حورية الحاكم

part:11

#حــــوريــة  الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :11

بقاا شحال كيشوف فيها وكيقرا تعابير وجهها ونطق : اوكي وجدوليا الطبلة فالجردة ..
ونتي (كيقصد نورية ) دخلي عندها ونظفيها

نورية:امرك سيد الحاكم ...

بداو الاشغال فالمطبخ وكل وحدة فيهم باش مكلفة وشنو كتوجد ...

ناعسة فالارض و فمها كيترعد بالبرد و عينيها كيتسدوو بقوة النعاس وكرشها كتغوت بالجووع لي فيها حتى سمعات الباب تحل مشاافتش جيهتو ولفاتو هو لي كيدخل عندها اصلا طاقتها وجهدها ضعيف حتى سمعات صوت انثوي وعرفاتو ديالمن بلاما ضور حيت ذكية وذاكرتها قوية اي حاجة سمعاتها كتخزنها فدهنها ...

نورية : السلام انا عارفاك كتسمعيني ...

هزات فيها راسها وتبسمات كترتاح ليها من نهار بغات تدوش بوحدها وتفهماتها وهي كتعامل معاها زوين على الاخرين .
شداتها نورية من يدها ونوضاتها :اجي معايا دوشي

سمعات دوشي وتفكرات نهار قاتليها ندوش ليك وعرفات ندوش ليك هي تغسل بالماء ونطقات بخفوت سمعاتو نورية : ندوش..ندوش

تبسمات نورية حيت فهماتها وعرفاتها ذكية : ندوش ليك ولا دوشي بوحدك ..؟

مفهماتهاش غي تبسمات ليها.

خرجو من القبو وهو يبان ليها داك الحرس لي داير ماسك وتخبات ورا نورية
شافت نورية فين كتشوف وعرفاتها خافت ونطقات :متخافيش
وعاوداتها موراها :متخافيش ...متخافيش

ضحكات نورية على شقاوت هاد البنية ليحسباتها بنيتة صغيورة وكتعامل معاها بحال بنيتها صغيورة ...

طلعو من داك القبو ودخلو البيت لي كانوا فيه ديك النهار عرفاتو و دخلات تبعاتها نورية عطاتها الفوطات ونطقات بحنية : فوطات ونعتات ليها بسبابتها ليها وعاودات نطقاتها فووطاات
عاوداتها وراها : فوتات
نورية :فوطات
حتى نطقاتها مقادة عاد عطاتهوم ليها وخرجات  نورية ذكية ومرة وحدة كتفهم وكتعلم منها داكشي علاش اركان كيتعامل معاها وكيهضر معاها ...

خلاتها على راحتها كيف ديك النهار مبغاتش دووش ليها تا دابا خرجات بوحدها بلاما تقولها ليها وجلسات كتسناها الخارج بينما هي تخشات فالجاكوزي وتحولات لحورية وبقات كتلعب بالديل ديالها فلما حتى شبعات وناضت منو بقات خمسة الدقايق وهي ترجع عادية ومشات خدات دوك الفوطات حطاتهوم بزوج على راسها وخرجات عريانة .

نورية كيشافتها ضحكات عليها ونطقات : الله يابنيتي الله شيبتيني قبل منتزوج بعصام .

ونطقات وراها : عصام .. عصام

نورية : اويلي غا ضحكت معاك
ناضت عندها حيدات ليها الفوطات او دارت ليها وحدة فشعرها ووحدة فجسمها وبقات واقفة شحال كتشوف كيدارت ليها حتى عقلات مزيان عاد مسحاتليها الماء وهي متبعا معاها كيف كدير وكتعلم جلساتها فوق النموسية او حطات ليها واحد الكسيوة فالاحمر و كيلوط و سوفيطمة فالابيض وشافت فيها كتسناها تشوفها شنو غدير وهزات ديك السوڤيطمة بقات كتشوف فيها وكتشوف فداكشي لي لابسا نورية واسنتجات بلي هادي كتلبس الفوق شافت السميطات لي فكتاف نورية وشافت ديال السوڤيطمة وعرفات بلي كيكونو فالكتاف ولبساتها مقادا الا واحد الكتف مالبساتوش .

ضحكات نورية وتعجبات لهاد البنت الذكية تبارك لله سبحان من خلقها صايبات ليها داك الكتف ولبساتها الباقي ونشفات ليها شعرها جات كيووت باقي ليها غا الماكلة وترجع كيف كانت منورة كثر نزلو بزوج للجردة وجلساتها فواحد الكورسي وهي كولا مرة تعيط ليها بعصام شوهاتها ندماتها علاش قالتهاليها ...
بقات كتسناا اركان ومرة مرة تبسم ليها ...

حتى لمحاتو ناازل بأناقتو المعتادة جلس فالكورسي وعينو عليها نساحبات نورية وبقات غير هي وياه فالطبلة كيتسناها شنو غدير حطو الماكلة تحنات شماتها وخيبات سيفتها ورجعات قادات جلستها فالكورسي شافت اركان داير رجل على رجل بغات تدير فحالو هزات رجليها وهي تجي مشقلبة من فوق الكرسي..

يتبع🥂