو عايز اجيبك هجيبك يا جااسر و انت عارف
فارس: حسابي معاك بعدين يا عزيز و رحمه امي لحسبك علي الليله دي
عزيز: في رعاية الله يا حب..
ـــــــــــــــــــــــــــــــــــــــــــــــــــــــــــــــ
"كارما
فلاش باك
جريت منهم و الراجل اللي كان مع فارس امرهم انهم يمسكوني و انا كنت هموت من الرعب
فارس جري عليا و بصلهم بغضب
فارس: سيبهااا
الراجل اللي كان مسكني سبني فعلا و فارس جري عليا
فارس بغضب: انا مش قولتلك متطلعليش من العربيه انتي كويسة
بصتله و انا خايفه منه و حاسه مش قادره اتملك دموعي
كارما بحزن: انت مين!!
كل الناس اللي حوالينا ركبو العربيات و مشيو و انا مش قادره اقف علي رجلي من اللي شفتو انهارده
كارما بغضب: سيب ايدي
فارس: كارما اهدي و اسمعني
كارما بغضب: بقولك سبني و خليني اروح.. الله يخليك سبني في حالي و انا مش هقول لحد علي اللي سمعته
فارس: سمعتيه!!.. كارما انا بحبك و والله هتغير عشانك
كارما: تتغير ايه بقولك سبني..
فارس: طب اهدي و اسمعني و انا هروحك صدقني
كارما بغضب: انا مستحيل اركب معاك بقولك سبني و انا همشي و اوعدك مش هتشوف وشي تاني
بصيلي بصدمه و بنفاذ صبر و اتكلم بغضب
فارس: لاااء.. انا وعدك اني مش هسمح ليوم في حياتي الجايه يعدي من غيرك و اني هتغير و ابقا جدير بيكي و انا قد وعدي صدقني
كارما: دا مستحيل يحصل و اكمل حياتي معاك.. مستحيل
بصيلي بغضب و ضغط علي ايدي اكتر
فارس: بلاش اوريكي الوش التاني.. و إلا هتندمي.. هروحك انهارده و تاني يوم هنتجوز انتي فاااهمه
مسكني من دراعي و جرني وراه و ركبني العربيه و صلني لحد البيت.. و اول ما موصلنا نزل قبلي
