حورية الحاكم

part:9

#حــــوريــة الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :9

تسمعو دقات فالباب ديال الغرفة ناض كيتمختر بمشيتو الرجولية كيهز كتف ويحط لاخر بخطوات بطيئة وكيلعب بداك الخنجر فيدو حل الباب وبان قدامو عصام مهزش عيونو فيه ونطق :سيدي البلدة المجاورة ديال الحاكم راشد واحد من السكان ديالها دابز مع واحد من ديالنا وناضت بين ناس البلدة ديالنا وديالهوم وهما دابا فالحدود كااملين

تحرك من حداه راجع فحالو وهو سد الباب وغادي طالع لبيتو وداك الخنجر باقي بين صباعو ...

دخل دوش ولبس كوستار ديالو وهز فردي ديالو وتحرك خارج من بيتو ..

فالحدود كانوا آلاف الناس كيتخاصمو كانوا ناس بلدة اركان وناس البلدة المجاورة ..

جا حاكمهم فوق عاودو ونزل كان لابس جلابة تقليدية حازمها بحزام فيه خنجر و لابس بلغة ومقرع شعرو بقاو كاملين كيتسناو اركان لي ديما جاي فالوقت لي بغا هو وعمر شي واحد حدد وقتو ايما غيجي ...

عند اركان لي ركب فاللوطو ديالو وتحرك بجهد حتى تحكو الروايض مع الارض وتبعوه ربعة ديال الطوموبيلات عامرين ب ليݣارد بنفس السرعة ...

بضع دقاائق وكان فالحدود ليكايفرقو بين بلدتو والبلدة المجاورة .
كانوا كيتغاوتو ويتعايرو غير شافوه سكتو وتشتتو وكولا رجع للحد ديالو ..

نزل من اللوطو وعيونو السودا كتفحص المكان بدقة عالية ...
بالزربة وفرمشة عين كلهم فسحو ليه الطريق وهو غادي كيتمختر بواحد الطغااوة والثقة فالنفس هيبتو هي لي كتكلم دابا ..
وقف فواحد المنصة جات عالية شوية على الناس وراشد حتى هو وقف فالمنصة لي مقابلة ليها فالحد ديالو هز زاحد البوق فالابيض ونطق :محاكمش ناسك مزيان السي الحااكم واقلة هادشي بسباب شخصيتك العصرية .

بقا اركان واقف كيشوف فيه بنظرات مبهمة وباردة نوعا ما حتى جاب ليه واحد الݣارد الميكرو خداه من عندو وبقا ساكت شوية ودوا ببرودة عكس راشد :

"كيديروا هادشي حيت انا لي وصيتهم ليجبدهوم يجبدوا ليه عينيه ماشي يسكتوا ليه شد بهايمك وماطلقهومش يرعاو عندي حيت مكنضايفوش الحيوانات "

كولشي بدا كايضحك ناس بلدة اركان وبلدة راشد ...
راشد مرضاش حط بوقو ونزل من المنصة ...

جا الݣارد خدا من عند اركان الميكرو ونزل اركان بهيبتو المعتادة قاصد اللوطو ديالو ..
وقبل مايمشي نطق :تشتتو لي عندو شي خدمة يمشي يقضيها ناس بلدتو كاملين تفرقوا كولا قاصد خدمتو ..
ركب فطونوبيلتو ومشا بسرعة خيالية خلا غي العجاج وراه وتبعوه لي ݣارد ديالو بنفس السرعة ...

بقا راشد متبع ليه العين حتى مشا وركب فوق عاودو راجع فحالو...

يتبع🥂