▪️ #خــــمــــائـــل_حـــب▪️
🔏𝘚𝘢𝘧𝘪𝘺𝘢 𝘕𝘢𝘨𝘢𝘵 // 𝓘𝓻𝓲𝓼
دخلات للبيت حطات التلفون فوق الفراش مخلية هوليا كاتشوف فالسما و بدات كاتلبس حوايجها ..
هوليا : اتبارك الله على كل واحد شاد تيقارو ...
أيلا : (تبسمات) و ما بانش ليك كل واحد شاد قنتو ؟ اش كاتقولي يا هاد المرا !
علات حجبانها ونطقات بسخرية ..
هوليا : الله اودي ..
أيلا : و غير كانبغي نخلق معاه الجو، كانقنط بوحدي .. وما يمكنش ليا النهار و ماطال نبقا بين ربعة ديال الحيوط .. اكيد غادي نديو ونجيبو فالهضرة غا يجاوبني على سؤال و ينشرني فعشرة وعادي عايشين ..
هوليا : حتى انا كانقنط بوحدي، علاش لي ما تجيش عندي وحتى الليل عاد نوصلك لدارك ..
أيلا : (تبسمات) حتى هذا بلان .. نقولها ليه يكون خير!
خرجات هوليا عينيها على وسعهم و نطقات بسخرية وهي مستغربة ..
هوليا : اوووها ياكما حتى نتي غا تولي من صحابات نتشاور مع راجلي (ضحكات) دغيا وصلاتك العدوى همم ؟
جمعات شعرها وهي قارنة حجبانها ..
ايلا : لواه .. غير قلت زعما
هوليا : (قاطعاتها) زعما اش .. ؟
ايلا : (بمعنى باركة) هوليا . .
تقدمات هزات التلفون وشافت فيها خلات هوليا كاتبسم ..
ايلا : باركة ! داكشي لي باغا توصلي ليه ما منوش طبعا .. اختي راه ياله ثلت ايام باش سكننا مع بعضياتنا ..
هوليا : خاصك مدة أطول ؟
ايلا : ولااا ... زعما داكشي لي فبالك ما كاينش ..
هوليا : (حركات راسها شمال ويمين) ما نعرف تمشي بعيد ...
ايلا : لا شكرا انا كانلعب غير حداي وهادشي قلتو ليك ما مرة ما جوج ، بلا ما تبقاي دقي عليا !
هوليا : و ولفتي شوية ؟
حطات يديها على خدها وهزات كتافها ما عارفاش علاش سولات هاد السؤال واخا عارفة جوابو ... جلسات بحالها ايلا و دارت نفس حركتها مع ابتسامة ..
ايلا : عادي .... ما يمكنش بين ليلة ونهار !
تنهدات حاسة بحال ايلا سنين طويلة ما شافتهاش وهي غير يومين ... بالنسبة ليهم مدة طويلة حيت ولفو يحلو ويسدو عينيهم على بعضياتهم ... خدات نفس وسؤال هوليا طيح عليها الضيم ...
أيلا : ما نكذبش على الله، كانحسب الايام ايمتا يسالي هادشي باش نرجع لحياتي لعادية..
نزلات عينيها لي تغرغرو ...
ايلا : علاش ؟ حيت بزاف ديال الحكامات والقواعد ونتي عارفة انا ما كانعرفش نمشي فوق خط مرسوم ليا، هزار خلقو ضيق وانا فارضة راسي عليه، بغيت نسكت ونشد بلاصة وحدة ولكن ما قديتش ... (بتأكيد) ما عاجبنبش الحال حيت انا هاكا وهو ماشي بحالي، وماشي هو لي فيه الخلل انا لي شخصيتي خاصها تضبط و نعرف نتعامل مع الواحد كيما خاصو... اه كانخرج فيه عيني و جبهتي ولكن الغلط ديالي كبر من ديالو ... بقا فيا الحال حيت ندم لي عرفني و بقا فيا الحال فاش جرا عليا....
هوليا : (قاطعاتها) ايمتا هادشي ؟ كيفاش ندم ؟ واش لحق يشوف الوجه الاخر ؟
أنت تقرأ
خــــمــــائـــل حـــب
Romance(2) • [14/02/23] #ممنوع_النشر 🔏 ليس الحب فكرة، إنه عاطفة تسخن وتبرد وتأتي وتذهب. عاطفة تتجسد في شكل وقوام، وله خمس حواس وأكثر، يطلع علينا أحياناً في شكل ملاك ذي أجنحة خفيفة قادرة على اقتلاعنا من الأرض. ويجتاحنا أحيانا في شكل ثور يطرحنا أرضاً وين...
