بعد سبع شهور من حمل ميثا >>>>
حملت ميثا ب توم بنت وولد ، و كانو ف بيت اهلها يستفسرون عن اسماء اليهال .
اليده : سمي البنيه عليا و الولد مهير .
ميثا : مهير؟!! ليش ؟! انا مربيه ب بكهربجي ؟؟ .
لولوه : واااوو الاسم وايد vintage حبيتت .
اليده : شو هاي الرمسه المخبقه ، عدلي لسانج ! .
لولوه : ليش عموه ؟ ماقلت شئ انا ! .
اليده : عمتج ف بيتهم سميني اميه العوده ، و بعدين تعالي متى بتحملين نبا نجوف احفادنا!! .
لولوه : و عيال ميثوه ما يسدونج ؟! .
اليده : لا ، ابغيج تترسين البيت عيال .
راشد : يدو ماله داعي تحرجينهم .
اليده : اص ، انا زعلانه منك اصلا .
راشد : افاا ، ليش ؟؟ .
اليده : شحقه ما خذت حرمه ثانيه من عقب هيا؟؟ .
راشد : اوهووه ردينا ع هالسالفه مره ثانيه .
اليده : هييه ردينا !! .
و قبل لا تبدا العايله الكريمه مشروعها دخل عبيد البيت و ف ايده هدايا من امه يابت لهم اغراض من الهند .
عبيد : السلام عليكم .
اليده : هلاا هلاا بالغالي ولد الغاليه تعال عدالي ! .
اليده حبت عبيد من الشوفه و كل ما يسافر او ينزل ميثا البيت دوم تسأل عنه ( استوا شخصها المفضل لانه يعرف احتياجاتها ) .
اليده : شو يايبلنا؟! .
عبيد : سلمج الله عموه اميه يايبتلج قطع من الهند و شيل ملونات مال البيت و عود معطر من الي يعيبج .
اليده : يزاها الله خير ام عبيد ، فديتها ، كلفت على عمرها .
عبيد : لا والله عموه تستاهلون اكثر ، ان طلبتي عيوني بعطيج اياها شو تبين بعد .
الام : ما تقصر يا عبيد .
عبيد : قصر عنج الشر اميه .
عبيد : الا وين ميثا ما اجوفها .
مايد : فوق ترقد الميث ( بنت ذياب و عاشه " عمرها خمس شهور " ) .
عبيد : و اهلها وين ؟ .
مايد : سافرو ..
نزلت ميثا و ف ايدها اغراض الميث و شاله الميث ب ايدها الثانيه .
عبيد : وي وي محلاهااا .
ميثا : شرايك نخطفها ؟ .
عبيد : تم ، يربيي محلا هالغزوز..
ميثا " تصاصر عبيد " : يلا عبيد خ نروح ابغي انسدح ع شبريتي .
عبيد : يلا نحنا نستأذنكم .
سيف : ليش توا الناس ، توك ياي .
عبيد : بييكم ف وقت ثاني انشاءالله .
الكل : ف حفظ الرحمن .
ركبوا ميثا و عبيد السياره و توجهوا للبيت .
ميثا : اقولك قبل لا نرد البيت ، خذ لي فراوله ، عيالك من امس يرافسون مب مخليني ارقد .
عبيد : بس مب جنه الاشياء الحامضه مب زينه حق الجنين؟! .
ميثا : لا تتم تتفلسف وايد ، تبا يطلعون حق عيالك وحمه؟؟ .
عبيد : لا ..
ميثا : خلاص اوص .
ووصلو البيت و ميثا حتى ما قدرت تتريا تغسل الفراوله و كلته ع طول .
عبيد : مب زين يا بنت الناس ، عطيني بغسلهم .
ميثا : امممم لذيذذذ ، هات الداقوس و العسل
عبيد : لا انتي صدق هب صاحيه ..
ميثا : اوهووه ماعليه من رمستك انا .
3:30AM
فزت ميثا من رقادها على الم بطنها و ظهرها .
ميثا : اخخ عبييد قوم قوم ودني المستشفى .
عبيد : هاه شو تبين خليني ارقد تعبان .
ميثا : عبيدوه قوم ، فيني احساس اني بربي اليوم قوم .
عبيد : شوووه؟! .
ميثا : لا تقول شووه قوم قامت عليك القيامه ، استغفرالله ي ربي .
نش عبيد مسرع يدور اغراض اليهال و يجهزهم لا سمح الله ربت ميثا .
ميثا : نزين ابا عباتي .
عبيد : مب لازم عباه ركبي السياره .
ركبوا السياره و توجهوا لطواري ، و نزلها السسترات و عبيد سار يبركن السياره .
و طلع من السياره و هو مسرع و يايب اغراض اليهال وياه .عبيد " وهو يلهث " : هاه دكتوره وين ميثا ؟؟! .
الدكتوره : يالسين نجهزها حق عمليه قيصريه .
عبيد " منصدم " : عيالي توهم داخلين نص الشهر السابع و تبين تطلعينهم الحين؟!! .
الدكتوره : مب انا الي ابغي اطلعهم هم الي يبغون يطلعون .
الدكتوره : يلا انا بسير اجهز العمليه مابغي أتأخر عليها اكثر .عبيد : دكتوره ان ماتو عيالي حرام لا اجلب عليكم المستشفى فوق و تحت .
و دخلت الدكتوره غرفت العمليات ، و يلس عبيد ع اعصابه ل ساعات و محد رد له خبر .
عبيد " ف نفسه " : ي ربي.. ، ليش محد ياني لين الحين ، ليكون شئ استوا ف ميثا او اليهال ..
و طلعت الدكتوره و هي شاقه الابتسامه .
الدكتوره : الحمدالله على سلامتها .
الدكتوره : بس لازم يتمون معانا على الاقل شهرين لين يكبرون و ف نفس الوقت نطمن ع صحتهم .و دخل عبيد مسرع الغرفه و استقبل عيال بكل حنان و دموع ، لف عبيد صوب ميثا و جفها ف عيونها و قالو ف نفس الوقت :
ميثا و عبيد : موزه و سهيل ( اسماء التوم ) .
يتبع ..
عيدكم مبارك❤️🔥 .
كيف العيد معاكم so far ؟؟