ميثا * و هي تفتح الباب * : ميود؟..
مايد : اطلعي مابا ارمسج .
ميثا * سارت تيلس عداله * : آسفه .
ما رد عليها .
ميثا : قوم البس .
مايد : مب متفيج لج .
ميثا : بتقوم بالطيب ولا اقومك بالغصب؟
قام مايد من دون مناقشه و غسل ويهه و لبس ، و سارت ميثا بعد تلبس ، و نزلو هم الاثنين تحت ، و جافوا عمهم وولده بعدهم موجودين .
هم الاثنين : السلام عليكم .
الكل : وعليكم السلام .
ميثا : اوه عمي انته هني..
العم : لا هناك ، شحقه ترمسين مرت اخوج جي؟ ، هب عيب ؟!
ميثا : وع ، ما لقيت غير هاي تدافع عنها .
هيا : ايه ايه انتي احترمي مشاعري .
مايد * كسر صمته * : من زينج ي حس الناقه ذلفي .
الام : بس عاد سكتوا ، وين سايرين ؟
ميثا : وين الله بيودينا .
الابو : نزين لا تتأخرون .
ركبوا السياره ، و كانو سايرين البحر ( مكان مايد المفضل ) و بركنوا السياره و فتحو الدرايش .
مايد : سامحتج ، بس لا تعيدينها كلامج كان يجرح هالمره ..
ميثا : آسفه ما كان قصدي ، كنت معصبه من الاحداث الي استوت لي اليوم .
مايد : ليش شستوى ؟..
و تمت ميثا تخبره عن السوالف الي استوتلها اليوم ، و هو مصدوم..
مايد : ال 10 آلاف من وين يبتيهم ؟! .
ميثا : سر المهنه ..
مايد : اونج عاد ، نزين خ نسير feels ، اشتهيت الماتشا مالهم .
سارو feels و طلبولهم و يلسوا ، يتريون طلبهم ، و ميثا لمحت حد تعرفه من بعيد بس كان في وايد ناس ف ما قدرت تدقق اكثر ع الملامح ف خلاص نسيت عن الموضوع ، و سار مايد ياخذ الطلب ، و فجأه ميثا جافت بطئ يي صوبها ..
بطئ : ميثا..
ميثا : اء اوه بطئ ..
بطئ : صدفه حلوه ، يالسه روحج؟ .
ميثا : لا اخويه وياي .
ياب مايد الطلب و رجع الطاوله و كان مستغرب..
مايد : منو ها؟
ميثا : اوه ما عرفتكم ع بعض .
ميثا : مايد ها بطئ ويانا فالجامعه ( سينيور ) ، بطئ ها اخوي التوم .
مايد : اوه هاذا الي دعمتي سيارته ؟
ميثا " بصوت خفيف " : هي اسكت .
بطئ : انا استأذنكم عندي شغل .
مايد : ليش تعال ايلس بنتعرف عليك اكثر .
بطئ : لا مشكور اخوي مايد ، بس عندي شغل ، جفت ميثا قلت بسلم عليها و بتوكل على الله .
مايد : مره ثانيه عيل .
بطئ : انشاءالله ، في امان الله .
ميثا : مع السلامه .
مايد * و هو يبتسم * : يحبج .
ميثا : لا مستحيل .
مايد : كيف مستحيل و البسمه شاقه خده .
ميثا : اءء لا تسولف..، خ نرد البيت .
يتبع..
