مسار إجباري (15)
فارس بصرامه: البيبي دا لازم ينزل.
الكلمة نزلت عليا زي الصاعقة.. توقعت ان فارس لو لسه مصمم علي رأيه هيضيق شويه و بعدين يغير رأيه.. لكن اخر حاجة كنت اتوقعه منه الجملة دي.. معقولة عايز يقتل ابنه!!!!
كارما بصدمة:... فارس... انت.. انت بتهزر صح!!
فارس بجمود: اعتقد اننا اتكلمنا في الموضوع دا من قبل ما نتجوز حتي.. و دا كان شرطي الوحيد لو تفتكري
كارما بصدمة:.... ليه!!!!
فارس: من غير ليه.. البيبي دا هينزل بكرا..
كارما بغضب:... هتقتل ابنك يا فاااارس!!!!!!
فارس بلامبالاه: صدقني موتة ارحم بكتير من وجوده علي وش الدنيا..
مش عارفة الست ممكن تحس بالإمومه امتي... بس حسيت ان خاصية دفاع الام علي ابنها كانت شغاله عندي.. انا ممكن اخسر فارس و الدنيا كلها.. في سبيل حماية ابني اللي لسه مجرد نطفة جوايا.. الغضب اشتعل جوايا و محستش بنفسي غير و انا بنزل قلم علي وشه.. عشان اتجرأ بس انه يأذي ابني...
كارما بغضب: اااانت ازااي تتجرأ تفكر بس مجرد تفكير انك تأذيه يااافااارس... ازاااااي
فارس طلع من عينه شرار و بصيلي بغضب اكبر من غضبي.. وزقني بقوه خبطتني في الدولاب اللي كان ورايا.. و بدأ يخبط بقوه عليه.. و انا كنت خايفة عليه.. بس فارس لازم يفوق من افكره
كارما بغضب: انت بتعمل كدا ليه!!!
فارس بغضب: انا بحاااول احميكي من غضبي لانك مش قده... و الطفل دا كماااان مش قده
كارما: انت مش بتحمني و لا بتحميه... انت بدمرنااا
فارس: صدقني بحميكي يا كااارما
كارما: انت مش قاااادر تحمي نفسك عشااان تحمني.. انت بهرب من مشاكلك... بتهرب من انك تكون ااب عشاان مش هتقدر تحميه
فارس بغضب: اخرسي يااا كااارما اخرسي
كارما: مش هخرس ياا فااارس وااجه نفسك واااجه قدرك
فارس: بقولك اخرسييي
كارما: هتفضل لحد امتي تهرب من مسؤليتك.. مش عايز تخلف بتتجوز ليه.. بتعيشني العيشة المقرفة دي ليه!!!!!!
بصيلي بغضب اكبر و بدأ بصرخ و يكسر في اي حاجه قدامه.. و انا شجعتي بدأت تختفي و بدأت اندم علي كل حرف قولته.. كان فارس بيكسر في عفش الجنااح كله و انا واقفه مرعوبة حرفيا.. جري علي الدولاب و فاتحه و طلع منه سلاح و انا قلبي اتخلع من مكانه
كارما بخوف: فاارس.. اهدي... انت بعمل ايه!!!
رفع زر الامان و بدأ يضرب رصاص في الهواا.. اول ما سمعت صوت ضرب النار حطيت وشي بين كفوفي و بدأت اصوت من كتر الخوف..
كارما بخوف: اااههه بس يا فااارس كفااايااا..
الصوت واقف و لقتني اتسحبت من شعري عليه بقوه و اتخبط في جسمه و هو حوطتني بقوه كبيرة كانت مؤلمه بالنسبالي و انا كنت برتعش و بتنفس بسرعة و خوف و هو كانت بيتنهد بصوت عالي
فارس: متخاافيش...انا هنا
بدأت اهدي و دقات قلبي بدأت تقل شوية... ازاي مصدر الخوف بيكون نفس مصدر الامان.. ازاي الشخص اللي بيبقا قادر يرعبك.. بيبقا هو نفس الشخص اللي بيطمنك.. ازاي ممكن يكون في حد بالتناقض دا!!!!
