قصة ريدنا

15

*#قصة_ريدنا《15》*
*#بقلم_مها_حولي_الزاكي*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
المهم بعد ما خلصت المحاضره الأولى ، فجأه كدا تلفوني رن ، قلت أكيد دا منيب ، بس لمن طلعت تلفوني من الشنطه لقيتها أمي ، لمن رديت عليها قالت لي نحنا في المستشفى ، اتخلعت و قلت ليها شنو ؟؟ قالت لي حمودي دا معوق ، اتشكل ليهو مع أولاد و فلقوهو في راسو و هسي نحنا في المستشفى ، قلت ليها حمودي كويس هسي في مستشفى وين انتوا هسي ؟؟ ورتني اسم المستشفى و أنا طوالي من مكاني داك مشيت ركبت مواصلات و طول الطريق كنت بتصل عليهم و بطمن على حمودي ، ماهر قال لي ما تجي حمودي كويس هسي و أمي ذاتو ما كان تتصل عليك بس هي خافة من منظر الدم و إتخلعت عشان كدا إتصلت عليك ، قلت ليهو جايه ما بقدر اقعد بقلقي دا ، المهم لمن وصلت المستشفى إتصلت على ماهر و وصف لي هم وين و طوالي مشيت ليهم و لقيت مرام دي تبكي قدرتها ، قلت لأمي حمودي كيف هسي و اتشكل مع منو هو ؟؟ قالت لي ولد أميره جاب ليهو أولاد كبار و إتلموا في حمودي و دقوهو ، ماهر قال ليها أقسم بالله ما أخليهم و حالياً الشرطه بتفتش عليهم ، ياخ ما معقوله أولاد كبار و بالغين يتلموا ليهم في شافع !!
قلت ليهو حسبي الله فيهم !! ولد أميره دا مالو مع حمودي كمان !! مرام قالت لي دا كلو بسببك لأنك أديتيهو فرصه و خليتيهو يتمادى اكتر على حمودي ، انتي امبارح وقت ما بتقدري تعدلي طالعه ليهم ليه ؟؟! امو أنا ولا انتي عشان تمشي و تخليهو يتصالح مع الولد رغم انو غلط عليهو ! قلت ليها لو أنا قصرت فإنتي و مياسم ما قصرتوا و طلعتوا شاكلتوهو و شاكلتو أمو ف أنا ذنبي شنو ؟؟ قالت لي لو من البدايه خليتي حمودي يتسدى حقو ما كان انا طلعت و إتدخلت و اشتبكت مع أمو ، قلت ليها يعني لو كان خليت حمودي يضربو الولد ما ح يحاول ياخد حقو !! المهم انتي على كل الأحوال ح ترمي اللوم علي عشان كدا ما حابه اتناقش معاك ، قالت لي تتناقشي كيف و انتي غلطانه ، أمي قالت ليها احسن ليك يا مرام تحترمي نفسك و تلمي لسانك دا عليك ، انتي وحده متسبله بس و بتحبي ترمي مشاكلك على غيرك ، هسي مها علاقتها شنو بالأولاد الضربوا حمودي ! من وين ل وين جايه ترمي عليها اللوم ! مياسم قالت ليها ليييه ما بتلومي نفسك ! طوالي جايه ترمي اللوم على مها لأنها بتتحملك و بتسكت ليك حتى و إنتي غلطانه !.... طبعاً مرام سكتت و ما قالت حاجه و ماهر دا بس كان بعاين ليها بنظرات حاده بس ما عايز يتناقش معاها ، المهم فجأه تلفوني رن ، من دون ما أعاين دخلت يدي جوه الشنطه و عملتو صامت و بالي كلو بقى مع حمودي ، المهم لحد المسا كدا طلعنا بيهو من المستشفى و ماهر حالف إنو ما يخلي الأولاد الإتفقوا عليهو و ضربوهو ، المهم باقي اليوم كلو قضيناهو مع حمودي و أنا نسيت موضوع منيب دا على الآخر ، ما إتذكرتو إلا لمن جيت داخله الغرفه بعد صلاة العشا ، مشيت طلعت تلفوني من الشنطه لقيت كميه من المكالمات منو ، رجعت إتصلت عليهو كتييير بس ما رد علي ، دخلت الواتس و رسلت ليهو منيب معليش بس حصل لي ظرف و نسيت الموضوع عديل ....كان متصل الآن بس ما رد علي ، تاني رسلت ليهو و قلت ليهو أنا بالجد آسفه يا منيب بس الموضوع ما كان بيدي ، دخل قرأ رسايلي بس ما رد علي ، بقيت أعتذر منو كدا لمن فترت و هو تاني ما كلف نفسو يقرا رسايلي ....المهم في اليوم البعدو ما كان عندي جامعه ف طوالي مشيت المشتل ، طبعاً أروى قبلوها في الشغل ، فلمن مشيت المشتل اتصلت عليها و كلمتها لمن تخلص تجي غاشياني و نمشي سوا ، قالت لي طيب ، بعدها إتصلت على منيب بس ما رد علي و ما كان داخل واتس ....لمن الساعه 3 جات ، أروى جاتني ، سلمت عليها و حكيت ليها الحصل ، قالت لي هو مفروض يتفهمك و يسألك عن الظرف المنعك ! قلت ليها مفروض ! بس شكلو زعل مني عشان كدا ما برد على مكالماتي و رسايلي ، قالت لي يعني خلاص العولاق بدا !!...قلت ليها هسي ما عارفه اصالحو كيف ، قالت لي انتي يا مها ما عايزا تواجهي أهلك و توريهم انك عرفتي الحقيقه! يعني لمتين انتي و منيب حتقعدوا كدا !!؟ قلت ليها ما عارفه والله و منيب ذاتو نبهني ما أجيب ليهم سيره ! قالت لي ليه ؟؟
قلت ليها برضو ما عارفه ..
سكتت مسافه بعدها قالت لي اعتقد انو خايف لو أهلك عرفوا يضغطوا عليك و يغصبوك عشان تطلبي منو الطلاق خاصة انك ما متذكره أي شي من حياتك السابقه يخليك تتمسكي بيهو ، يمكن عشان كدا هو عايز يعودك عليهو و يحاول يذكرك ولو بذكرى وحده من الكان بينكم عشان تقدري تمنعي أهلك و تصري و تتمسكي بيهو زي ما هو متمسك بيك !! قلت ليها يمكن بس حالياً ما عارفه أراضيهو كيف ، قالت لي اتعلمي فن التجاهل ، مع انو منيب دا صعب الواحد يتجاهلو بس انتي حاولي لأنو لو قعدتي تتصلي عليهو كدا و تعتذري منو غرورو ح يزيد و قدر ما تعتذري منو ح يحس إنو لسه لازم تعتذري اكتر من كدا عشان تراضيهو ، أصلاً دا طبع الإنسان ، عشان كدا خليهو و أنا متأكدة إنو براهو الح يجي راجع ليك ، قلت ليها ما اظن بقدر ، قالت لي لا ح تقدري...
قلت ليها طيب بحاول المهم الشغل ماش معاك كيف ، قالت لي حلو و كلو تمام ... المهم قعدنا شويه في المشتل و بعدها رجعنا البيت ...جاهدت نفسي و منعتها تتصل عليهو ، اليوم الأول كان صعب علي لأني حسيت نفسي غلطانه و انو هو معاهو حق ، المهم مر اليوم الأول و التاني و أسبوع كامل من دون ما نتكلم مع بعض و ما عارفاهو إذا سافر أو لا بس حسب آخر كلام زي الوقت دا المفروض يكون سافر ، المهم يوم ما كان عندي جامعه و ما عندي نفس أمشي المشتل مع إنو أكتر مكان كنت برتاح فيهو ، قلت الكلام دا أروى بليل تاني يوم طوالي جاتني من الصباح و قالت لي اليوم لازم تمشي معاي الشركه ، قلت ليها ما عايزا أطلع من البيت ، قالت لي بسبب منيب صح ؟؟ نفسن بيك الحيوان ...هيييي ما حيوان ، حيوانه أنا دي والله 🙈
ضحكت على كلامها و قلت ليها بالجد يا أروى ما عندي نفس أمشي مكان ....بقت تحلف فيني لحد ما وافقت و مشيت معاها الشركه ...قالت لي طبعاً عندنا مدير قسم كدا عسل بس كل البنات بتحبوا إلا صحبتك ما شغاله بيهو ، قلت ليها سبحان الله !! دي حاجه مستحيله !! قالت لي بيني و بينك كدا بعترف هو سمح بس أكتر من كدا ما عندي ليهو حاجه زي باقي البنات ، قلت ليها محسساني إنو جاري وراك ! قالت لي ياريت على الأقل الواحد يحس نفسو زيو و زي باقي البنات المزز ، ضحكت و قلت ليها هسي انتي الناقصك شنو ؟؟!
قالت لي ناقصني زول يحبني و يكون مخلص في حبو لي 🥲
لمن قالت كدا حسيتها اتذكرت ماهر أخوي ، قلت ليها بإذن الله حتلقي الزول دا ، قالت لي أن شاء الله بس ما ح أتأمل كتير ، المهم عرفتني على زملائها في الشغل و لفت بي في الشركه بعدها مشينا الكافتيريا حقت الشركه و قعدنا نفطر هناك ، بعد شويه كدا البنات الجنبنا كانوا بتهامسوا ، أروى قالت لي شوفي البنات إتكبكوا كيف عشان هو جا داخل ، إتلفت يمين شمال و قلت ليها منو ؟؟
قالت لي مدير القسم حقنا ، قلت ليها وينو ؟؟ قالت لي عايني وراك ....أول ما إتلفت شفت الضيف الكان جانا قبل كدا في بيتنا ، نططت عيوني طبعاً و قلت ليها دا هو ؟! قالت ايوه سمح صح ؟؟
قلت ليها دا أبوهو صاحب أبوي و قبل فتره جانا في البيت و تقريباً اسمو ....اسمو.....قالت لي قصي !!
قلت ليها ايوه قصي ، قالت لي وااااي ما بصدق والله !! يعني انتي كل. الناس المزز و السمحين بتطلعي بتعرفيهم ! أول شي منيب الطلع راجلك و هسي قصي دا ، ضحكت و قلت ليها عادي و أساساً ما ح استفيد شي من معرفتو ، بعد شويه كدا تاني إتلفت و عاينت ليهو ، كان بتكلم بالتلفون و ماشي على الكاشير و فجأه عينو جات في عيني ، طوالي إتلفت منو ، أروى قالت لي شكلو شافك عشان كدا جاي علينا ، قلت ليها بالجد ؟؟!
قالت لي آي والله ، فجأه كدا جا وقف جنبنا و قال لينا السلام عليكم ، قلنا ليهو و عليكم السلام ، طبعاً أروى ما ردت عليهو و أول مره تعمل كدا و ما تتخافف قدام زول ، قال لي يا محاسن الصدف ، معانا هنا من متين ؟؟
قلت ليهو من اليوم بس ، جيت مع صحبتي دي ، قال لي اهااا شرفتي والله ، قلت ليهو تسلم ، قال لينا عن إذنكم ، مشى الكاشير و تاني ما شفتو مع زحمة الناس ، بعد شويه جا واحد ختى لينا أكل و 2 عصير فراوله ، قلت ليهو دقيقه دقيقه دا شنو دا !!؟ أروى قالت لي ما تستغربي بكون دا قصي ، قلت ليها بالغ ياخ ما كان يكلف نفسو !!
المهم قعدنا مسافه في الكافتيريا ، بعدها قلت لأروى ح أمشي بعد دا ، انتي كملي شغلي ما أعطلك ، قالت لي لا ياخ انتظريني ، قلت ليها مصدعه والله ، قالت لي كيف ما تصدعي و انتي بالك كلو مع منيب !!؟
قلت ليها حاسه نفسي بالغت و انو كان لسه أحاول معاهو و ما اتجاهلو بالطريقه دي ، قالت لي ما تكوني عاطفيه زياده عن اللزوم ، خليك كدا و أنا متأكدة انو ح يتصل أو يرسل ليك ، المهم قدمتني لحد ما طلعت من الشركه ، قبل ما أمشي قصي جا لاحقني ، قال لي طالعه برضو ؟؟
قلت ليهو أيوه ، قال لي طيب ح أوصلك معاي ، قلت ليهو لا لا ما حابه اتعبك معاي ، قال لي بزعل منك والله و بعدين أنا ما غريب و لو خايفه من أهلك ممكن اتصل على أبوك أو أخوك و أكلمو ، قلت ليهو لا لا ما كدا و ما للدرجه دي ، قال لي عشان شايفك متحسسه شديد ، قلت ليهو لا ماف مشكله ، المهم ركبت معاهو و وصلني لحد البيت ، قلت ليهو اتفضل معاي ، قال لي مره تانيه ، قلت ليهو طيب ، نزلت و شكراً ليك ، قال لي دا الواجب و طوالي مشى ، المهم اول ما دخلت البيت عمر و رفيف و حمودي و رنيم جوني جاريين و هم شغالين لي عمتوووو ، نزلت ليهم تحت و ضميتهم الأربعة و قلت ليهم حبايبي الحلوين كيفكم ، حمودي قال لي جبتي لينا شنو ، قلت ليهو والله جايه مصدعه يا حمودي و ما قدرت اقيف في أي مكان عشان اشتري ليكم حاجه ، قال لي لكن أنا عيان ، قلت ليهو و العيان بداوهو بالحلاوه !😂 طبعاً حمودي بقى أحسن و الأولاد ديلك الشرطه قبضتهم بس أهلهم جوا و اعتذروا مننا كتييير و قالوا ما ح تتعاد تاني ، أبوي بالجلاله قدر يقنع ماهر إنو يخليهم و فعلاً أتنازل عن الشكوى و طلعهم من الحبس و دا الزعل مرام منو ، ما عارفه هسي قدر يصالحها أو لا لأني بقيت ما مركزه معاهم و على طول قاعده جوه غرفتي و بالي كلو مع منيب ، المهم لمن دخلت جوه سلمت على أمي و مياسم و رفيف طوالي جرت و جابت لي مويه ، أخدت معاهم خشم خشمين بعدها استحميت و بدلت ملابسي و صليت العصر ، دخلت غرفتي و مسكت تلفوني و دخلت الواتس ، لقيت منيب ما داخل ، إتصلت عليهو بس ما رد علي ، قلت يمكن سافر و بدل شريحتو! بس لو بدلها ح يديني إنو مغلق ، قلت هسي الحاصل عليهو شنو ياااخ !!
قعدت ساعه بتصل عليهو بس ماف رد ، لمن دخلت الواتس لقيتو متصل الآن ، قلت ليهو منيب انت لسه زعلان مني ؟؟
عارفه انو معاك حق بس أنا إعتذرت منك ، ما ناوي تسامحني!؟؟
قرا رسالتي و ما رد علي...
قلت ليهو ما بحب فكرة انو في زول زعلان مني ، ما بكون مرتاحه خالص يا منيب و ما بقدر أنوم كويس ، أنا لمن ما رديت عليك ، ما رديت لأنو بالي كان مع حمودي ولد ماهر أخوي كان في المستشفى..
لمن قلت ليهو كدا طوالي رد علي و قال لي ليه مالو حمودي ؟؟
طوالي حكيت ليهو و قلت ليهو آسفه بالجد بس دا الحصل ، قال لي طيب حصل خير ، قلت ليهو هسي ما زعلان مني صح ؟؟!
قرا رسالتي و ما رد بس طوالي اتصل علي ، لمن رديت علي قال لي مفروض أنا الأعتذر منك ...ما عارف اقول ليك شنو يا مها بس انا زعلي كعب و أنا إنسان اناني في الحاجات البحبها و دي اكتر صفات بكرها في نفسي بس ما بقدر أتحكم فيها ، سكته ما رديت عليهو ، قال لي حقك علي والله و بالجد آسف ، قلت ليهو ما مشكله ما زعلانه أنا و قعدنا نتكلم عادي و حكيت ليهو كل الحصل خلال الأيام الفاتو لحد يوم الليله ، خلى دا كلو و قال لي يعني الضيف الكان جاكم داك هو ولد صاحب أبوك و انتي قلتي لي انو دا صاحب أبوك لمن كنتي بتتكلمي معاي!! طبعاً ياداب انتبهت على نفسي ، قلت ليهو فعلاً لأني كنت قايلاهو واحد من أصحاب أبوي ، قال لي و ولد صاحب أبوك جاي بيتكم ليه ؟؟!
قلت ليهو كيف يعني ليه ؟؟ الصاحب بمشي بيت صحبو ليه ؟؟  ما تنسى إنو صاحب ماهر ، قال لي ما إرتحت ليهو ، ضحكت و قلت ليهو محسسني انك بتعرفو ، المهم اتكلمت معاهو عادي بس ما عارفاهو ليه مقلق من قصي دا !! قلت ليهو ما أنسى ، انت مش كنت طالع مأموريه ؟؟
قال لي ايوه بس حصلت شوية تغيرات و مشى غيري ، يمكن أمشي المره الجايه ، قلت ليها اهاا طيب كدا أحسن ذاتو ، قال لي مها ما تعتبريهو أمر ، هو طلب ، ممكن ما تدي أي ولد فرصه عشان يتكلم أو يتعامل معاك !!؟
قلت ليهو أنا أساساً ما قاعده أخلي زول يتخطى حدودو معاي ، قال لي عارف و ما قصدي شي تاني بس لأني عارفك بريئه و بتنخدعي بسرعه ما عايزك تتعاملي مع زول ، زي مثلاً انك خليتيهو يوصلك لحد البيت ، بالنسبه ليك حيكون عادي لأنو هو واحد أبوك و أخوك بعرفوهو بس بالنسبه لي أنا دا زول غريب أو مجهول ، قلت ليهو طيب ما ح تتكرر تاني ...المهم اتكلمت معاهو مسافه و بعدها قفلت منو ، و إستمرينا كدا و كل مره بجيني بعد الجامعه و بنطلع سوا ، قلت ليهو انت آخر مره مش كان قلتي لي ح توديني لمكان مهم شديد بالنسبه ليك ؟؟! قال لي فعلاً بس ما هسي ، قلت ليهو طيب ، شويه كدا دخلت الواتس و لقيتهم منزلين جدول الإمتحانات في قروب الدفعه ، قلت أففف ياخ! منيب قال لي مالك ؟؟
قلت ليهو نزلوا لينا جدول امتحانات الميد تيرم ، و أنا والله ما نفسي امتحن و حاسه نفسي ما ح اقدر اقرا حاجه ولا عندي رغبه اقرا و خايفه شديد.....قلت ليهو كدا و أنا عيوني مليانه دموع و قربت أبكي ، قال لي ماف شي بخوف ، أنا معاك ، رسلي لي شيتاتك كلها ح أفهما و أشوف ليك محاضرات عنها و أجي أشرحها ليك ، قلت ليهو منيب أنا بالجد خايفه ، رغم اني ما عايزا اقرا بس في نفس الوقت خايفه من الفشل و من هسي شايله هم النتيجه ، خت يدو على يدي و قال لي اتطمني أنا واثق فيك و متأكد انك قدر الإمتحانات دي و متأكد إنو معدلك حيكون عالي ، قلت ليهو ما أظن ، قال لي معناها انتي ما واثقه فيني و إلا كنتي ح تتأكدي انك مستحيل أخليك تدخلي امتحان مالم اتأكد انك قاريه ليهو تمام ....
المهم كلامو طمني شديد و طوالي رسلت ليهو الشيتات ، قعدنا مسافه و بعدها طلعنا عشان يوصلني ، المهم لمن وصلنا جنب البيت ، قال لي ما عايزك تقلقي ساي ، خليك مرتاحه و ما تشيلي هم ، قلت ليهو طيب و طوالي نزلت ، قال لي يلا في أمان الله ، رفعت ليهو يدي و لوحت ليهو و هو طوالي إتحرك ، أول ما إتلفت كدا على بيتنا شفت ماهر و أبوي جنب الباب ، إترددت طبعاً و الخوف إتملكني ! بلعت ريقي و مشيت عليهم و أنا متوتره من نظراتهم ، لمن وصلتهم سلمت عليهم و بالغصب ابتسمت ، لمن دخلنا ماهر قال لي دا منو ؟؟
طبعاً إتوترت شديد و مشكلتي لمن اتزنق شديد ما بعرف أكذب ، قلت لو قلت ليهو زميل في الجامعه ح تبقى مشكله ! بلعت ريقي و قلت ليهو زول ساي لقاني واقفه في الشارع و قال لي ح أوصلك معاي ، قال لي شايفه ريالتي سايله ؟؟
أبوي قال لي انتي زوله واثقه من نفسك ولا لا ؟؟! اذا ما حاسه نفسك عامله غلط و لو في حاجه هي الجبرتك تجي مع الزول دا إتكلمي عادي و قولي الحقيقه لأنو صاحب الحق عمرو ما بيخاف أو بتوتر و انتي تصرفاتك و خوفك فاضحك ☺️
حسيت نفسي في موقف ضيق و ما عرفت أكذب و اقول دا منو ....فكرت بيني و بين نفسي و قلت اقول ليهم ولا لا ؟؟
كمان كلام أبوي أثر علي ، لأنو ربانا كويس و واثق مننا و عارفني اني ما بكذب عليهو و ما بعمل حاجه غلط و حتى لمن كان يوصلني زول كنت عادي بجي و بكلمو و دائماً بكون صريحه معاهو و أي حاجه تحصل معاي بقولا ليهو و بخليهو في الصوره ، بس المره دي غير ...هو ما مستغرب لأنو شاف زول وصلني هو مستغرب من الخوف و القلق العلى وشي و زي ما قال صاحب الحق ما بخاف و ما بتوتر و أنا حقيقة معاي حق لأنو الوصلني دا ما غريب بس هم ما عارفين دا منو ....غمضت عيوني مسافه و فتحتهم و هم منتظرني اتكلم ، قبضت اصابع يدي شديد و قلت ليهو دا منيب يا أبوي ......هو و ماهر عاينوا لي بإستغراب أكتر في نفس الوقت !!
ماهر قال لي منيب منو ؟؟؟
سكته ساي
نهرني و قال لي بتكلم معاك أنا منيب منو .... طبعاً خلعني بالجد لأنو دي اول مره يتكلم معاي كدا ، على حس صوتو العالي أمي و مياسم و مرام جوا طالعين من جوه و أمي بقت تقول ليهو يا ولد يا ماهر في شنو بتنهر أختك دي كدا ؟؟!
قال لي بتكلم معاك أنا احسن تردي ، أبوي قال لي قولي منيب منو ؟؟؟
دموعي طوالي نزلت و قلت ليهم على فكره أنا عرفت الحقيقه الكنتوا داسنها مني و منيب دا كلكم عارفنوا كويس يا أبوي ..
طبعاً هنا حصلت لحظات صمت و كلهم بقوا مندهشين !!
ماهر قال لي بتقولي في شنو انتي ؟؟؟ قلت ليهو ما تستغباني يا ماهر لأني خلاص عرفت الحقيقه البتقول اني كنت متزوجه و من منيب كمان الوصلني هسي دا ..