ما اشوفك الا قمر ساطع ولمعة نجم

البارت ١١

الهنوف: يمه بطلع ل السطح انظفه
ام الهنوف: ذا وقته الحين ؟
فضه : انا اقول تعالي كملي طبخ عني
الهنوف: لا ياشيخه اليوم دورك
نوف : الا روحي عشان نجلس فيه المغرب ونادي البنات
ام الهنوف : خلاص روحي لا تطولين
الهنوف : طيب
.
.
.
ابو سلطان: نقول مبروك من الحين ؟
ابو الهنوف: لسه بدري
ابو سلطان: وليه بدري لا تضيع الرجال منك تراه اجودي
ابو الهنوف: لازم نشاور البنت
ابو سلطان عصب : البنت مايعرف ماصلحتها بذي الامور الا ابوها
ابو الهنوف: نشوف نشوف
ابو سلطان: وش جابك هنا
ثامر : ابد ي عمي اشتغلت  مع صاحبك
ابو سلطان: خلك حي  
ثامر : ابشر
ابو سلطان: اجل بطلع امشي شوي
ابو الهنوف : ثامر خذ نسخة المفتاح و اجلس هنا شوي بعدها قفله
ثامر : تمام
.
.
.
الهنوف تنظف شغلت المسجل بدت تدخل جو مع كلمات الاغنيه تغني معها : دام معي كل القرايب فانا حي
بالروح اضمه يوم قلبي ضنينه
.
.
.
لين : وينك من يوم جينا من مزرعة ماشفناك
سلطان : ابد كنت عند واحد من العيال
لين : طفشانه
سلطان :وش اسوي لك ؟
لين : ودني السوق ولا البقاله
سلطان : تمام بوديك البقاله بس خليني ابدل
دخل الغرفه يبدل الله يهديك يا لين كم مره اقولك لا تنسين دريشه غرفتي سكريها قرب بيسكرها لمح وحده فوق السطح دقق طلعت لهنوف ابتسم بدا يتأملها ترقص واضح عليها مندمجه بشي
لين : ساعه تبدل !
سلطان التفت عليها  مسح جبينه بعصبيه: كم مره اقولك قبل لا تدخلين تدقين الباب !!
لين باست خده : اسفه اسفه
سلطان: يلا نمشي
.
.
.
نوف ضحكت على الهنوف : الله يرزقني روقانك امي تحت كرفتنا وانتي هنا تغنين و تترقصين
الهنوف سحبت نوف ترقصها :
يا صاحبي لا تنشد الروح عن
شي انا حبيبي نور كل المدينه
نوف : جعله روقان دايم بس امي تنتظرك تحت
.
.
.
سلطان: يعني كان كتبتي اغراضك انا اجيبهم
لين : خلاص وصلنا ب دخل اخذ كل شي
سلطان: استغفر الله لا تطولين
نواف ابتسم شاف سلطان: ارحب
سلطان اتجه يحضنه: البقى  ، ليه ماقلت انك طلعت كان مريت اخذك
نواف : قلنا نفاجئك 
سلطان: والله اليوم غداك عندنا
نواف : الله يهدك ليه حلفت
لين : سلطان سلطان شف ذا
سلطان: احمم
لين أستوعبت انه مع احد و رجعت
سلطان:  دقيقة بروح ل اختي  اشغلتني ، لين هاه خلصتي ؟؟
لين :اي ، من ذا المزيون
سلطان: لين والله لايجيك كف عدلي لسانك ، ترا بيتغداء عندنا
لين : وذي شغلتك مغير تعزم وانا اكرف 
سلطان: اص لا يكثر يلا قدامي
نواف : سلطان انا بشتري لي كم شغله على ماتجي
اشار له سلطان ب معنى طيب
.
.
.
بالسوق الديره
ابو الهنوف: غريبه دكانك مقفل
ابو سلطان بعصبيه: المخنز مادري وش عنده مقفله خلني  ارجع البيت اوريه
.
.
.
صقر : يمه وش اسم ذا
ام سلطان : يا صقر جننتني ماغير تسأل
سلطان باس راسها : ناقصك شي يالغاليه ؟
صقر : طيب انا بعد بوس راسي و سألني
سلطان رمى المركى عليه
ام سلطان: لا ابي سلامتك وين رحت انت و لين
لين : ابد يمه البقاله
صقر : انتي ماتخلص اغراضك
لين : مالك دخل
سلطان: يمه انا عازم واحد من العيال  على الغداء
صقر : من اعرفه ؟
سلطان: لا ماتعرفه و قم معي نروح له بعدين غريبه مقفل الدكان وين ابوي عنك
صقر : ابوي مع عمي ابو الهنوف و صراحه حسيت بتعب و قفلته
لين : يويلك اجل من ابوي
.
.
.
فضه : لا لا بدري الهنوف ؟؟
الهنوف : انظف ترا ماكنت العب
فضه غمزت : متأكده تنظفين
نوف : بدينا بدينا الفقره المعتاده ياصبري عليكم
الهنوف سحبت اذنها : إنتي قليلة ادب
فضه : اتركي اذني يا الحيوانه
ام الهنوف: ليه اصواتكم عاليه  يالهنوف اتركي اختك
ما تطفشون انتم من المناقر
نوف : يمه خليهم لين يموتون بعض
فضه : بسم الله علينا
ابو الهنوف : السلام عليكم
الكل وعليكم السلام
فضه باست راسه : اشتقنا اخبارك كيف الدكان اليوم
الهنوف : انشبت له خليه يرتاح
فضه : مالك دخل 
ابو الهنوف: يا بنات خلاص خلو سواليف عنكم و حطو الغداء
نوف : ابشر يالغالي
.
.
.
نواف : تشرفت يا صقر
صقر : اشرف لي ابد خلاص من اليوم انت  صديقي الجديد
نواف : تم
سلطان: شكله بينسحب علينا
صقر : انت وش تبي عندك مرتك
نواف : افا متزوج ماتقولي لي
سلطان: يا الحيوان الفاظك لا تنجلد بالعقال يارجال ماني متزوج يقصد ولد عمي معن
صقر : شفيك ترا نمزح
نواف ضحك
صقر فز ورا سلطان : يا سلطان انا في وجهك شف ابوي جاي
سلطان ابتسم : تبيني اصير نذل ؟
صقر : لا يرحم امك مو وقتك  الحين
نواف مو فاهم
ابو سلطان بعصبيه متجه ل صقر : يالمخنز
سلطان باس راسه : هد  يبه عندنا ضيف
ابو سلطان: الله يحيه وراكم موقفينه برا والله انكم ماتعرفون السنع
صقر همس ل سلطان: ابد ابوي غسل شراعنا عند الرجال
نواف : ياعم كنا تونا بندخل
سلطان: يابيه ذا صاحبي نواف
صقر : يلا يلا ندخل
.
.
.
ابو الهنوف: مشاءالله على الاكل الزين
فضه : احمم احمم
نوف : يبه لا ترفع من معنوياتها الحين تشوف نفسها علينا
فضه : وش تبين
ابو الهنوف: الهنوف شرايك بزواج
الهنوف غصت
ام الهنوف : بسم الله عليك عطي اختك مويه
الهنوف : يبه وش جاب الطاري
ابو الهنوف ابتسم : ابد في  رجال جاني اليوم يبي يجيب اهله ويجي
ام الهنوف : مشاءالله
الهنوف ماعرفت وش ترد
فضه بهمس ل نوف : تتوقعين من سلطان 
نوف : ماعرف بس الله يستر
الهنوف : يبه مابي اتزوج الحين تعذر منه
ام الهنوف: وش ماتبين تتزوجين الحين شايفه عمرك !!
ابو الهنوف : للحين ماصار شي انا اقول استخيري نشوف الولد و اهله بعدها يصير خير
الهنوف قامت تركتهم
ام الهنوف: معليك منها دلع بنات
نوف : يمه ذا زواج مو لعبه بتعيش معه عمر يعني اذا ماتبيه خلاص
فضه : و نوف صادقه لا تجبرونها على شي هي ماتبيه
ابو الهنوف  : من هنا  لين يجون  يصير خير
.
.
.
المغرب ساعه ٦:٢٠
ابو سلطان: يلا انا بروح  ل ابو الهنوف
سلطان: تقهوى بعدين رح
ابو سلطان: لا مابي اتاخر عليه
صقر : وش عندك بتروح له
ابو سلطان ضربه بالعصا : تفكر اني نسيت حركه الدكان ، مالك شغل
صقر بألم : يايمه يرضيك ابوي  يضربني
لين : تستاهل
صقر : اسكتي لا اقوم عليك
لين : بنادي ابوي يفزع لي 
صقر : اي تذكرت ليه رايح عنده 
لين بفضول : ليه
صقر ناظر سلطان
سلطان :  مضيع شي بوجهي يالحبيب ؟
صقر : جايين ناس يبون يخطبون من عندهم عمي طلب من ابوي يكون معه
لين : امانه
ام الهنوف ابتسمت : عقبال ما افرح فيكم
سلطان انقلب وجهه : تعرف من بياخذ ؟؟
صقر رفع كتوفه بمعنى مادري
سلطان قام و طلع صقر لحقه
صقر : يارجال شفيك
سلطان : وش تبي لحقني ؟؟
صقر : مابي شي بس بتطمن
سلطان: مايحتاج
.
.
.
فضه : صدعتي ب راسي انتي ماغير تحوسين
نوف : اهجدي أن شاءالله مو صاير الا كل خير
الهنوف: افهمو مابي اخذ احد الحين
فضه : اجل عطيني اياه
الهنوف: اخذيه فكيني
الهنوف: يابنات والله اني احب سلطان وقلبي عنده ماودي بغيره
فضه : والله اني كنت داريه
الهنوف: خوفي ابوي يحطه براسه اخذه غصب
نوف : تتسهل معليك والي ربي كاتبه بيصير
.
.
.
ابو الهنوف مبتسم : الاخبار
ابو غيث : بخير حمدالله
ابو سلطان: كيف شغلك وين الغيبه
ابو غيث : ماشيه ياربي لك الحمد ابد تعرف مشاغل الحياه
ابو سلطان : جعله دايم
غيث يغمز ل ابوه بمعنى يدخل بموضوع
ابو غيث : يا ابو الهنوف حنا جايين نطمع بنسبكم نبي نطلب بنتكم  الهنوف ل ولدنا غيث ابد كل شي تبيه البنت و تبونه انتم اعتبروا جاكم
ابو الهنوف : ماتقصرون حنا نشتري الرجال بس زي مانت عارف لازم نشاور البنت ونرد لكم خبر
ابو غيث  : يا محمد شور البنت بيد ابوها ولا ي عبدالله
ابو سلطان: وهو صادق
ابو الهنوف بتردد : اجل خلاص عطيتكم
ابو سلطان ابتسم : الف مبروك
غيث : الله يبارك فيك ياعمي
ابو غيث : اجل كتب الكتاب بعد بكرا
ابو الهنوف : على خير ان شاء الله
غيث : اجل حنا  نستأذن و الخميس موعدنا
ابو سلطان : فمان الله
ابو الهنوف : احس تسرعت عطيتهم البنت
ابو سلطان بحده : ما تسرعت ولا شي رح ل اهلك بشرهم انا بطلع البيت
.
.
.
معن : شوي شوي يا رجال مدري وش تقول
سلطان بضيق : ياخي انت وينك الحين
معن : شفيه صوتك توي طالع  من المكتب
سلطان: تعال و تلقاني بالمكان المعتاد
معن : تم دقايق و انا عندك