MELODY OF A AUTUMN PEONY💮🍁🍁

-හිරෝශිමාවට මල් පිපුන වගයි-

සුභම සුභ උපන්දිනයක් වේවා මගෙ රත්තරන්ට......

මම ඒ " කැත " අකුරු දිහා දැන් සියපාරකට වඩා බලන් උන්නා.....

අකුරු කැත උනත්.....ඒ අකුරු අස්සෙ තිබුන ප්‍රාර්තනාව ආදරනීයයි......

ඉතින් මොකටද අකුරු ගැන හිතන්නෙ....

මුතු කැට වගෙ අකුරු තිබුනත්....ලියවෙන්නෙ වස් කවියක් උනෝතින් .......

වැඩක් තියේවිද.......????

මං ඒ අකුරු උඩට හාදුවක් තිබ්බා........

මේ ලෝකෙ ඕනම කපටි වැඩක් දන්නවා උනත්.....රෝමාන්තික පුදුම කිරිලි අතින් කවදාවත් සාර්තක නොවුන මගෙ සංධීර් මහ රෑ දොලහට එලියට ගන්න බලාගන  මගෙ කොට්ටෙ යටින් තියන්න ගියපු කාර්ඩ් එක එක නිසා මං ඇහැරුනා.....එයාගෙ  අත උඩ නිදා ගන්න මාව කොට්ටෙට එලවපු එයා හොරෙන් හොරෙන් කාමරේකට දුවන හැටි  මම නොතේරුනා වගෙ බලන් උන්නා......

බැලුම් පැකට් එකක් උස්සන් ගිහින් අන්දකාරෙකට වෙලා පුම්බ පුම්බ බිම දානකොට සමහරක් ඒවා පිපුරුන හැටි ....වෙනදටත් කලින් මාව නිදිකරවන්න දගලපු හැටි මේ ඔක්කොම දේවල් මම තේරුනා උනත් නොතේරුනා වගේ උන්නා...........

පව්...........

මට හිතුනෙ එච්චරයි ...ජීවිතේ කිසිම දවසක කාවවත් සප්‍රයිස් නොකරපු...බොලද වැඩ නොකරපු එයා මං වෙනුවෙන් කරගන්න බැරි හොර වැඩ කරනකොට මට පව් කියලා හිතුනා......

පුම්බපු බැලුම් ඔක්කෝම ඇද උඩට දාලා....පොඩි උනත් හරි හුරුබුහුටි කේක්  කේක් එකක් උඩ විසි පහේ ඉටිපන්දම් දෙක ගහන් උන්න එයා එකොලහයි පනස් පහේ ඉදන් ඔරලෝදිහා බලන්  ඉදල එකොලහයි පනස් නවයයි කියන ගමන් මුමුන මුමුන ඉටිපන්දම් අවුලන හැටි මම බලන් උන්නා..............

මම දැක්කා..එයා කියන කරන හැමදේම මම දැක්කා.....අනේ ඉතින් මං ඒ සතුට නැති කරන්නෙ කොහොමද ......වෙන මිනිස්සු සප්‍රා.....යිස් කියලා ගිරියෙන් කැෑ ගැහුවට මගෙ සංධීර් කෙරුවෙ හොරට නිදාගන උන්න මාව ඇහැරවලා කනට නෑහෙන ගානට සප්‍රයිස් කියපු එක වෙනකොට හිත රිදවන්න බැරි කමට මාත් එයාගෙ සප්‍රයිස් එකට හයියෙන් කෑ ගැහුවා...අත් දෙකෙම්ම කටවහන් පුදුම උනා.....අර ටීවි වල වගේ එයාගෙ ඇගේ එල්ලුනා.............