اليوم الثاني >>>>
دخل مايد على ميثا الغرفه و حصلها منسدحه على ظهرها تتأمل السقف .
مايد : بسم الله الرحمن الرحيم .
ميثا : شو جايف جني ؟ .
مايد : لا استغربت اتحسب راقده و عيونج مفتوحه .
ميثا : لا تتسيخف خلصني شو تبا؟ .
مايد : انتي مواصله من امس؟..
ميثا : هيه ..
مايد : يالسه تفكرين بالي خطبج..
ميثا : للأسف انه الي خطبني هو ربيع بطي .
مايد : شووهه!! .
ميثا : صباح الخير ، توك تدري ؟ .
مايد : محد خبريني .
ميثا : نحنا نجوفك اصلاً؟!! ، من خطبنالك لولوه و انت دقيقه ما تيلس فالبيت لهاي الدرجه خفيف!! .
مايد : شسوي احبها ..
ميثا : حبتك القراده ، اطلع برع .
و طلع مايد من غرفه ميثا ، و يلست تفكر ب عبيد و مسكت تلفونها و حصلت انه مطرش لها رساله .
************************************
عبيد : صباح الخير .ميثا : صباح النور .
عبيد : تريقتي ؟ .
ميثا : لا توني ناشه .
عبيد : نزين امم ميثا ..
ميثا : لبيه .
عبيد : لبيتي ف منى ، وافقتي؟..
ميثا : هيه .. ، بس بعدني ما خبرت اهلي ، الراي عندهم .
عبيد : الله يكتب الي فيه الخير .
************************************تنهدت ميثا بضيقه و دخلت الحمام ( عزكم الله ) و تسبحت و لبست جلابيه بيت و نزلت تحت و حصلت الاهل متيمعين عالسفره .
ميثا : السلام عليكم جميعاً .
الكل : و عليكم السلام .
يلست ميثا حذال امها و صاصرتها .
ميثا " و هي تصاصر امها " : انا موافقه .
و قامت امها من الصدمه و حضنت ميثا بكل قوه .
الام " تصاصر ميثا " : انتي متاكده ؟..
ميثا " بإبتسامه و بصراخ " : بجرببب حظي ليش لاا!! .
الام : كللووووششششششش ، مبرووكككك .
الابو : بلاكم استخفيتوا انتي و بنتج؟ ، مبروك على شو؟؟ .
الام : بنتك وافقت عالزواججج .
الابو : اذا جي انا بعد بتخبل وياكم .
عاشه : مبروووككك ميثوووهه ، على هالفرحه بسمي البيبي عليج .
ميثا : شووه؟؟ يعني بتيبين بنت ؟!!! .