ما اشوفك الا قمر ساطع ولمعة نجم

البارت ١٤

( يوم جديد )
سلطان :  يلا نروح له
معن : نفطر اول 
سلطان : بفطرك انا بس امش نروح له اول
معن : لاحول صدق طيب رحنا وصلنا بعدين ؟
سلطان تكتف : ابد نجلس نتقهوى و نسوالف بعدها نرجع غبي انت؟
معن : اعوذ بالله وش قلنا عشان تعصب
سلطان : من سؤالك الغبي صحصح معي اليوم كتب الكتاب
ثامر : ارحبو
سلطان: كملت
معن : البقى
ثامر : شفيها مرتك منفسه
معن يضحك : عشانها شافت وجهكك
سلطان: ارفعو علومكم لا والله يصير شي مايعجبكم
معن : يلا نمشي وانت رح الدكان لا تتأخر
ثامر : بروح بروح انتم ما منكم فايدة
سلطان: على اساس ان انت منك  فايدة توكل توكل
.
.
.
الهنوف: يمه تعبت من نوف عيت تقوم
ام الهنوف : السهر ومايسوي كم مره اقول لكم عن السهر
فضه : خليها علي انا اقومها ، نوف نوف الحقي امي
نوف فزت : شفيها ؟؟؟
فضه ضحكت : عدلي شوشتك ، تقولك قومي
نوف : مريضه انتي فيه احد يصحي  كذا بغيتي توقفين قلبي
فضه : تعبنا وحنا نقومك ماينفع معك الا كذا
نوف : بردها لك ، شلون الهنوف ؟
فضه تضحك: احمر
نوف : ياشين السماجة
فضه : بخير مزاجها عال العال
نوف : شكلها واثقه ب سلطان بيلغي الخطبه
الهنوف : كيف ما اثق فيه اهه
فضه : اعوذ بالله من وين طلعتي
.
.
.
معن : الله يستر منك بس
سلطان: امش وانت ساكت
الموظف: السلام عليكم كيف اقدر اخدمكم
معن : وعليكم السلام نبي غيث
الموظف: ثالث  مكتب على اليسار
سلطان: تمام شكرا
معن : بطني يطلع اصوات
سلطان : استغفر الله جايب معي بزر ؟؟
معن : خلاص خلاص
غيث ابتسم : ياهلا ب سلطان الاخبار
سلطان: بخير
غيث: امروني كيف اقدر اخدمكم
سلطان : لا تملك على الهنوف
غيث عدل جلسة: نعم !
معن : زي ماسمعت
غيث ضحك : اقول توكل انت وياه
سلطان انفعل قام مسكه مع لياقة ثوبه : اسمع والله يا غيث ل اخلي امك تبكي عليك اذا ملكت عليها
معن : سلطان تعوذ من ابليس و بعد عنه
غيث دفه: اعلى مافي خيلك اركبه اطلع انت وياه من مكتبي
معن مسك سلطان
سلطان:العلم جاك ترا ماعندي شي اخسره
معن سحب سلطان: انا ماقلت لك لا تنفعل زي كذا
سلطان : شفته وش قال والله ماخليه والله
معن : تعوذ من إبليس لا تسوي شي تندم عليه
غيث: للحين ما طلعتو من المكان
معن : غيث اعويذ الله من شرك تقلع
غيث بابتسامته: يلا بروح اتجهز ل زوجتي
سلطان اتجهه له وبدأ يضربه بكل قوته
معن و الناس تجمعو يبعدونه
غيث : والله لا ارميك ب توقيف
معن : روح الله ياخذ روحك
سلطان صدره ينزل يصعد من العصبيه : اجل زوجتي
معن : لا اله الا الله اهدا هو يبي يستفزك امش معي
سلطان: ودني لبيت الهنوف
معن : صاحي انت ؟؟
سلطان: ان ما وديتني رحت انا
معن : الله يصبرني امش يلا
بعد دقايق وصلو
سلطان : خلك هنا لا تنزل
معن : انا بشوف اخرتها معك ل وين بتوصل
سلطان نزل اتجه يدق الباب
.
فضه : انا بفتح انا
الهنوف : روحي طيب كسر الباب علينا
فضه : مين
سلطان بصوت حاد : سلطان ابي اكلم الهنوف
فضه : سلطان انت مستوعب وش تقول
سلطان: اي مستوعب اخلصي قبل لا يشوفني احد
فضه راحت تركض : سلطان يبي يكلمك
نوف : وشهو ذا صاحي ؟.
الهنوف: ماجاء الا فيه شي ضروري
فضه : البسي عباتك روحي له قبل لا تجي امي
الهنوف: تمام تمام
نوف : انتي شجعيها بعد
الهنوف تعدلت بسرعه فتحت نص الباب : وش بغيت
سلطان : ابيك اليوم اذا جاء كتب الكتاب توقعين
الهنوف : يعني غيرت رايك فيني
سلطان : لا اسوي الي اقولك عليه
الهنوف بنبرة باكيه: تمام
دف الباب دخل مسك يدها ناظر بعيونها : لا اسمع النبره هاذي مره ثانيه ابيع الكل الا انتي ، انا في بالي خطه
الهنوف توترت من قربه و ناظرته
.
.
معن يراقب : لا لا ذا خربها دخل على  البنت
ام الهنوف عرفت سياره معن : وش عندك واقف هنا
معن توتر حاول يرفع صوته عشان سلطان يسمع : هلا ي خاله انتظر عمي ابو الهنوف
.
الهنوف: صوت امي سلطان صوت امي
سلطان : وش اسوي
الهنوف : ادخل ادخلل المجلس اقرب شي لك الحينن
سلطان يضحك : تمام
الهنوف ترجف: مايضحك ترا
سلطان يحط يده على فمه اتجه للمجلس
.
ام الهنوف : فيك تروح له ب دكان
معن : تمام
دخلت
معن : يارب سترك يارب
.
فضه : ذي طولت لايكون خطفها ؟
نوف : وش خطفه انتي غبيه
دخلت الهنوف ترجف : امي امي
نوف : لا يكون شافتك
فضه : رحنا فيها
ام الهنوف : ليه لابسه عباتك على وين ان شاء الله
نوف بارتباك: البقاله الزيت خلص
فضه : اي اي
ام الهنوف بعصبيه : ليه ماتكتبون اغراضكم مره وحده
نوف: نسينا
ام الهنوف : بدخل اريح شوي لين الغداء
الهنوف: اهه قلبي بنات بغيت اموت
نوف ضربتها : تستاهلين ذا الي يسوي شي غلط
فضه : طيب وش يبغى
الهنوف جلست تعلمهم وش صار
نوف بصدمه : مسك يدك !!
الهنوف هزت راسها ب اي
نوف : لا ذا مو من جده ترا مايحل لك
فضه : انتي لا تقتلين المتعة بعد كم ساعه بيصير حلالها
نوف : لا ياشيخه
الهنوف فزت نسيته نسيته
نوف : وش نسيتي بعد
الهنوف : سلطان محبوس بالمجلس
فضه ضحكت : روحي خليه يطلع
نوف : استغفر الله
الهنوف اتجهت للمجلس تقدر تطلع الحين
سلطان: ودي انعزل عن الكل واجلس بس اسمع صوتك
الهنوف : مو وقت غزل الحين
سلطان تقدم باس كف يدها : انتبهي لنفسك
الهنوف ذابت : وانت بعد
سلطان ضحك : اثقلي
الهنوف ضربت كتفه بخفه : يلا اطلع من مجلسنا
طلع
معن معصب : انت خبل  طيحت قلبي بالارض
سلطان يضحك : يارجال المغامره زينه
معن : اي اضحك ساعه هنا متصلب خايف من دخلت امها
سلطان بابتسامة : حصل خير
معن مسح على جبينه : الي يشوفك الحين مايقول انت الي قبل شوي
سلطان: المهم اسمع وش بنسوي فيهم
معن : الله يستر منك
سلطان : انا اعرف الشيخ الي بجي
معن : طيب ؟
سلطان: نخلي ثامر يروح له يقول كنسلنا عاد بطريقه ثامر بياخذ جوال الشيخ  بيتصل على ابو الهنوف ييقلد صوته ويقول صار لي ظرف ماقدر اجي وقتها
نفهم صقر يفزع يقول بجيب لكم واحد اعرفه وقتها حنا مفهمين  الشيخ وش بيسوي
معن : يا ساتررر
ضحك سلطان: الحين امش نفهم الشباب
.
.
.
(المغرب )
ام الهنوف: ضبطتو المجلس
فضه : اي يمه بس باقي البخور
نوف : وديته
ام الهنوف: كويس روحو شوفو اختكم قبل لا يجون
فضه: ابشري
الهنوف بفستانها الازرق الفاتح ، شعرها ويفي عطرها منتشر بالغرفه
نوف : يا مشاءالله يا الهنوف الله يحفظك
فضه : الله يعين سلطان
الهنوف بابتسامة على كلامهم : ساعدوني وش اختار مناكير
فضه : اختاري ذا يناسب
نوف : يانها بتجي عاصفه بعد شوي الله يستر
الهنوف ترجع شعرها على ورا : يصير الي يصير اهم شي ينكتب كتابي على سلطان مو غيث
فضه : بطلع استقبل البنات
ام سلطان: عقبال نوف و فضه
ام الهنوف: امين يارب
الهنوف دخلت عليهم
ام اشواق : يازينك يالهنوف الله يحيمك من العين
الهنوف : احرجتني يا خالتي
لين بضحك : شف من ينحرج
فضه تخصرت : اقول حدك على اختي انا بس اطقطق عليها انتم لا
.
.
.
المجلس الرجال الكل مجتمع
ابو الهنوف: هالله هالله عاد بنتي لا تزعلها
غيث يناظر ب سلطان يبتسم : ابد بنتك بعيوني
سلطان بهمس ل معن : جعل عيونه للعمى
معن : امسك نفسك
ابو سلطان يناظر ساعته : كأن الشيخ تأخر
ابو ثامر : انتظرو يمكن الحين يجي
سلطان يغمز ل صقر يتجهز
صقر يأشر بمعنى اوك
معن : اتصلت على ثامر وقفلت
.
.
.
ثامر :  السلام عليكم ياشيخ
الشيخ: وعليكم السلام
ثامر : بيت عمي ابو الهنوف ترا كنسلنا الملكه
الشيخ : ليه عسى خير
ثامر تورط : ابد النصيب ، يا شيخ جوالي طافي محتاج اتصل ضروري ممكن جوالك
الشيخ ابتسم : خذ لا تطول
ثامر بعد شوي عنه يكتب الرقم : بسم الله نتصل
.
أبو الهنوف: هذا هو يتصل الشيخ ، الو وينك ياشيخ تأخرت علينا
ثامر جاته الضحكه بوقت غلط مسك نفسه : اعذروني ماقدر اجي
ابو الهنوف استغرب نبرة صوته : شفيه صوتك تعبان تبي العيال يودونك المستشفى
ثامر : اي شوي تعيبين لا مايحتاج المستشفى ، يلا فمان الله
قفل ثامر وانفجر ضحك
الشيخ: شفيك ياولدي ؟
ثامر : مافيني شي
.
ابو الهنوف: الشيخ ماهو جاي تعبان
غيث : الله يهديه ماتكلم من بدري
ابو سلطان: كل تأخيره فيها خيره يا جماعه
صقر فز : ليه نتأخر انا اعرف الشيخ قريب
ابو غيث ابتسم : الله يسعدك اجل قم جبه
صقر بابتسامة: ابشر