حورية الحاكم

part:35

#حــــوريــة  الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :35

عجبها راسها بزاف وبقات كضحك غير بوحدها ...
خدمات لالة نزهة السوشوار وبقات كتشوف فيه بانبهار ودهشة كبيرة بانت من خلال ملامحها لي تبدلو كتحاول تستكشف شنو هذا ...

خدات لالة نزهة خصلات من شعرها كتنشفهوم ليها برفق وحناان كبيرحتى نطقات قاطعا داك الجو لي مليئ بالصمت بعدما طفات السوشوار وكضفر ليهاا شعرها : تبغي تكوني بنتي انا من ديما الحلم ديالي تكون عندي بنيتة حيت قبل مايموت نور الدين لي هو الاب ديال اركان كنا ناويين نزيدوا شي بنيتة ولكن مكتبش الله  ...

عرفاتها مغتجاوبهاش ولكن عرفاتها كتفهمها حيت فاش كتكون كدوي بحزن كتعنقها وكتبوسها ...

لالة نزهة : نوضي نعسو مشا الحاال ...

نوضاتها وتكاو فالنموسية وغطاتها مزيان ونعسو ...

نمشيو عند نورية لي فرحاانة بعدما عصام عتارف ليها ولكن باقي خوفانة من انه شي واحد يعرفهم ويكشف علاقتهم قداام اركان لي مافقلبو لا رحمة لا شفقة غافلة على العيون الحقودة والغيورة  لي مراقباها وهي واقفة بجنب النافورة من بعد مامشا عصام ...

مشات لبيتها وسلتات الكاپ لي كانت لابسة وطلقات شعرها الاسود القوي لي فيه واحد اللمعان قوي طلقاتو وضرب ليها فظهرها مشطاتو ودهنات ليه زيت الخرواع وتكات غاارقة فبحر احلامها  ...

عند اركان لي باقي جالس خدام ...
حط الماك بوك ديالو وناض تكاا ففراشو وغمض عيونو مستسلم للنووم ...

صبح صباح جديد لي مراافقينوا احدااث جديدة

فاقت اوكتاڤيا وناضت كتجري باش تمشي عند اركان ناضت وخرجات كتسلت على قرون صبيعاتها الصغيورين  حتى وصلات بيتو وحلاتو ودخلات لقاتو ناعس على كرشو باقي غير شوية فالناموسية لي خاوي مشات تخشات فيه ...
نعاسو خفيف دغيا حس عليها وفاق حل عيونو لقا شي حاجة مخشية تحت الغطا هز الغطاا لقاها كتبلق فيه عويناتها وكضحك زفر بغيض ورجع غطاها ورجع نعس ...

يتبع🥂