حورية الحاكم

part:15

#حــــوريــة  الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :15

ناضت غسلات وجهها وخرجات متوجهة للمطبخ حيت هي لي كتسيرو وبلا بيها كيتخربق و باقي تابعينها شلا شغاال حتى طاحت عيونها السودا فعيونو الزرقاا تبلوكات فبلاصتها شحال مشافتو ديما كيتفاداهاا كانت كتسناه يجي عندها كيف ديما ويهضر معاها ويسول فيها ويضحك معاها ولكن شافها وحنا راسو ودخل مع الممر ديال الخدم باش يدخل لبيتو ...

نزلوا دموعها داكشي لي شحال خباتو انفاجر دابا وولات كتبكي بصوت شبه مرتافع وهو ورا الحيط كيسمع ليها وقلبو كيتقطع عليها وعلى دموعها حدر راسو ومشا باش ميضعافش قدام دموعها ويمشي عندها هو تأكد بلي كتبغيه ولكن مبغاش يخاطر بحياتها هو مستاعد يغامر بحياتو يموت على قبلها ولكن الحاجز هو هي دخل البيتو حيد حوايجو وتكا حيت هاد الوقيتة كيدخل يرتاح حيت اركان كيكون فالخدمة دابا وهو كيخدم غير اركان بوحدو  وهو لي كيآمر الخدم لاخرين ...

تكا وبقا كيفكر فحل لقا الحل الوحيد هو يحاول ينساها وغمض عيونو كيحاول ينعس ..

جالسة فوق البيرو وعيونها الزرقاا الجوهرية كتتفحص الملف لي قدامها وبشوية بشوية ابتسامتها  كتوسع وعلى اثر هاد الاخيرة شوية التجاعيد ضهرو جناب عويناتها  حيث صافي تقبلو ليها جميع  العقود لي دارت كاملين مع الشركاء دياولها هزات الفيكس بيديداتها ودارت رجل على رجل وبانت فصالتها الرشيقة حتى اتسمع صوت من الفيكس : الوو ..!

ضحكات ودوات بطريقة راقية وموزونة : الوو.. ولدي كيف راك ..؟

اركان : بيخير الوليدة ونتي ..!

وقفات من البيرو ومشات بخطواة موزونة غير صوت طالونها لي كيتسمع فالارجاء ووقفات قدام الشرفة ونطقات : راني بيخير عليا خاصني غا نتا نشوفك ونسقي عويناتي لي دبلو بكثرت الخدمة والله مانيش نحك راسي ...

اركان : وعلاه لالة نزهة بغات تصنط ليا راسك قاصح مابغيتيش تفرقي على ديك الخدمة ...

لالة نزهة : خلاها ليا بابا امانة وخصني نوفي بالوعد وشركتوو فوق كتافي حتى لنهار يدي مول الامانة امانتو اولدي.

اركان : بطولة العمر الوليدة

لالة نزهة : آمين اولدي... غنزل للمغرب السيمانة الجااية ان شاء الله ...

اركان : ان شاء الله الوليدة ...نخليك عندي الخدمة حتى نتلاقاو

لالة نزهة: اوكي بسلامة..!

فصلات الخط...

يتبع🥂