ما اشوفك الا قمر ساطع ولمعة نجم

البارت ١٢

حنين : اثبت يا ثامر فيك دوده
ثامر : تعبت وانا واقف متى تخلصين ؟
خلود : انت قلت لها ارسميني تحمل
ثامر : ابلش صدق
حنين تضحك : شوفي خلود
انفجرت ضحك خلود : حرام عليك موقفته ساعه
ثامر : وش هببتي اشوف
حنين لفت الوحه
ثامر : الله لا يبارك فيك يالحيوانه وش قصدك راسمه حمار هاه
حنين : حسيت اكثر شي يشبهك
ثامر سحب اذنها : وش اسوي فيك ؟
خلود : خلها تسوي لنا عشاء
حنين دفت ثامر : تخسون ماراح اسوي لكم شي
ام ثامر : عقاب لك ماراح يسوي العشاء الا انتي
حنين : يمهه
ثامر ضحك : احسن
.
.
.
معن يخبط على ظهر سلطان : وش فيك ؟
سلطان: بي عبرة محبوسة تمتحني في
عيني وحلقي وصدري شكاوي
إن قلت زانت خالف الوقت ظني
و إن قلت هانت عاجلتني بلاوي
معن : قالو تشرب ضيقه خويك قلت صبها
           لعبنوا دنيا تذله
سلطان : انا بعدك وش اكون ؟
معن : ان شاءالله ناشب لك طول العمر بس قلي وش صاير
سلطان: الهنوف انخطبت
معن : دامك تحبها ليه ماتدخلت ولا كلمت عمي ؟
سلطان: مادري يا معن بس كل الي اعرفه مابيها تكون مع محد غيري كل مافكر بذا موضوع قلبي يولع نيران
معن : انا اقول دامك في البدايه و البنت ماكتبت كتابها لحق عليها واضح انك طايح على وجهك
سلطان : والله احبها حب مانيب  مخفيه حب
سكن بأقصى الضماير دخلها
معن ضحك : لا واضح انك طحت ومحد سمى عليك
سلطان: شفت كيف يلا نمشي تاخر الوقت
معن : توه بدري بس انت مثل ابوك
.
.
.
ابو الهنوف: ابشرك يا رهف كتب الكتاب الخميس
ام الهنوف: الله يوفقها و عقبال خواتها
ابو الهنوف: امين ، يالهنوف الهنوف
الهنوف: هلا يبه
ابو الهنوف با ابتسامه: مبروك يا بنيتي
الهنوف تجمدت
ام الهنوف: ان شاء الله يوم الخميس الملكة
نوف : استغفر الله يا يبه البنت مالها راي
فضه : تسرعتو الله يهديكم
ابو الهنوف ضرب عصاته بالارض بعصبيه: انا اعرف مصلحتكم كلكم سكرو الموضوع وبكرا بترحون السوق و اذا تحدد العرس تنزلون الدمام تتجهزون هناك
ام الهنوف تاشر للبنات يرقون
نوف اخذت الهنوف رقو
الهنوف تبكي : شفتو شفتو الي خايفه منه صار
نوف حضنت الهنوف : اهدي
فضه : ي قلب اختك تتسهل والله ماتدرين وش بيصير
الهنوف : الله ياخذه  ان كانه جاء و عفس حياتي
.
.
.
ام سلطان: مشاءالله اجل يبي لنا نتجهز للعرس من الحين
صقر : تحمستي يمه
ابو سلطان : صادق ولدك خليهم يكتبون الكتاب اول بعدين الساعه صارت ٨ وين اخوك
لين : مادري عنه يبه قام ماقل لاحد شي
صقر : هاذا هو جاء لو طاري لنا مليون ابرك
ابو سلطان اعطى صقر نظره
صقر : امزح امزح
سلطان باس راس ابوه : يبه ابي اتزوج
صقر ضحك
ام سلطان بفرح : ذي الساعه المباركه يا يمه
ابو سلطان : الناس تسلم بالاول
لين : الله وناسه من من بتتزوج
سلطان: السلام عليكم
صقر : بعد ويش
ام سلطان: من سعيدة الحظ
صقر : قصدك تعيسه ؟
ابو سلطان : تسكت ولا اقوم بالعصا
صقر : بسكت
لين تضحك : اي اسكت
سلطان: ابي الهنوف
ابو سلطان استغرب : اختار غيرها البنت انخطبت
ام سلطان : تبي نوف
صقر شرف بالقهوة
لين : صحه صحه
سلطان: لا ابي الهنوف لسه مانخطبت توها
ابو سلطان: لا تفشلني و البنت اعطينها ل غيث
سلطان: اخر كلام ؟
ابو سلطان: اي
سلطان تركهم و دخل غرفته
ابو سلطان: ولدك ذا مو صاحي مصر على البنت
صقر : يبه يمكن يحبها
ابو سلطان: حبك برص وش ذا الكلام
لين ضحكت
ام سلطان: ي عبدالله ترا الحب مو حرام
ابو سلطان : انا اقول عن الكلام الفاضي يلا يلا كل واحد ينام اخلصو
الكل باصوات متفاوتة ابشر
سلطان يدور شبكه يتصل على معن
سلطان : اخيراً ضبط الو
معن : هلا هاه بشر
سلطان: شفت قال فكر بغيرها البنت انخطبت الحين وش اسوي بتروح من يدي
معن : خلاص مالك الا الصبح تمسك ابوها و تقوله ابي بنتك انا اولى من غيث يمكن يفرح فيك و يوافق
سلطان : تهقى
معن : اي اي انت الحين ريح و بكرا من اصبح افلح
سلطان: تمام
.
.
.
بالصباح الباكر مع الاجواء الباردة
سلطان يجهز الفطور و القهوة وشاهي
ام سلطان استغربت : يمه وش مقعدك بدري
لين : اوه اوه الشمس من وين طالعه مسوي لنا الفطور
سلطان: شفت نفسي صاحي ماعندي شغل اخفف شوي عنكم انا اسويه (بينه بين نفسه ويني وين النوم)
لين : يارب كل يوم يصير ماعندك شغل
صقر : الفطور اليوم مرتب وش عندك لين صايره سنعه
لين تخصرت : لا ياشيخ انا سنعه كل يوم ذا سلطان الي مسويه
سلطان: نادو ابوي تعالو نفطر عن الكلام الزايد من صبح
.
.
.
ابو الهنوف : وين اختكم ماتجي تفطر
فضه : ماتبي تاكل
ام الهنوف : كل ذا عشانه ماخذنا رايها بزواج
نوف : مال شغل يايمه البنت لها حق
ابو الهنوف: لا تعصبون بي من صباح الله خير رضت ولا نرضت اعطيت الرجال كلمه مالي رجعه فيها
نوف : الله يهديك يبه
.
.
.
ابو سلطان: وش صار على الزواج ؟
سلطان : قلت الي عندي امس
ابو سلطان : استغفر الله
ام سلطان: يوليدي مايصير
صقر : استهدوا بالله نكمل الفطور ب هدوء
ابو سلطان: الدكان لو يتقفل مثل امس ماراح يصير خير و انت يا سلطان شيك على المزرعه و العمال
سلطان: اجل استئذن
ام سلطان : ما أكلت شي اجلس كمل اكلك
سلطان باس رسها : أكلت معليك ، لين تعالي شوي ابيك
صقر : طيب انا ؟ ماتبيني
لين : ابشر انت ليه ملقوف قال لين
جت لين : امرني ؟
سلطان: مايامر عليك شويات كذا روحي شوفي الوضع في بيت ابو الهنوف و علميني وش يصير معك
لين ابتسمت: ابشر
سلطان : كفو اختي تبشرين بالجنة
.
.
.
ابو الهنوف : ياهلا ب ولدي سلطان انا رايح للدكان تعال خاوني
سلطان : تم ياعمي ، مشاءالله ي عمي يقولون انخطبت  وحده من بناتك
ابو الهنوف: اي الحمدلله 
سلطان : ي عمي لو اطلب منك شي ما تردني 
ابو الهنوف: اذا اقدر عليه ابشر ياولدي
سلطان: انا ابي اخطب بنتك الهنوف
ابو الهنوف التفت له :  مالك عندنا نصيب الهنوف عطيتها ل غيث و مستحيل اعطي وحده من بناتي لك
سلطان استغرب : افا ياعمي ليه انت خابرني و خابر ابوي 
ابو الهنوف: كيف تبيني ازوج بنتي لواحد لا نسب ولا اعرف اهله مين وش يقولون عني اهل الديره بكرا رامي بنته ؟
سلطان الى الان مو مستوعب : ياعم انت وشقاعد تقول !!
ابو الهنوف : ابوك ماقالك ؟
سلطان: ي عم لا تجنني وش يقولي  ؟؟
ابو الهنوف : رح له ويقول لك
ثامر : ارحبو
ابو الهنوف: البقى
ثامر : اخبارك سلطان
سلطان: بخير
مشى سلطان فكره توديه وفكره تجيبه الحين وش يقصد ، يايبه جيت  وجابك الله
ابو سلطان: شفيك
سلطان: تعال نجلس بالدكان ابي اتكلم معك
وصلو الدكان
سلطان : صقر اطلع بكلم ابوي
صقر : لاحول تمام تمام
ابو سلطان: وش تنتظر انا اصب لنفسي القهوه؟
سلطان: ابد انا اصب لك خذ
ابو سلطان: وش عندك
سلطان قاله الي قاله ابو الهنوف
ابو سلطان تغيرت ملامحه قال بينه بين نفسه بعصبيه الله يصلحك يا محمد وش خبصت
سلطان: يبه اكلمك
ابو سلطان: يولدي ابيك تسمعني للنهائية اليوم من الأيام كنا طالعين البر انا وعمك ابو الهنوف وفجأة سمعت صوت طفل يبكي رحت على مكان الصوت لقيته مرمي على الارض انخرشت وناديت محمد اخذته وسميت عليه ووقتها صار لي فتره متزوج وربي مارزقني بالضنى اخذته معاي للديره قلت ل اعمامك وامك و علمتهم باللي صار وقلت لهم الولد ذا من اليوم ورايح بااربيه وتراه ولدي رفضو وبعد اصرار مني اقتنعو اما عن الديره انا كاذب عليهم اني متزوج ثنتين وهالولد من زوجتي الثانيه
سلطان منصدم : ذا الطفل اللي كنت تتكلم عليه انا !!!
ابو سلطان: تضايق بعد ماقاله السالفة هز برأسه (بمعنى ) ايي
مشى سلطان بدون  أي ردت فعل
ابو سلطان والشرار يقدح من عيونه وهو متجهه لدكان ابو الهنوف
ابو سلطان : تقلع يا ثامر من الدكان
ثامر : شفيك ياعمي اهدا لا يرتفع ضغطك
ابو سلطان: ثامر اطلع من الدكان دام النفس طيبه عليك
ثامر ماحب يتنقاش اكثر و طلع
ابو الهنوف: شفيك ي عبدالله
ابو سلطان: كيف تتجرأ تقول ل سلطان الكلام هاذا ؟؟؟
ابو الهنوف: والله كنت احسب انك قايل له
ابو سلطان : حتى لو اني قايلههه تقوم تقوله ما ازوج واحد لا اصل و فصل !!!
ابو الهنوف: اذكر الله يا عبدالله وحصل خير
ابو سلطان: أي خير أي خير ي محمد
ابو الهنوف حس زودها تقدم مسك كتف عبدالله :
حقك علي
ابو سلطان مارد عليه ترك دكانه و طلع
( بارت ١٣ باذن الله قريب 🤎 ) .