My Annoying Ex(Ongoing)

Ex 22

ရက်အနည်းငယ်ကြာတော့ Taehyung သူရွေးချယ်ထားတဲ့ဇာတ်လမ်းအတွက် တွေ့စုံပွဲကိုသွားရသည်...

ဇာတ်ညွှန်းလည်းဖတ်ကြပြီး အဓိကဇာတ်ဆောင်ဖြစ်တဲ့ Senior သရုပ်ဆောင်တွေနဲ့လည်း Taehyung ရင်းနှီးခွင့်ရခဲ့သည်...Jungkook ကတော့မရင်းနှီးဖို့ပြောထားပေမယ့် တဖက်ကSenior တွေကတောင်တကူးတကအရင်လာမိတ်ဆက်တာကို ဘယ်လိုလုပ်ပြီးလစ်လျူရှုနိုင်မှာလဲ...

Taehyung ကအငယ်ဆုံးဖြစ်တဲ့အလျှောက်လူတိုင်းရဲ့ဂရုစိုက်မှုကိုလည်းခံရသည်...အကုန်လုံးက ဝါရင့်သရုပ်ဆောင်တွေဖြစ်တာကြောင့် အတွေ့အကြုံတွေလည်းမျှဝေပေးကြသည်...

ပြန်ခါနီးမှာလည်း ဖုန်းနံပါတ်တွေအပြန်အလှန်လဲခဲ့ကြသေးသည်...

အပြန်ကျတော့ Jimin နဲ့နောက်ထပ်ကြော်ငြာရိုက်ကွင်းတစ်ခုကိုထပ်သွားရသည်...ဒီရက်ပိုင်း Taehyung ရဲ့အောင်မြင်မှုကတဖြည်းဖြည်းအရှိန်ရလာတာကြောင့် ကမ်းလှမ်းမှုတွေလည်းများလာသည်...

ဇာတ်ကားရိုက်ဖို့လက်ခံထားတာက အခုတစ်ကားပဲရှိသေးပြီး ကြော်ငြာတွေပဲတောက်လျှောက်လက်ခံထားတာဖြစ်သည်...Taehyung နဲ့ကြော်ငြာတဲ့ပစ္စည်းတွေကလည်း အားလုံးနီးပါးရောင်းကုန်နေတာကြောင့် ကြော်ညာရှင်တွေမျက်စိကျလည်းကျချင်စရာပဲလေ...

Taehyung အောင်မြင်မှုရလာလေလေ တဖက်က Junho မှာလည်းမနာလိုမှုပိုကြီးလာလေလေဖြစ်နေခဲ့သည်...သူ့(jh)အမြင်မှာတော့ Taehyung အောင်မြင်မှုက CEO Jeon ကြောင့်ဆိုပြီးပဲသတ်မှတ်ထားသည်...အခုလည်းသူ(jh)ပါဝင်ချင်တဲ့ဇာတ်ကားကို Taehyung ကရသွားခဲ့တယ်...

ဒီဇာတ်ကားကအစတည်းကနာမည်ကြီးမင်းသားတွေကြောင့် Rumor ထွက်ကတည်းကစိတ်ဝင်စားမှုအများဆုံးရထားတဲ့ကားလည်းဖြစ်သည်...အဲ့တာကြောင့် Junho သူ့ရဲ့စပွန်စာသူဌေးJo ရဲ့အကူအညီနဲ့ပါဝင်ဖို့ကြိုးစားခဲ့ပေမယ့် ဇာတ်ကောင်နဲ့မကိုက်ညီလို့ဆိုပြီးမရခဲ့ဘူး...အခုတော့ ထိုနေရာက်ိုKim Taehyung ကအခန့်သင့်လေးရသွားခဲ့သည်...

Junho သတင်းတွေတက်တိုင်းဒေါသထွက်နေရသည်...ဖုန်းကြည့်နေရင်းဖုန်းကိုပေါက်ခွဲပြစ်ချင်စိတ်တွေတဖွားဖွား...သူ့နောက်မှပေါ်လာတဲ့သူက သူ့ထက်ပိုပြီးကျော်ကြားနေတာမို့ ပိုခံပြင်းသည်...