مسار إجباري

مسار إجباري (14)

مسار إجباري (14)

بصتلي خديجة و هي فرحانه و دخلت لـ عزيز

فارس: ايه اللي حصل يا كارما.. ليه خديجة خايفه كدا علي عزيز.. انتي مشوفتيش كان شكلها عامل ازاي يوم كتب كتابها عليه..
كارما: بتقول انها حبته.. مش عارفه ازاي حد في برائه خديجة يحب واحد زي عزيز دا..
فارس: هو انتي اتعملتي معاه قبل كدا!!
كارما بتمتمه: يعني تاجر مخدرات و صاحبك.. هيبقا ايه يعني
فارس: متحكميش علي حد متعرفش قصتة كامله يا كارما...

قطعه فونه اللي رن

فارس: الو...

وش فارس انقلب فجأه و بص بصدمه

فارس: ااايه... و عرفتو مين اللي عمل كدا... اكيد عصام الكلب عاملها... انا جاي اهو..
كارما بخوف: في ايه يا فارس... ايه اللي حصل
فارس: مفيش حاجه يا كارما خليك هنا و انا هروح مشوار و هجيلك تاني
كارما: بقولك في ايه يا فاارس
فارس:.. المعرض بتاعي... مسكت في النار.. بس لحقو الحمدلله.. هروح اطمن علي الحاجه و هجيلك
كارما: لا حول ولا قوة إلا بالله.. طب انا هجي معاك
فارس: لأ خليكي مع خديجة.. و انا هبقا كويس متقلقيش
كارما: خد بالك علي نفسك
فارس: حاضر و انتي كمان..

فارس نزل و انا فضلت واقفه مستنيه خديجة لحد ما حسيت بدوخه قويه و فجأه رجلي مقدرتش تشلني و وقعت مكاني.

ـــــــــــــــــــــــــــــــــــــــــــــــــــــــــــــــ

ــ مدام خديجة المدام اللي كانت معاكي من شويه اغمي عليها و جوزها مش هنا..

خديجة بخوف: كارما!!!
ــ احنا نقلنها و علقنله ليها محليل.. و شويه و هنعملها شويه تحليل
خديجة: انا لازم اروح اطمن عليها
عزيز بألم: استني..
خديجة: ايه يا عزيز انت كويس!!
عزيز بخبث:... خليكي شويه معليش.. مش عارف هشوفك تاني و لا لأ
خديجة: بعد الشر عليك يا عزيز.. هتبقا كويس ان شاء الله و هنروح مع بعض
عزيز بخبث:.. انا مش عارف.. انا شايف شيرت حياتي بيعدي قدامي.. خايف اموت قبل ما الحق ابوسك... بوسيني يا خديجة بسرعه
خديجة: مممم..
عزيز: بسرعه قبل ما اموت..

بصتله و انا ببتسم علي تصرفاته الطفوليه و قمت قربت عليه و بوسته فعلا من علي جبهته..

عزيز: هو انتي بتبوسي الكعبة.. هو حضرتك بتعملي ايه..
خديجة بهمس: ارتاح دلوقتي.. هطمن علي كارما و هجيلك تاني
عزيز: متتأخريش عليا
خديجة: حاضر..

ـــــــــــــــــــــــــــــــــــــــــــــــــــــــــــــــ

دخلت علي كارما و هي بدأت تفوق

فارس: كارما.. انتي كويسه ايه اللي حصلك خديجة اتصلت بيا بتقول انك اغمي عليكي
كارما: انا كويسة متقلقش... عملت ايه
فارس: مش واقته دلوقتي.. المهم نطمن عليكي الاول
خديجة:.. الف سلامه عليكي يا كارما
كارما:.. خديجة انتي كويسة
خديجة مبتسمه: انتي اللي كويسة!! ايه اللي حصلك
كارما: مش عارفة.. انا.. كنت مستنياكي و بعدين وقعت من طولي..
ــ حمدالله علي سلامتك يا مدام
خديجة: الله يسلمك يا دكتور ممكن تقولنا حضرتك هي ايه اللي حصلها
ــ هبوط في الدورة الدموية المدام عندها نقص غذائي.. بقالها مده مش بتاكل كويس و مبيدخلش جسمها فيتامينات..
فارس بحزن:... انا اسف بجد...انا اللي مهمتش بيكي
خديجة:... كويس انك عارف.. هتعمل فيها ايه اكتر من كدا يا اخي
كارما: متخافش يا فارس انا كويسة.. عزيز عامل ايه دلوقتي يا خديجة
خديجة:... كويس الحمدلله.. انا لازم اروح اطمن عليه
فارس: ياريت و الله
خديجة بغضب مكتوم: هجيلك تاني.. مش هتأخر
فارس: لا خدي رحتك
خديجة بتحدي: متفكرش اني ناسيك.. افوقك بس