ما اشوفك الا قمر ساطع ولمعة نجم

البارت ١٥

الهنوف تفرك يدها بتوتر همست ل نوف : تتوقعين وش صار ليه تأخرو
نوف : إن شاءالله مافي الا كل خير انتي اهدي
اشواق : شفيكم تتهمسون
ترف نطت : اكيد تفكر بحبيب القلب كيف بنقذها
فضه : ابد مو وقتكم
لين : شفيكم متوترين كذا اهدو
.
.
.
صقر : زي ماتفقنا 
نايف : تمام معليك بس متاكد ماراح يصير لي شي
صقر : انت سو زي ما علمتك ماراح يصير لك شي صدقني
نايف : تمام يلا ندخل
.
ابو الهنوف: ماقصرت يا صقرر
صقر ابتسم :ماسوينا  الا واجب ي عم
سلطان سحب صقر : بشر
صقر : ابد كل شي تحت سيطرة يا عريس
معن ضحك : امحق عريس
الشيخ  اعطى الدفتر غيث وقع
الشيخ: ابي اسمع موافقه البنت
ابو الهنوف : تمام
الشيخ : الهنوف بنت محمد ال**** موافقه على غيث احمد ال******
الهنوف: اي
دخل ابو الهنوف وقعي يابنتي
الهنوف غمزت ل فضه تشتت ابوها
فضه : يبه تعال هناك دقيقة بس
ابو الهنوف: وش تبين
الهنوف غيرت الصفحه ابتسمت وقعت خذ يبه
البنات يزغرطون والكل قام يبارك
عند الرجال
الشيخ : مبروك يا سلطان
الكل استغرب من كلامه
غيث ضحك : ملخبط ياشيخ
سلطان يلعب مسبحته: لا مو ملخبط الله يبارك فيك
الشيخ اعطاهم الدفتر  عشان يتأكدون
ابو غيث بعصبيه : وش ذا المهزلة الي صاررت ؟
ابو سلطان منصدم
ابو الهنوف: كيف تسوي كذا انت ياشيخ ! انا ابوها ذا المفروض يكون زوجها
تقدم غيث : انت ماستحي على وجهك يا المخنز
سلطان : انتبه على ألفاظك عشان ماكمل على عينك الثانيه
صقر : يلا الحين توكل ماعندنا بنات لزواج
ابو سلطان بعصبيه : اص انت وياه
ابو غيث وغيث بعصبيه
ابو الهنوف تقدم : الحين تطلق الهنوف
تكتف سلطان: ماني مطلق لو تنطبق السماء على الارض
سلطان: انا جيتكم بطيب ابي الهنوف ماحد اعطني اياها و قلت اخذها بطريقتي
ابو سلطان : ذي طريقه تسويها فشلتنا
معن : انا اقول تعوذو من ابليس كل واحد يروح بيته لين تهدا الامور بعدها نتفاهم
ابو سلطان: قم ناد اختك و امك لا بارك الله فيكم 
صقر : ابشرر
.
.
.
صقر : من فيكم بالحوش ؟
نوف : وش بغيت ؟
صقر : اوه زوجتي هنا
نوف عقدت حواجبها: شكلك انجنيت
صقر ضحك: اذا انجنيت ف هو منك
نوف : لا اله الا الله
صقر : محمد رسول الله
نوف : اخلص علي وش بغيت
صقر : نادي امي و اختي بنمشي و ثامر بعد يبي اهله
نوف : طيب
صقر : انتبهي لنفسك نوفي
نوف : الله يثبتك بعقلك
(نوف دخلت نادتهم بعدها الكل اتجه ل بيته )
ام الهنوف: متى حددتو العرس
ابو الهنوف بعصبيه: أي عرس تتكلمين عنه ماتدرين وش صاير من مصيبه
فضه : يبه شفيك 
ابو الهنوف: سلطان هو اليي صار للهنوف
نوف مثلة الصدمه : كيف كذا
ابو الهنوف قال لهم السالفة كامله
ام الهنوف : انت اهدا سلطان يا محمد رجال ونعم فيه انت خابره و عارف هو مين رح الحين شاور الهنوف اذا ماتبيه خلاص يطلقها تروح ل غيث
نوف : اي يبه كلام امي صح
ابو الهنوف: انتي مالك دخل
فضه ضحكت : اي اجلد يا الوالد ولا تبالي
ابو الهنوف: طسي انتي وياها نادو لي الهنوف
فضه : ابشر امشي انادي الهنوف ونلم جبهتنا
.
.
.
ابو سلطان : انت ماتستحي  فشلتني عند رفيقي و عند الناس
صقر : يايبه اهد
ابو سلطان: وين اهدى  انتم عيالي  ، انت بدال ماتفهمه انه غلط تقوم تساعده !!!!
ام سلطان: تعوذ من إبليس يا عبدالله
سلطان: جيتكم بالطيب محد فهم ! وش اسوي اخليها تضيع من يدي لا والله
صقر يهمس ل سلطان يعتذر يهدي الموضوع
سلطان تقدم باس راسه : ذي بوسه على الراس نعتذر يالغالي و حقك علي
ابو سلطان : افرض البنت ماتبيك
سلطان طلع مسبحته : البنت تبيني
ام سلطان: اصلا الف بنت تتمنى ولدي
لين بضحك : امحق ثقه ياسلطان
صقر : انا مافي الف بنت ؟
ابو سلطان دق بالعصاته بالارض : يلا تأخر الوقت كل واحد على غرفته
.
.
.
الهنوف تربط شعرها :
لالا ما تفهمون الحب ما تفهمونه
لالا فوق الخيال وعنكم الله سترها
لالا لا صرت أنا محروم لا تحرمونه
لالا خلوا هبايب نجد تنثر شعرها
لالا أجي وأروح بنظرة من عيونه
لالا ولين أظلمت دنياي نوره غمرها
فضه : مشاءالله الاخت مروقه تغني وحنا معفوسين تحت مع ابوي
نوف : ابوي تحت يبيك
الهنوف بابتسامة : بنزل شفيكم ريلاكس حبايبي
نوف : ي برودك 
نزلت
الهنوف: سم يبه
ابو الهنوف: سم الله عدوك تعالي اجلسي
الهنوف: تمام
ابو الهنوف : اليوم وقعتي على سلطان مو غيث
الهنوف : كيف يبه مو غيث
ابو الهنوف : الزبده مالك بعوار الراس تبين سلطان ؟
الهنوف طايره من الفرح : ابد يبه اذا انت موافق انا موافقه
ام الهنوف: اجل على بركة الله
ابو الهنوف: يلا روحي نامي بكرا نشوف الوضع
الهنوف جت تركض للبنات
نوف : شوي شوي لا تطيحين
فضه : اثقلي الحمد لله وشكر
الهنوف سحبت فضه : يلا نرقص
نوف : انهبلتي شوفي الساعه كم
فضه بضحك : وناسه الزواج يسوي كذا ، اجل حتى انا ابي
نوف : جت الثانيه يلا يلا نامو انا اقول
الهنوف: انتي قاتله للمتعة
.
.
.
لين تمشي بهدوء دقت الباب
سلطان: ادخلي
لين ضحكت : كيف عرفت انها انا
سلطان: اعرف بس وش جابك الحين فيك شي
لين : لا لا بس مسويه اكل اكيد جوعان
سلطان :اي والله
لين : قم ، انا بروح ل صقر
اتجهت ل صقر
دخلت على طول
صقر : اعوذ بالله ليه ماتدقين الباب
لين : اخلص تعال اكل معنا
صقر : الله اكل تقدم باس خدها
طلعو
صقر : مشاءالله اخوك المشفوح بدا ما ينتظر احد
لين دفته : اص اقصر صوتك
سلطان: لا تخاف بتاكل اجلسو
لين : سلطان متى ناوي تخلي العرس
سلطان رفع كتوفه بمعنى مادري ، مادري على كيفها
صقر ضحك : خروف اثقل ، وانت عط كلمه
سلطان: صقر والله ان قمت
لين : اص اص مو وقت هواشكم الحين ، خواني عزوتي
صقر : وش طلبك بدون مقدمات هاتيه و انا داري الاكل ذا مو لله
لين : قومو ناخذ فره بالسياره
سلطان : قدام
صقر : لا شوفو الوقت
لين حضنت سلطان: كيفك اقعد اجل
صقر حك راسه : خلاص لا بجي معكم
لين : بجيب عباتي
بعد دقيقتين كلهم بالسياره
سلطان: وين الوجهه
لين : خذ فينا فره بعيد عن الديره
صقر : شغل شي نسمعه بعدين ليه انا قاعده قدام  ماتستحين يالين
لين : خلاص ياماما ازعجتنا
صقر : عشتي الدور اشوفك؟
سلطان: تسكتون ولا ارجعكم ؟
لين : خلاص نسكت
سلطان شغل المسجل صادفتهم اغنيه ابو نايف
كلهم اندمجو ويغنون معه
خبروه إني على وصله حـييت
و إن تفارقنا ترى موتـــي دنا
لـي حبيب يوم روّح ما سليت
يعلم الله تو ما ذقت الــعنا
عبرتي هليتها حزن و بكيت
يا ردى عمر الحسوفه ما جنا
ذقت من دنيا حبيبي وما إرتويت
سلطان : اي والله اني على وصله حييت
صقر : وان تفارقنا موتي دنا
لين : الله الاجواء حلوه و صوت ابو نايف
صقر : كملت صدق
سلطان توه ينتبه : حسبي على بلبسكم اندمجت معكم
مسكنا خط الرياض
صقر ضحك : مافي مشكله عادي نصلي الفجر هناك و نفطر و نرجع
لين : ابوي وش نقوله غبي انت
صقر تكتف : سهله تعبت لين طرنا فيها المستشفى منها ترتاحين ماتسوين غداء و منها انا و سلطان ننام لين الظهر
سلطان: ماودي اكذب بس يلا هي خربانة خربانة اتصل شف 
صقر :  رد رد
ابو سلطان: وينكم يالسربيت ماخذين معكم لين بعد
سلطان: دايم تتسرع طال عمرك لين طاحت علينا تعبانه ودينها المستشفى
ابو سلطان : وشو وش فيها انتم للحين هناك نجيكم
سلطان: مافي شي شوي سخونه اذا خلص المغذي بنجي
ابو سلطان: تمام شوي شوي بالطريق
سلطان: ابشر
صقر : كفو سلطلط
سلطان: لاعاد تدلعني تكفى
لين ضحكت : لو الهنوف اوف بتموت على دلع
صقر : تشوفين ياختي ، بس مني انا  صار يع
بعد مرور الوقت وصلو سلطان و اخوانه
بدا اليوم هادي بدون أي احداث مهمه
(الظهر )
غيث : تفكر يايبه اني بخليه والله ماخليه يتهنى
ام غيث: ياولدي انا ادور لك غيرها بنات الديره واجد
ابو غيث : انا اقول اعقل لا تسوي شي تندم عليه طول عمرك
غيث : اي اي يصير خير
تركهم و طلع
.
.
.
بالدكان ابو الهنوف
دخل سلطان: السلام عليكم
ابو الهنوف: وعليكم السلام
سلطان : بنتكم موافقه علي يا عمي
ابو الهنوف: المفروض انا ارفضك مو بنتي
سلطان من داخله يارب صبرك : ياعم اكسر الشر ماصار الا كل خير
ابو الهنوف: والله عشان ابوك مابي اسوي مشاكل البنت موافقه
سلطان ابتسم : اجل على بركة الله و العرس ان شاء الله بعد ثلاث اسابيع
ابو الهنوف : على خير
طلع سلطان صادف معن
معن : جعل الابتسامه ماتختفي يالعريس
سلطان ضحك : ابد دامك معي ماراح تختفي
معن : ي كذاب
سلطان: انا اكذب
معن دق كتفه بضحك : اوف لا ابد ماتكذب
جاهم غيث مسرع مسك سلطان : انت منت ب رجال والله
سلطان دفه بقوه على الارض بصوت حاد : تخسي و تعقب انتبه لكلام
معن مسكه من لياقه ثوبه : تقلع من الديره لا ندفنك فيها
الناس بدت تتجمع عليهم
غيث طلع سلاحه طلق طلقه بالهواء وجه بعده على سلطان : تبي تموت انت
سلطان ضحك بوجهه : كأنك رجال سوها
معن ارتبك : غيث تعوذ من ابليس و نزل سلاحك
ابو الهنوف : لا اله الا الله
.
.
.
ابو سلطان: ها لين كيفك الحين
لين تمثيل: بخير
صقر : اليوم غداكم علي اجل
ام الهنوف: مايحتاج انا بسويه
صقر : لا والله ماتسوينه
دق الباب بقوهه الحق يا ابو سلطان على ولدك
.
(نعتذر على القطعة الطويلة بس عوضتكم ب ٣ بارتات ان شاء الله تعجبكم والبارت ١٦ بإذن الله قريب 🤎 .)
تعالو  انستا نسولف مع بعض وتعطوني رايكم بالرواية وايش تتوقعون يصير في احداث جايه
( _kj9 )