قصة ريدنا

19

*#قصة_ريدنا《19》*
*#بقلم_مها_حولي_الزاكي*
*♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
طبعاً استغربت!
قالت لي أنا تالا و دي تنزيل و نحنا أخوات منيب و دي أمنا....اتفاجأت بالجد !! قلت يعني هي و دانه لمن لاقوني في الموقف كانوا عارفين أنا منو !! عشان كدا كانوا بعاينوا لي بالنظرات الغريبه ديك !!
تالا قالت لي ايوه كنا عارفنك بس أكيد ما ح نفاجئك طوالي كدا و نقول ليك نحنا منو في نص المحطه..
هزيت ليها راسي بس و بتردد قلت ليهم نورتو والله ، تنزيل قالت لي لينا كم يوم كدا مخططين نجيك لمن عرفنا إنك هنا بس منيب ما سمح لينا و هسي جينا من دون علموا ، قلت ليها ما حصل كلمني ، ما كان يمنعكم والله..
المهم قعدوا يتكلموا معاي و أنا بالعافيه برد عليهم ، أمهم قالت لي يعني انتوا هسي رجعتوا ولا دا اسمو شنو ؟؟ طبعاً ما عرفت اقول ليها شنو لأني ذاتي ما عارفه قعدتي في البيت دا اسمها شنو ، تالا قالت ليها أكيد يا أمي المهم و كويس إنهم رجعوا لبعض ، حسيت الجو مكهرب و إنو أمهم ما طايقاني لأنها كانت بتعاين لي بس و ما بتتكلم معاي كتير ، المهم تالا مشت معاي المطبخ و عملنا وجبه خفيفه كدا مع شاي و جبنه و كيك ، تالا دي ظريفه كانت بتحاول تمتص توتري و تحسسني انو الموضوع عادي و إنو لا هم غريبين عني لا أنا غريبه بالنسبه ليهم ، المهم بعد ما شربوا معاي الجبنه اتونسوا و مشوا ، قدمتهم لحد الباب ، تالا قالت لي الزياره الجايه عليك انتي ، قلت ليها إن شاء الله ...بعد ما طلعوا الحرس قفلوا الباب ، رجعت جوه و بقيت أفكر في ونستهم معاي و أحلل في نظراتهم و تصرفاتهم ، طبعاً من الروايه الكانت في الدفتر داك عرفت إنو فعلاً دي تالا لأنها كانت مذكوره مره في الروايه و تنزيل!!......معقوله دي الكانت صحبتي المقربه !!!
المهم المساء منيب جا داخل ، كنت بحضر ، قال لي مساء الخير و طوالي مشى من جنبي و ما إنتظرني أرد عليهو حتى !!
قلت أجييي! دا مالو كمان !
المهم قعد حكاية ربع ساعه كدا و ما طلع من غرفتو ، قلبي قال لي قومي جهزي ليهو أكل بس عقلي قال لي لا خليهو على راحتو ...حصل صراع بين عقلي و قلبي و في الآخر مشيت المطبخ و جهزت ليهو أكل و شلتو ليهو في صينيه ، لمن وصلت غرفتو سامعه جايط شديد كان بتكلم بالتلفون و هو متعصب ، قال للزول البتكلم معاهو : أنا ما بخاف من زول و ما أنا الباخد رشاوي ، خليهم يعملوا العايزنوا و أنا واقف ليهم بالمرصاد و ح أكون ليهم زي شوكة الحوت ، أصلاً البلد دي ماف زول دمرها غير الناس العواليق الذيهم ديل ....ضربت الباب و بعدها دخلت طوالي ، إتلفت عاين لي و تاني لف مني و قال للزول البتكلم معاهو : تمام بكرا لمن ألاقيك ح أتناقش معاك ، جا علي و قال لي ما عايز شي أنا رجعيها ....كان متضايق شديد
قربت أبكي والله لأني عملت ليهو الأكل دا و هو من دون ما يعاين ليهو ذاتو قال لي رجعيهو ، من دون ما إتكلم معاهو رجعت بالصينيه بس وقفني جنب الباب و قال لي انتي ناس أمي اليوم جوك هنا ؟؟
قلت ليهو أيوه ...سكت و بقى منتظرني اقول ليهو حاجه عن زيارتهم لمن ما إتكلمت قال لي في زول زعجك بحاجه ؟؟
قلت ليهو لا ...
طبعاً كنت منزله راسي عشان حسيت إني ح أبكي ، قرب مني و خت يدو على حنكي و رفع لي راسي و قال لي طيب في شنو ؟؟ بتبكي مالك ؟
مسحت دموعي و قلت ليهو ماف شي بس في حاجه دخلت لي في عيوني ، قال لي ما علي أنا الكلام دا ، في زول عمل ليك حاجه ؟ حتى لو بالكلام ، ما رديت عليهو ، قال لي لو ما ح تتكلمي ح اتصل و أسأل ناس أمي...
طبعاً أعصابي تلفت ! ما عارفاهو غبي ولا بتغابى ، لمن فتح تلفونو و عايز يتصل عليهم قلت ليهو بزهج ياخ ماف غيرك بزهجني ، قلت ليهو كدا و ختيت الصينيه و طلعت من غرفتو و مشيت الغرفه البقعد فيها و قفلتها علي ، بقيت ببكي بس ، تاني لمت نفسي و قلت هسي دا اسمو شنو ؟! مالي أنا هسي الببكي شنو ، يعني شنو إذا ما عايز يأكل أنا مالي و مالو ....قايلاهو ح يجي يدق لي باب الغرفه و يقعد يحنسني بس ما جا خالص ، قعدت مسافه في غرفتي بعدها طلعت منها , شايفه غرفتو فاتحه و ما سامعه صوت حركه ، براحه براحه مشيت على غرفتو و دخلت زي الحرامي ، لقيتها فاضيه قفلتها و بقيت أفتش عليهو بس ما لقيتو ، قلت شكلو طلع , مشيت البلكونه و شفتو في الشارع و المره دي بدل البت وحده شايفاهو بتكلم مع بتين !!
اتغظت غيظ ما عادي و إتمليت و حسيت بنار جواي بتحرق فيني حرق !
بعد مسافه جا داخل البيت برضو لقاني في الهول ، جا قعد و شال الريموت و غير القناة ، قلت ليهو ما شايفني بحضر ؟! قال لي انتي ما قاعده تحضري انتي سرحانه بس في الشاشه ، قلت ليهو سرحانه فيها يعني مركزه شديد مع الحاجه القاعده أحضر فيها ، قال لي كذابه ، إنفعلت و قلت ليهو أصلا انت كما عدمتني الراحه ما بترتاح ، بحسك مبسوط لمن تضايقني و كأنك انخلقت بس عشان تعذبني و تملاني فقر.... طبعاً قلت الكلام دا بكل ضيق و نبره عاليه لمن هو إنخلع !!
أول ما وقف على حيلي و جيت ماره بجنبو عشان أمشي مسكني من يدي ، حاولت أسحب يدي منو بس كان ماسكني بقوه ، وقف على حيلو و لفتني عليهو و قال لي في شنو قولي ؟؟
قلت ليهو حيكون في شنو يعني غير إني مخنوقه منك و من البيت الزفت دا و المنطقه الزفته دي و الناس الفيها ، قال لي برضو ما فهمت ..
قلت ليهو و أساساً ما ح تفهم لأنك واحد مغرور و متسلط و متعجرف و بتحب السيطره و التملك و أنا بكرهك ، بكرهك شديد ...قلت ليهو كدا و فكيت يدي منو و مشيت دخلت غرفتي و قعدت أبكي بحرقه...يمكن دا كلو عشان شفتو واقف مرتين مع البت ديك و أنا ما قادره استوعب إنو الموضوع فارق معاي لدرجة اني انفعل و أبكي بالطريقه دي!....