My Annoying Ex(Ongoing)

Ex 33

နောက်ရက် နေ့လည်ရောက်တဲ့အထိ Jungkook တရေးမှ မအိပ်ရသေး။

Taehyung တို့နေတဲ့ Hotel ကို သိခဲ့ရပေမယ့် Jungkook ရောက်သွားတော့ Jimin တစ်ယောက်တည်းသာ ရှိနေသည်။ Jimin ပြောပြတာကြောင့် Taehyung က Daegu မှာ ခနသွားနေဖို့ မနက်စောစော ရထားနဲ့ ထွက်သွားပြီဆိုတဲ့အကြောင်းကိုလည်း သိလိုက်ရသည်။

Jimin ကတော့ ဝါရင့်ပါပါရာဇီတချို့ကို အယောင်ပြသဘောအနေနဲ့ Hotel ကနေ Check Out မလုပ်သေးတာဖြစ်သည်။ Jungkook ချက်ချင်းလိုက်သွားဖို့လုပ်ပေမယ့် Jimin က တားထားသည်။

"CEO Jeon... ကျတော် တစ်ခုအကြံပေးချင်တာက အခုချိန် Taehyung နောက်ကို ချက်ချင်းလိုက်မသွားစေချင်ဘူး... ခများနောက်ကနေ ပါပါရာဇီတွေ လိုက်လာရင် Taehyung အတွက်ရော သူ့မိသားစုအတွက်ပါ မကောင်းဘူးလေ... ပြီးတော့ Taehyung က သူဘယ်သူ့ကိုမှ မတွေ့ချင်သေးလို့ သူဘယ်သွားတယ်ဆိုတာ မပြောခိုင်းထားဘူး ကျတော်က CEO Jeon ကို ယုံလို့ပြောပြတာ သူ့နောက်လိုက်သွားစေချင်လို့ မဟုတ်ဘူး.. သူ့နာမည်ကို အရင်ရှင်းပေးဖို့ လုပ်ရဦးမယ်မလား"

Jimin ပြောတာလည်း မှန်နေတာကြောင့် Jungkook စိတ်တွေ ခနမျှ ငြိမ်သွားခဲ့သည်။

Jimin တစ်ယောက် CEO Jeon ရဲ့ပုံစံကို ကြည့်ပြီး သူ့ယုံကြည်မှုက မှန်ကန်တယ်ဆိုတာ လုံးဝသေချာသွားသည်။ Taehyung အပေါ် အလေးထားမှုတွေကို CEO Jeon ရဲ့မျက်ဝန်းထဲကနေ သူမြင်ရသည်။ ဒါ့အပြင် CEO Jeon ရဲ့ နီရဲနေတဲ့မျက်လုံးတွေနှင့် မျက်ကွင်းညိုတွေ... CEO Jeon ရဲ့ ထိုပုံစံက နည်းနည်းလေးမှတောင် အနားယူထားပုံမပေါ်...

ထို့အတူ မနေ့က Taehyung လည်း တညလုံး အိပ်မသွားခဲ့ပေ။ Euphoria ဘက်က ဖြေရှင်းချက်ကို မြင်သွားခဲ့ပေမယ့် Daegu ကို ရက်ပိုင်းလောက် ပြန်ပြီး သတင်းတွေငြိမ်မှ ပြန်လာခဲ့မယ်ဆိုပြီး ပြောသွားသည်။ ဒါက Taehyung အတွက်လည်း အဆင်ပြေတာမို့ Jimin မတားလိုက်.. ဒီကိစ္စက CEO Jeon ဘက်က ဖြေရှင်းဖို့ပဲ လိုတာလေ။ ပြီးတော့ Taehyung လည်း အနားရသွားတာပေါ့။

ဒီရက်ပိုင်း အလုပ်ကိစ္စတွေကိုတော့ Jimin က အကုန်ရပ်ခိုင်းထားသည်။ တချို့က စောင့်ပေးပေမယ့် တချို့က  စာချုပ်ဖျက်သွားကြသည်။ Taehyung စာချုပ်ချုပ်ထားတဲ့ ဇာတ်ကားကလည်း နောက်နှစ်ပတ်အတွင်းမှ စရိုက်မှာဆိုတော့ တခြားအခက်အခဲမရှိ။ Taehyung ရဲ့နာမည်ရှင်းဖို့ CEO Jeon ရဲ့ ဖြေရှင်းချက်တစ်ခုပဲ လိုတော့သည်။