ما اشوفك الا قمر ساطع ولمعة نجم

البارت ١٣

في بيت ابو الهنوف
الهنوف بضيق : يمه بطلع البقاله ناقصتنا أغراض ضرورية بجيبها واجي
ام الهنوف: تمام لا تطولين
فضه : بروح معك
الهنوف : ابلش صدق اخلصي لا امشي و اخليك
نوف : يعني ما اجي معك  
فضه : اي اي لا نجي الا وانتي مجهزه الغداء
نوف : يلا اذلفي بس
.
.
.
ثامر دخل : عساه خير ي عمي ؟
ابو الهنوف: كمل كمل شغلك وانت ساكت
صقر : الاخبار
ابو الهنوف : وش عندك جاي وتارك الدكان ماعنده احد ؟
صقر : قلت اسير عليكم
ثامر : مايحتاج تسير ارجع مكان ماجيت قبل لا يجي عمي
.
.
.
سلطان يمشي بهدوء والف فكره وفكره تدور برأسه ويحس انه مخنوق
والهنوف تمشي وتفكر ب غيث من وين طلع لها
و فضه تسوالف فوق راسها ، الهنوف صقعت  بكتفه
الهنوف بألم : عمى يعميك ماتشوف انت ؟؟؟
سلطان يرص على اسنانه مايبي ينفجر : انتي الي ماتشوفين فتحي عيونك بالطريق
الهنوف توها تستوعب انه سلطان
سلطان : خلاص حصل خير
فضه : سلطان بسألك
الهنوف تقبص فضه تبيها تسكت
سلطان رجع يدينه وراء ظهره : اسئلي
فضه : دريت بخطبت الهنوف
سلطان هز راسه بمعنى اي
فضه : ماراح تسوي شي ؟
سلطان عقد حواجبه : وش تبيني اسوي ؟
فضه : يعني وانت راضي
الهنوف تسحب فضه: حنا بنمشي مع السلامة
سلطان ابتسم ب ضيق : تمشون ماراح تسمعون اجابه ؟
فضه : لا لا ماراح نمشي دام فيها اجابه
الهنوف  تتوعد بهمس ل فضه
سلطان : لا مو راضي ان شاء الله بتدخل قريب
فضه : كفوو
تركهم سلطان ومشى 
الهنوف اختلطت مشاعرها مابين فرح من كلامه مابين ضيق من ملامح وجهه
فضه : احمم
الهنوف: انتي حسابك  معي في البيت
فضه : هاذي جزاتي ؟
.
.
.
سعد ماسك راسه : صدعتي فيني  من كثر ما تسوالفين  خلاص
ترف : يا شينك جالسه اسليك صدق ماتستاهل
ام معن : ان شاءالله تبين اسوي الغداء ؟
ترف : يمه خلينا ناخذ اجازه اليوم ويطبخ لنا سعد
ام معن : عز الله ماكلنا شي ، قم شف من على الباب
سعد : ابشري ، ابلش وش جابك انتي ما نستقبل احد
اشواق : اقول انقلع عن الباب خلاني ادخل
ام معن : ياسعد من
سعد : أم لسان طويل
اشواق رمت عليه تراب و هجت داخل
سعد ركض وراها : تعالي تعالي
اشواق : شوفيه يا خاله
ام معن بعصبيه: سعدد رح شف لك شي تسويه واترك البنت با حالها
ترف : وش مسويه
اشواق: ياختي ناشب لي عند الباب و رميت عليه تراب
ترف : الله يعينك ب يردها لك تراه ماينسى
اشواق: اي اي يصير خير ، يا خاله جبت لك الاغراض الي وصيتي امي عليها
ام معن : ماقصرت سلمي عليها
اشواق : يوصل ،  انا بمشي
ترف : توك جايه اجلسي شوي معي
اشواق : مايمدي بروح اساعد امي في المطبخ
ام معن : انتبهي من طريق
اشواق : ان شاء الله
ترف ضحكت : انتبهي من سعد يمكن ينتظرك برا
اشواق : ابلش
.
.
.
سعد : وش مطلعك من دوامك بدري
معن :  اخذت اجازه اسبوع قدام
سعد : ازين لك تريح
معن : انت وش موقفك هنا
سعد : انتظر اشواق
معن : وش مسويه
اشواق طلعت : ذا الي ماحسبنا حسابه
سعد ضحك : جابك الله
معن :  خلها تروح تلاقي عمتي تنتظرها اخذ حقك بعدين
اشواق: اسمع كلام اخوك
سعد : عشان عمتي بس
.
.
.
بعد مرورالوقت
صقر رفع يده يناظر ساعته وشاف ان وقت صلاة المغرب  قرب : وينه ذا للحين ماجاء البيت الله يستر
ابو سلطان : ياصقر
صقر : سم يبه
ابو سلطان: اخوك للحين ماجاء
صقر : اي
ام سلطان : ان شاء الله انه بخير مو صاير له شي
لين : تلقونه عند واحد من اخوياه او مع معن ، يبه
ابو سلطان : هلا
لين : بطلب منك طلب لا تردني
صقر : اختصري
ابو سلطان التفت ل صقر : انت شدخلك ، وانتي اخلصي وش تبين
صقر مسح جبينه : طاحت جبهتي
لين : البنات  كلهم بيجتمعون عند الهنوف ابي روح
ابو سلطان : روحي مايجي العشاء الا وانتي هنا ، صقر انت وصلها
لين باست راسه : جعلني مافقدك
صقر : قومي البسي عباتك و الحقيني برا
.
.
.
فضه :  والله ماعطيك اياه تذكرين الفستان وردي ؟ اقولك ابي البسها و ترفضين
نوف : ي الحقوده ماتنسين انتي
الهنوف: عن عوار الراس انتي وياها ، وانتي افتحي درجي اختاري الي تبين منه
نوف باست خدها : تعلمي ي فضه تعلمي
فضه : يلا بس
الهنوف: روحي شوفي الباب شكل البنات وصلو
.
.
.
لين طلعت مستعجلة ضربت صقر : الحين العصير مخبيته بالثلاجة ليه تشربه ؟؟
التفت لها نواف
لين تجمدت من الفشيله نزلت راسها تفرك يدها من الحراج  : اسفه احسبك صقر
نواف ابتسم : عادي حصل خير
صقر جاء : هلا والله نواف الاخبار
نواف : حمدالله جاي اسأل عن سلطان وينه اتصل عليه مايرد ابيه ضروري
صقر : ابد مو موجود بالبيت اذا جاء بقوله
نواف: تمام فمان الله مشى
لين : يالحيوان وينك ؟؟ طلعت مالقيتك
صقر : موجود موجود
.
.
.
اشواق: ساعه تفتحون الباب ؟
ترف : خلينا ندخل بعدها هاوشي
فضه : تدخلون الحين ولا اسكر الباب بوجيهكم ؟
اشواق : ماتستحين انتي
لين جت : حلت لكم السوالف قدام الباب ؟
ترف : مادري عنهم
دخلو البنات
اشواق: وين خالتي نسلم عليها
نوف : عند جارتها
ترف : مافي الا حنا بالبيت
نوف هزت راسها اي
فضه : يعني نجلس نرقص ونعلي على المسجل
الهنوف : بعدها نصعد السطح
لين : خلود و حنين ماراح يجون
نوف : لا ابوهم مارضى
اشواق : خالي ذا دايم قاتل المتعه
الهنوف: ان شاء الله يجون مره ثانيه
ترف ضمت الهنوف: مبروك
الهنوف : قصدك عظم الله اجرك
لين : استغفر الله وش ذا الكلام
الهنوف : يابنات مابيه مابيه
اشواق: ارفضيه
فضه : على اساس الامور بيدها
لين : اجل بيد من ؟
نوف : ابوي
اشواق: لا يا شيخه وانتي تسمعين كلام ؟؟
الهنوف: وش تبيني اسوي ؟
فضه ضحكت : معليكم الفارس المغوار بيتدخل
اشواق : مين
فضه : سلطان
ترف : وش دخل سلطان
جلست فضه تقول لهم سالفه
لين ضحكت : الحين عرفت ليه جاي امس يقول ل ابوي ابي الهنوف و اليوم يقولي روحي شوفي أوضاعهم  طلع  طايح على وجهه
الهنوف ابتسمت
اشواق : بدينا ابتسامات ، طيب تتوقعون وش بيسوي
نوف : الله يستر بس
فضه : يلا يلا ننبسط الحين بعدها يحلها الف حلال
.
.
.
معن : صراحه بيدت اغار صاير تهتم تسوالف مع برق اكثر مني
سلطان: وش جابك
معن : افا ماتبيني يعني
سلطان: اسأل
معن : ابد سمعت انك من اليوم مختفي
سلطان: و المطلوب ؟
معن : ابد انك تقولي  وش صاير معك
سلطان : ماصار شي و فيك تمشي بجلس لحالي
معن ضحك : والله ماخليك رجلي على رجلك
سلطان: لا حول الله
معن : وش مضيق صدرك الهنوف ؟
سلطان تنهد بصوت ضايق : كل شي مضيق صدري ماجت على الموضوع الهنوف 
معن : افا معاش من يضيق صدرك وانا اخوك
سلطان تكلم و قاله السالفه كلها
معن حط يده على كتف سلطان: عمي و خالتي يحبونك و عمرهم ماحسسوك انك غير عن اخوانك وسكتو  يا سلطان مايبونك تتضايق و تتأثر
سلطان: طيب من حقي اعرف
معن : انت عرفت الحين وش استفدت قلي غير انك نكدت على عمرك وجلست تفكر ب اشياء مالها داعي انا اقول ارجع ل عمي حب رأسه واجلس اخذ وهات ولا كأنه صاير شي و الهنوف بكره قبل الملكه ب نحشر غيث ونخليه يكنسل
سلطان حس انه ارتاح بعد ماتكلم مع معن:  تمام
معن : اكيد تمام كل شي اقوله انا صح
سلطان ضحك : ياشين الثقه اذا زادت
معن : اي اضحك كذا يلا قم نرجع ناخذ خواتنا من بيت زوجتك مستقبليه
سلطان : يلا امش بس
.
.
.
ابو الهنوف: شدعوه ياخوي للحين شايل بخاطرك
ابو سلطان : اي للحين يا محمد حركتك مالها داعي
ابو الهنوف تقدم له : يا عبدالله زلة لسان وتعوذ من ابليس
ابو سلطان: اعوذ بالله منه
ابو الهنوف : خذ اشرب قهوتك
ابو سلطان: تمام
ابو معن دخل عليهم : السلام عليكم
كلهم وعليكم السلام
.
.
.
اشواق: اهجدي اهجدي خلاص
فضه : لا لسه ماطلعت الطاقه الي فيني
لين : كل ذا ماطلعت كيف لو طلعت
نوف ضحكت : خلوها
الهنوف: انا تبعت
البنات باصوات متفاوتة كلنا
فضه : الا انا
نوف : يوه من يدق الباب
ترف : لايكون معن تو الناس
الهنوف: يمكن امي بطلع اشوف
سلطان : والله جوعان
معن : عشان مره ثانيه تزعل من الكل الا بطنك
الهنوف : مين!
سلطان ابتسم عرف صوتها فز : سلطان
الهنوف: دقيقة انادي لك لين
سلطان: تعالي قبل لا تروحين
الهنوف بابتسامه : وش
سلطان : تبيني ولا تبين غيث
الهنوف : وش ذا الكلام؟
سلطان: ردي علي
الهنوف : ابيك
سلطان ارتخى : جعل مابيني الا انتي
معن: لا ياشيخ روحي يالهنوف نادي خواتنا الهنوف تفشلت من معن وبنفس الوقت تمنت ان سلطان مايسكت ويكمل بكلامه
توجهت للبنات والابتسامه شاقه وجهها
اشواق: قلنا شوفي من عند الباب مو نامي عنده
الهنوف ضمت لين
ترف : ذي وش بلاها
نوف  : يمكن ناقصه حنان
فضه : الا شكلها تتخيل لين سلطان
اشواق ضحكت : شكله
لين : ياحبيبه تراني اخت سلطان مو سلطان
الهنوف : يا سخيفات اخلصو معن و سلطان برا ينتظرونكم
اشواق: انا قايله الابتسامه مو لنا
ترف : اشواق قومي نوصلك على طريقنا
اشواق: يلا
طلعو البنات
لين : بدري ياسلطان كان خليتونا شوي
سلطان : شايفين الساعه ؟
معن : الحين ٨ خلاص
اشواق : انت هنا ثقيل و البنت داخل ذايبه علينا وش قايل لها
سلطان يلعب بمسبحته : وش قلت ماقلت شي
ترف : اتحدا
لين : انتم وش عليكم منهم
معن : لا تكثرون هرج