خــــمــــائـــل حـــب

▪️01▪️

▪️ #خــــمــــائـــل_حـــب▪️
▪️
🔏𝘚𝘢𝘧𝘪𝘺𝘢 𝘕𝘢𝘨𝘢𝘵 // 𝓘𝓻𝓲𝓼

ＴÜＲＫＩＹＥ 🇹🇷 , 𝕀𝕊𝕋𝔸ℕ𝔹𝕌𝕃

- كلشي كايوقع فهاد الدنيا لسبب، وانا كانآمن بلي حتى حاجة ما كاتجي غير هكاك ... عارفة انو طال الزمان ولا قصار غادي يبان ... هادشي علاش خاصني نتهدن (خدات نفس) صبري وما يكون غير الخير ...

*واش ما كاين لي يسربينا؟

تكرر ثاني نفس الصوت لي خلاها تجمع قبضة يديها وتهدن راسها ... فتحات عينيها، رسمات ابتسامة صفرة على شفايفها ودارت غادية باتجاهو وهي كاتهضر مع راسها ..

- ماشي ليوم ! ما غادي يقلقني حد فعيد الحب واخا يكون با ...

وقفات قدام الطبلة وسولات بلباقة عكس الاعصاب لي راكبينها ..

- مرحبا سيدي ! اش حب الخاطر ؟

تبسم مطلعها من رجليها حتى لراسها... ونطق بصوت مبحوح ..

*قهوة سادة بلا سكر .. (غمزها) ولا تقدري تحركيها بصبعك ايلا بغيتي !
- (علات حجبانها و كاتردد فنفسها :تهدني، حنحنات ونطقات) شي حاجة اخرى ؟
*القهوة كاتجي بوحدها ولا كاتجي معاها نتي ؟ عيد الحب هذا ما دوزيهش بوحدك الزوينة !
- (زيرات سنانها ووسعات تبسيمتها بطريقة مخيفة) كايجي معاها خلا دار بوك ... تجرب ؟

ياله بغا يجاوبها وهي توقف عليهم واحد البنت ... تحنات باست خدو وجلسات بجنبو بحماس ...

_  سمح لي حيت تعطلت، الطريق عامرة ! طلبتي ليا حتى انا ياك ؟

خرجات عينيها من فرط الصدمة، لثواني و ترسمات ابتسامة شريرة على شفايفها منين دورات عينيها للشخص لي كان كايتبسل وهو مخرج عينيه فيها ... حنحنات، دارت شافت فيها ونطقات بخبث ..

- طلبني انا !
_ (بعدم فهم) اشنو ؟

نطق الشخص لاخور مبدل الموضوع ..

* (بالزربة) جيتي زوينة !

هزات يديها فوجهو ..

_ لا بلاتي !

دارت لعندها تفهم معنى كلامها و الثانية ما عطلاتهاش ... علات حجبانها وهي محافظة على تبسيمتها وكملات هضرات ..

- صراحة ما تستاهليش ضيعي نهارك مع واحد بحالو !

غوت فاقد اعصابو ما ظنهاش تفرشو تم تم ..

*كذابة هي لي بغات دور بيا !

البنت لي كانت معاه هزات كاس ديال الما فوق الطبلة ورماتو عليه خلات كلشي كايشوف فيهم ... وبلا ما تزيد تنطق كلمة وحدة حطات يديها على وجهها كاتبكي ..

- (بشماتة) اووووه ! شحال ما كانملش من هاد المنظر الزوين! و فنهار بحال هذا ! غادي تبقا محفورة فعقلي حتى نموت (علات حجبانها) ما عطلتكش ياك؟ المرة الجاية جرب تحتارم لي واقفة قدامك ! المرا ماشي سلعة ! فهمتي؟ ..