ما اشوفك الا قمر ساطع ولمعة نجم

البارت الرابع

صقر : يلا يلا كل واحد على بيته وش تنتظرون
ابو سلطان : امش خلنا نروح ل اخوك
ابو ثامر : انا قلت لك من اول وش لك تربي شي مو لك
ابو معن : هو صادق شف الحين  بينزل اسم قبيلتنا بالارض
صقر استغرب من كلام ابو ثامر وش قصده ان تربي شي مو لك
معن وهو جاي من عند الحريم : طمنتهم يالله نروح
ابو الهنوف : استودعتكم الله ان شاء الله بيطلع مافي الا سوء تفاهم انا انتظركم هنا طمنوني
(سبب كره عمام سلطان له عشانه مو ولد ابو سلطان)
" قبل سنوات "
في يوم الخميس في عتمة الليل ونور القمر ساطع و الاجواء بارده و تستحق الكشته قرروا محمد وعبدالله ياخذون عدتهم و يتجهون للبر ركبوالسیاره واخذتهم السواليف و الضحك ووصلوا مكانهم و ثبتو خيمتهم و زينو القهوه والشاهي وشغلوا النار و جلسوا حولها
محمد : قم ياعبدالله جب العود
عبدالله : ابشر ابشر جبت العود جلس عبدالله يدق العود و محمد يغني
محمد : ليلة خميس طرز بها نور القمر
نصف الشهر والليل من فرحه
عريس ليلة لقانا موعدي الساعة
الثمان ليلة كان الفرح ثوبي الجديد
لُقياك عندي يوم عيد
عبدالله : الله الله يا زين اغاني ابو نوره بصوت صاحبي
محمد : اترك المدح لي بعدين ياولد خلاص انا طفیت بنام
عبدالله: لا تصدق نفسك عاد يا طلال مداح قم انت وانا بطفي النار والحقك محمد هز براسه عبدالله طفاء النار و محمد راح الخیمه و جاه عبدالله وانسدحوا بينامون و محمد نام وطبعاً محمد نومه ثقيل لو انفجرت عنده قنبله ماحس ، عبدالله ماجأه نوم جلس يتقلب سمع صوت بزر يبكي تعوذ من الشيطان غمض عيونه بس كل ماله يزداد الصوت محمد ي محمد قم ماتسمع الي انا اسمعه
محمد: مافي شي قراء اذكار ونم
عبدالله: قلبي مو مرتاح انا بطلع اشوف وش هالصوت
طلع عبدالله من الخيمه شغل تريك ( يعني كشاف ) جلس يقرا اذكاره  عشان دقات قلبه تهدا استغرب عبدالله ان صوت البكي قريب من سيارتهم توتر كمل مشي انصدم من منضر البزر الي على الارض حوله دم
عبدالله : الا اله الا الله وش ذا من جابه هنا
ركض ل محمد يقومه قم قم في بزر عليه دم بالسياره
محمد : فز وش دمه وش بزره
طلعو اتجهو للمكان البزر كل منهم يناظر الثاني
قرب عبدالله شال البزر يقرا عليه وغطاه ب شماغه
محمد : لازم نوديه ل الشرطه لا تطيح بلوه على راسنا
عبدالله : يعني وش بتسوي الشرطه ولا شي اكيد اهله مايبونه حطوه هنا بدون رحمه بنص البر وراحو
محمد : اجل وش ناوي تسوي فيه ؟!
عبدالله : اخذه اربيه عندي تعرف من زمان متزوج مارزقني ربي بضنه
محمد : صاحي انت وش تقول ل اهلك و زوجتك
عبدالله : قلت الي عندي باخذه يعني باخذه
اذن الفجر صلو اتجهوا للديرة اجتمع عبدالله باخوانه و اخته و زوجته قال لهم على الي صار حاول فيهم رغم عدم تقبلهم لين اقتنعو
( مرت ايام و سنين )
.
.
.
عند الحريم كانت لين تبكي هي و ام سلطان خايفين على سلطان
ام سلطان: اااااه ياسلطان
ام ثامر بشماته : شفتي الي ياخذ شي مو له وش يصير فيه
لين عصبت : انتي علامك ماتقضبين لسانك
ام سلطان: عيب يا لين خليها تتكلم زي ماتبي
ام اشواق : ام ثامر ام معن وش تنتظرون كل وحده على بيتها انتي ي ام سلطان ان شاءالله مافي الا سوء تفاهم
ام الهنوف : وهي صادقه ننتظر ونشوف
فضه : يمه ابوي ينتظرنا برا
ام الهنوف : تمام ، فمان الله ي وخيتي معليه ادعي له
اشواق و ترف اخذو لين يواسونها
.
.
.
عند ابو سلطان و معن وصقر
كانو جايين من عند سلطان وقف السياره صقر
اقبل ابو الهنوف عليهم
ابو الهنوف : السلام عليكم
الكل : وعليكم السلام
ابو الهنوف : بشروا وش صار ؟
ابو سلطان بصوت ضيق وتعب : ماش ياخوي ماش
ابو الهنوف : ماعليك بتفرج
ابو سلطان : صقر قفل السياره وتعال داخل
صقر : زين يبه
.
.
.
في يوم جديد بدون أي تطور عن حاله سلطان
ابو سلطان: انا بروح الدكان مع ابو الهنوف
لين : يبه ماتبي تفطر
ابو سلطان :لا مالي نفس
ام سلطان : مايصير ي ابو سلطان
ابو سلطان : صقر رح حق اخوك شف وش وضعه
صقر : ابشر يبه
.
.
.
في بيت ابو الهنوف
فضه : انت وش دراك باذا كله
نوف : اي ليه توك تتكلمين يوم طاح الفأس بالرأس
الهنوف : خلاص خلاص اسكتو ترا ضايقه فيني الوسيعه انا لازم اروح له لسجن
نوف : انتي انهبلتي ؟
فضه : لا لا ذي مو صاحيه بنت لايكون طحتي بحبه مسرع
الهنوف: تكفون تكفون غطو علي عند امي ولا انا بتصرف مع امي الحين
.
.
عند ابو الهنوف في دكانه مع ابو سلطان
دخل عليهم رجال السلام عليكم
ابو الهنوف ابو سلطان: وعليكم السلام
ابو الهنوف : سم ي ولدي وش بغيت
غيث : ابد ي عم معك غيث ولد احمد
جاي ابي في اكلمك موضوع
ابو الهنوف : تكلم مامن غريب
غيث جلس: ابي القرب منكم ي عمي ابي منك اشاره موافقه عشان اجي اتقدم ل بنتك المصونه
ابو الهنوف : اتشرف فيك بس من تبي من بناتي ؟؟
غيث : الهنوف سمعت عنها بنت اجوديه سنعه
ابو الهنوف : ابشر بالي يسر خاطرك بس تعالي بعدين حاليا نمر بظروف
غيث : باس راس ابو الهنوف اجل فمان الله
ابو سلطان : ذا الولد اعرف ابوه مشاءالله محترم و من حي ورانا مقتدرين اهل نعمه
ابو الهنوف : الله يكتب الي فيه خير نتطمن على سلطان بعدها يصير خير
ابو سلطان تنهد : الله يسمع منك
.
.
.
الهنوف فعلا شافته لحاله وراحت له و صقر كان فاهي و شاف البنت الي طلعت من بيت ابو الهنوف متجهه له وكانت بكامل حشمتها
الهنوف من غير ماتلفت الانتباه : صقر انا الهنوف بنت ابو الهنوف طمني على سلطان
صقر استغرب منها : بخير الحمدلله
الهنوف : اسمع كل الي صار يمدي نعرف من مين بحركه وحده
صقر عقد حاجبه : وشهي حركة ؟
الهنوف : بعلمك وشهي بس تكفى ياصقر ساعده لا تخليه
صقر : باذن الله باذن الله يا الهنوف
الهنوف : بطلب منك طلب يا صقر لا تردني وانا اختك
صقر : سمي
الهنوف : اكيد انت بتروح الحين ل سلطان خذني معك طالبتك
صقر استغرب من طلبها قال: مايصير تروحين انا و معن بنروح
الهنوف : ودوني معكم طالبتك
صقر : تمام
ماتحمل يشوف بنت تطلبه ويكسر بخاطرها
الهنوف : شكرا لانك ما رديتني بروح ل امي و خواتي اجيك
.
.
.
جاء معن يالله نحرك؟
صقر : انتظر نستنى الهنوف
معن: وشهو على وين تجي ؟
صقر : تبي تشوف سلطان
معن : وشوله ناخذها هناك بعقلك انت؟
صقر :عيت الا وتجي معنا وخلاص خلها بس الله يستر من سلطان وش بيسوي فينا
معن : الله يستر تعال تهقى تحبه؟
صقر ابتسم:ليه لا
.
.
.
دخلت الهنوف راحت ل امها قالت : يمه بكون طول الوقت عند لين
ام الهنوف : انتبهي لنفسك
راحت الهنوف : نوف بروح اشوف سلطان مع صقر خلي عينك على امي اخاف تروح بيت ابو سلطان و اروح فيها
نوف : انهههبلللتيي!!وشوله ذا كله علامك كذا وربي انه غلطططط الهنوف فكينا اجلسيي
الهنوف ضمت نوف : وطلعت
نوف : ياربي منها
فضه : راحت من جدها
نوف : اي الله يستر عليها
.
.
.
جت الهنوف وهي تدخل السياره وجلست  ورا معن و معن يناضر فيها مستغرب و كان هدوا بالسياره