بطي : اءء ابغي اقولج شئ بس زايغ ترديني .
ميثا : انشاءالله ما بردك قول .
بطي : انا الصراحه احس بشئ اتجاهج يعني ، اتمنى انج تبادليني نفس الشعور..
سكتت ميثا فتره و قامت من مكانها و سارت عند الغوري تسوي الكرك ، و كانت ساكته طول الوقت ، خاف بطي انه ما تبادله بنفس الشعور ، و صبت الكرك فالدله و يت عداله ، و سارت تيلس مكانها .
ميثا : و انا بعد احس بشي اتجاهك .
بطي : صدق؟؟ ، اءء اتحسب -
ميثا * قاطعته ميثا * : لا انا كنت ساكته عسب كنت مصدومه و ف نفس الوقت كنت افكر شو بقول لك .
بطي : يعني عادي نكون؟..
ميثا : هي عادي .
كملوا باقي الليله و هم يلعبون ورقه و طبخت ميثا العشا و سولفو لين ما خلصت سوالفهم و ميثا ترخصت لانه واعده اخوها انه بطلعه .
بطي : استانست وياج .
ميثا : انا بعد .
بطي : لازم نعيدها .
ميثا : خير انشاءالله ، نزين يلا انا بترخص وعدت اخوي انه بطلعه .
بطي : تمام انتبهي ع نفسج .
ميثا : و انت بعد .
لمت ميثا اغراضها و ابتسامتها شاقه خدها ، خذت اغراضها و ركبت السياره و راحت البيت .
وصلت البيت و نزلت من السياره و حصلت سياره ذياب بعدها موقفه ف نفس المكان و في حد داخلها ، ميثا صادها الفضول اكثر ، تقربت صوب السياره ، و لمحت بنت و البنت شكلها غريب اول مره تجوفها ، و كان يبين ع ملامحها التعب .
دقت ميثا على الدريشه و البنت فتحت عينها و خافت و بدت دموعها تنزل .ميثا : اهدي اهدي انا معاج ما بسويلج شئ اوعدج .
بالزور فتحت ميثا الباب و مسكت البنت من يدها و حاولت تدخلها البيت بس رفضت .
البنت : لا لا مابغي ادخل ، ذ-ذياب داخل..
ميثا : شو قالج ؟؟ هددج؟
البنت : اءء بصارحج بكل شئ ، انا و اخوج سوينا الحرام ، و انا الحين حامل منه ، و لمن خبرته عصب و قالي اسقط بس انا مستحيل اذبح روح عسب غلط انا غلطته و-
ميثا : بس خلاص لا تكملين ، الحين تدخلين البيت و تقولين كل شئ .
البنت : لا الله يخليج والله مافيني عالمشاكل .
ميثا : انتي شربكتي عمرج الحين ، لازم نجوف لج حل قبل لا اهلج يدرون عن الموضوع ، و الحين مالج جرأ ترفضين .
تنهدت البنت و دخلت مع ميثا ، و جافت خليفه يالس مكانه فالحوي و قالت له يروح غرفته ، دخلت ميثا البيت و هي ماسكه يد البنت و حصلت الكل متجمع .
ميثا : السلام عليكم جميعاً .
الكل : وعليكم السلام .
فز ذياب من مكانه و كله صدمه .
ميثا : ها ذياب ليش ما رديت السلام ؟ ، مستحي من سواد ويهك؟ .
الابو : ميثا بنتي ، انتي عن شو تتكلمين ؟ و منو هالبنت الي عدالج؟ .
ميثا : هاذي سلمكم الله مرت ذياب المستقبليه ، الي حامله منه حالياً .
الكل كانت عينه على ذياب ، ذياب كان منزل راسه من الفضيحه و مب عارف شو يقول او كيف يتصرف .
ميثا : اليوم نسير بيت البنت و نخطبها من عند اهلها .
ميثا " تأشر على ذياب " : و انت مالك حق تتلكم او ادافع عن نفسك و اذا فكرت تشرد بييبك بنفسي و بقول كل فضيحه سويتها قبل ، جدام الكل و ما بستر عليك ، كلامي انا الي يمشي الحين .
ميثا " تقول للأم " : اياج تعطفين على ولدج الي اهملتيه ، ايااااجج ، انا و ابوه بنربيه انتي خلج ف سوالف المراهقين .
و مسكت البنت و راحت غرفتها .
ميثا : خذي هذيل الثياب و هاي فوطه يديده ، سيري تسبحي و عقب بوديج بيت اهلج .
البنت : عادي اسألج ؟
ميثا : اسألي .
البنت : ليش انتي طيبه معاي ؟ ، يعني مب المفروض تكونين قاسيه عليه ؟..
ميثا : لانه مب ذنبج ، بس بعد كانت غلطتج ف نفس الوقت .
البنت : هو الي غصبني..
ميثا : ادريبه ، و حذرته ، و سواها ويا غيرج مب انتي الوحيده ، الحين سيري تسبحي بلا مناقشه .
البنت : انشاءالله ، اذا ما تعرفين اسمي المها .
ابتسمت لها ميثا و هي تحضر باقي ثيابها ، و سارت تطمن على خليفه .
ميثا " تدق باب خليفه " : خلوف ؟
خليفه " و هو يصرخ " : دخلي .
دخلت و حصلت خليفه يالس عالكنبه .
ميثا : سمعت عن السالفه الي استوت صح؟..
خليفه : صوتكم كان عالي ..
ميثا : آسفه .
ميثا : بعوضك عن طلعه اليوم انشاءالله.خليفه : لا عادي ، انا روحي ما كنت ابغي اطلع اليوم .
ميثا : خلاص على راحتك ، يلا انا بسير عند المها بجوف اذا خلصت و عقب بنسير وياك عند اهلها و نخطبها حق ذياب نزين؟
خليفه : تمم .
طلعت ميثا من غرفه خليفه ، و خليفه بدا يجهز ، دخلت ميثا غرفتها تطمن ع المها .
ميثا : المها خلصتي من الحمام؟؟
ما ردت عليها المها .
ميثا : المها ردي عليه لا تخوفيني عليج .
و بعده مافي رد من المها ..
يتبع..