للقدر دائمًا رأي أخر " قصة"

بوست توضيحي

بوست توضيحي لبعض الامور

اولا للقدر دائما راي اخر زي ما قولنا قصه حقيقيه ... صحيح فيها بعض من خيالي ككاتبه لكن فكرتها وبعض الاحداث حدثت في الواقع ... بالنسبه للي حصل لعيسى ... وانه بيتعاقب بصعوبه وهو معملش حاجه وانه القانون مش بيعاقب على النيه او انه حرام يحصل فيه كل ده ... واني ظلمته  هرجع افكركم انها قصه حقيقيه
وافكركم كمان بقوله تعالى
((هَلْ يَنظُرُونَ إِلَّا أَن تَأْتِيَهُمُ الْمَلَائِكَةُ أَوْ يَأْتِيَ أَمْرُ رَبِّكَ ۚ كَذَٰلِكَ فَعَلَ الَّذِينَ مِن قَبْلِهِمْ ۚ وَمَا ظَلَمَهُمُ اللَّهُ وَلَٰكِن كَانُوا أَنفُسَهُمْ يَظْلِمُونَ (33)))
انا معنديش مانع ابدا في الكلام ده ... لكن لو مكنش عمر لحق نادين كان ايه اللي هيحصل؟!
طيب خلوني اوضح لكم حاجه مهمه جدا
في القانون في حالتين بيعاقب عليها الشخص
الاغتصاب وهتك الغرض
الاغتصاب يعني ممراسه الجنس مع الفتاه رغمًا عنها وده بيكون بعد اختطاف او اي ان كانت الظروف ... وهنا القانون بيحاكم الجاني اذا ثبت عليه الفعل ... بعقوبه من ٧ سنوات الي ١٥ سنه ... او الاشغال الشاقه المؤقته  اللي هي بتكون ١٥ سنه .. واحيانا ممكن توصل المؤبد  الدائم ٢٥ سنه .. وده لما ينتج عنه من اضرار جسديه ونفسيه وانه كمان ممكن ينتج عنه حمل وتقليل فرص  الزواج للبنت او لو كانت زوجه بتهديد حياتها الزوجيه المستقرة
طيب وهتك العرض ده اللي بنقول عليه بالبلدي كده التحرش ... يعني اللمسات او محاولة الاغتصاب التي لا تكتمل حتى لو حدث ذلك بكامل الملابس ... ودي كمان بتكون عقوبتها من ٣ سنوات الي ٧ سنوات وقد تصل  ١٥ سنه اي الأشغال الشاقه المؤقته
حاله نادين تندرج تحت البند ده ... صحيح هو معملش كده بس لو مكنش عمر لحقها كان حصل اللي اصعب من كده عيسى مريض ... ومؤذي بشكل كبير ... وده بان حتى في كلامه مع نفسه في الحجز انه صحيح كان ناوي يعمل كده فيها بس متخيلش انه هيتعاقب .
لو كل واحد زي عيسى اتعاقب احنا هنبقا في امان وبناتنا كمان ... الناس المريضه بالشكل ده مكانها مش وسطنا ... وخطر علينا وعلى  بناتنا
وده جزء من النص القانوني
(( كل من هتك عرض انسان بالقوة أو بالتهديد أو شرع فى ذلك يعاقب بالأشغال الشاقة من ثلاث سنين الى سبع . واذا كان عمر من وقعت عليه الجريمة المذكورة لم يبلغ ست عشرة سنة كاملة أو كان مرتكبها ممن نص عنهم فى الفقرة الثانية ( من أصول المجني عليه أو من المتولين تربيته أو ملاحظته أو ممن لهم سلطة عليه أو كان خادماً بالأجر عنده أو عند من تقدم ذكرهم، أو تعدد الفاعلون للجريمة) تكون العقوبة السجن المشدد مدة لا تقل عن سبع سنوات، وإذا اجتمع هذان الظرفان معاً يُحكم بالسجن المؤبد ))
اتمنى اكون وضحت الفكره بالنسبه ليكم ... ووصلت المعلومة
وفي نهايه كلامي احب اقول ياريت مننساش ان عيسى تم تحويله للكشف الطبي على سلامه قواه العقليه ... و ان لسه لقصته بقيه ... ارجوا انكم بس تصبروا
خلاص احنى في نهايه القصه ... وبجد سعيدة جدا بمناقشتكم في احداث القصه وكامل احترامي لكل كومنت ناقش الاحداث