العرافـة:اييه نعام اسيدي ...غير توقف حدايا وراني نعرفها
اركان :اوكي..صافي
دخل اركان ومعاه اوكتاڤيا ومشات عنقات اركان لي بقا كيشوف مال هادي ضارت وهي تلقا ديك المراة بقات كتشوفيها وتبسمات ليها ...
اركان موجه كلامو لعصام :ديها ليها
شدها عصام من دراعها وداها وقفها قدام ديك المرأة ... مدات ليها ديك المرأة يديها وهز عصام يد اوكتاڤيا وحطها فيدها ... دوزات ابهامها فوق عروق اوكتاڤيا وحنحنات مصفية حلقها ونطقات: " سمعو وفتحو ودنيكم، هادي ماهي انس ماهي جان، هي حورية من قاع البحر خارجة، دموعها لؤلؤ ، وريقها مرجان،صوتها سنفونية، شعرها خيوط دهب حر، باها حاكم سبعة البحور ، عطيها من الحكمة والقوة لي يخليها تميز الغالط ولي على صواب من الشوفة لعين الضالم يجي راكع عند رجليها طالب الصفح والعفو ، والمضلوم ايجي بين يديها طالب العدالة والنصافة. "
هدا مكان امولاي
اركان تأكد وتيقن بلي هي ماشي من الانس حيت كااع داكشي لي شاف اكداتو ليه هاد العرافـة شاف فاوكتاڤيا وعاود شافيها ونطق: وهي دابا علاش انسان فحالنا ..؟!
العرافـة : سمع ابني تحط رجليها فالبحور ترجع لاصلها تخرج منو ترجع انس برجليها ...
اركان : واخا صافي يمكن تخرجي عصام ايتكلف بخلاصك
خرجها عصام ومشا معاها حتى الباب وخلصها ورجع فطريقو جات عندو نورية وشدات فدراعو ونطقات بفرحة عارمة : عصام قالت ليك خالتي نزهة جي خطبني من دارنا
عصام : اه يالحبيبة داكشي لي فكرت فيه ولكن فين نخطبك
نورية : من عند خالتي نزهة ...اه ونسيت ماقلت ليك قالتلي بلي نولي نخدمها غير بوحدها باش تقلال عندي الخدمة
عصام :وباش يولي وقتك كاملو ليا
نورية بحشمة لي خلات حنيكاتها يتوردو : ان شااء الله مهم امتا تجي تخطبني...؟!
يتبع🥂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
