مسار إجباري (8)
خديجة بخوف: اطلع براا
وقف سابت قدامي و بصيلي من فوق لتحت و رامي الازازه اللي في ايده
عزيز: بقاا...يبقا.. في.. واحده بالحلوه دي.. واطلع.. اسبها..ليه... هو انا.. كروديا!!
بصتله و انا خايفه حولت اجري منه مسكني من الجاكت و حوطني بإيده
عزيز بستهذء: انا.. في السن دا.. ينضحك عليا!!
خديجة بغضب: سبني يا حيوان انت..
مسكني من دراعي و قربني عليه اكتر
عزيز بحزن طفولي: انا حيواان!
و كان لسه هيقرب وشه عليا نزلت علي وشه لكمه قويه معرفش طلعت مني ازاي.. و بعدين عملت بإيديا علمه النينجا
خديجة بجراءة مصتنعة: ولااا انا معايا الحزام الاسود
بصيلي و هو مبرق و كأنه بيحاول يشوفني بوضوح و بعدين حط ايده علي خده مكان اللكمه
عزيز بستهذاء: بقا انتي يا شبر و نص... تعملي فيا.. انا كدا
جري عليا تاني و قبل ما اوصل للباب كان مسكني من دراعي و قربني عليه و لكن المره دي كان محوطني بقوه و مكنتش قادره اتحرك فعلا
خديجة: حراام عليك سبني هو انت معندكش اخوات بنات
عزيز: لأ..
فلتني من ايده و بعدني عنه و راح قفل الباب بالمفتاح و قاعد في نص الاوضه علي الارض و ربع رجله
عزيز: و لا اخوات صبيان.. و لا عم و لا خال.. لا ليا حبيب ولا قريب
خديجة بغضب: يخربيت صيااحك.. افتح الباب و خليني امشي من هناا... و إلا و الله ما هرحمك
عزيز: الاه.. بفضفض معاكي.. اسكت و اموت يعني.. اموت!!
خديجة: ما تموت ولا تغور في ستين داهيه..
عزيز: انا جوايا وجع ميتحكيش بالكلام والله..بقولك ايه..
بصتله و انا مستنياه يكمل بصيلي بلامبالاه
عزيز:... ما تتجوزني!
برقت عيني و بصتله و هو بينطقها بسهوله كدا
خديجة:... اتجوز مين
عزيز: هو في غيري قاعد قدامك.. اتجوزيني انا
خديجة: و اتجوزك ليه.. عشان ايه!!!
عزيز بتراجي طفولي: عشان خاطري..
خديجة بغضب: عايزني اتجوز تاجر مخدرات كان خطفني من شويه و حاول يعتدي عليا و دامه تقيل زيك
بصيلي بغضب و كبير واقف قدامي و هو مصدوم
خديجة بخوف: اقصد.. اقصد مستثمر
عزيز بحزن: لا يا ابله انك تقولي تاجر مخدرات دي عادي لكن تقولي عليا دمي تقيل دي اللي زعلتني
خديجة:....
عزيز: بكرا هجيب المأذون.. تصبحي علي خير يا حب
خديجة بصدمه:.... يا نهار جنان!!!
ـــــــــــــــــــــــــــــــــــــــــــــــــــــــــــــــ
صحيت من النوم و انا ببص جنبي بس ملقتهوش... معقوله هيكون راح فين من بدري كدا
