حورية الحاكم

part:50

#حــــوريــة  الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :50

نورية :ان شاء الله اخالتي كلشي ايرجع كيف كان ونشاء الله ترجع الفرحة كيف ما تمنيتي ...

لالة نزهة :ان شاء الله داكشي لي بغيت ...نوضي قولي العصام يجي يخطبك من عندي باش ديرو الخطبة وتبعوها العرس ...

نورية :ههه واخا اخالتي

ناضت جمعات الوقفة وخرجات وقلبها كيرفرف قرب يطيح ليها حدا رجليها بالفرحة ...

اركان : قولي ساليت

اوكتاڤيا :شاليت

اركان : قولي سبسي

اوكتاڤيا :بشبي..بشيي...شبي...شبشي

صفقات بيدياتها الضغورين ونطقات : يااي..عرفت

اركان تفرشخ بالضحك وحتى هي ملي شافتو كيضحك جلسات كضحك بالجهد جمع ضحكتو ولقاها كضحك وسها فيها سحراتو ..بهراتو بفتنة جماالها ...

حس على راسو وهو يتقاد فالجلسة ودار يديه فجيبو بغا يجبد ݣارو وهو يسمع الدقان ...
تسمع الإذن...

ودخل عصام حاني راسو ونطق :سيد الحاكم لقينا شي حاجة جديدة على الموضوع لي كلفتيني بيه

اركان :سبقني للبيرو

انصرف عصام وناض اركان وهي تنوض معاه وشدات ليه فيدو ...

ولات كتفهم الهضرة مخصوش يديها معاه ...

شد فيها وبقا غادي بيها حتى وصل حدا بيت الخدم ونطق بصوت شبه مرتافع :نورية ...نورية ...!!

جات عندو كتجري حتى وصلات وحنات راسها ونطقات: نعام اسيد الحااكم

اركان :خليها معاك حتى نسيفط ليها وملي نسيفط تحضر عندي

نورية :امرك سيد الحاكم ...

مشات لسقات فيها ودار يديه فجيابو ومشا بخطوات متوازنة فاتجاه البيرو بشهامتو وطغياانو المعتااد ...

وصل حدا البيرو لقا عصام واقف كيتسناه دخل اركان وتبعو ...

اركان :شنو كاين

عصام : سيدي كاينة واحد العرافة عمية غتقدر تفك لغزها وتعرف حقيقتها وتعرف اصلها اسيدي

اركان : امممم...وفين هي هاد العرافة

عصام :خارج القصر اسيدي ميمكنش ندخلها حتى ناخد اذنك 

اركان :اه جيبها

عصام :واخا اسيدي امرك

خرج عصام من عندو خلاه غارق فافكارو حتى الى كانت شي حاجة من غير بنادم واش غيقدر يتفرق عليها ...؟!

هز كاس كان قدامو وزف بيه مع الحيط ونطق بنبرة حاادة :لااااا لاش كتفكر هااكااا شكوون هي كاااع تمشيييي هي ويجييي غييرهاااااا

بقا كيضور شاد راسو حتى تسمع الدقان مسح على وجهو بعنف ومشا جلس فالبيرو وعطا الاذن بالدخول...

دخل عصام ودخلات وراه  امراة كبييرة فالعمر بلباس بالي ودايرة عكاز متكية عليه وقفو بزوج قبالتو ونطق اركان :سير جيبها

عصام :امرك سيد الحاكم ...

يتبع🥂