حورية الحاكم

part:22

#حــــوريــة  الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :22

سبق رجلوو اليمنى ودوز يديه على شعروو مرجعو اللور يالاه ايخرج رجلو اليسرى حس بيديه اليمنى مشدودة زفر بغيض حيت عرفهاا مغتحييدهاش وغتبقا لاسقة فيه ...

بقاو غاديين بزوج وهي لاسقة فيه والموظفين كاملين كيخويو الطريق ومخلووعين حيت مكايجيش ديما ولكن نهار كيجي كيخرجها منهوم واحد بواحد لدرجة لي كان متهاون فخدمتو وقف عليها كيتفتف خايف يحصل ويتعااقب اشد العقاب وفين ماداز كيهبطو ليه راسهم كتحية كأنه ملك كيتجول وسط قصروو ..!

حتى دخلوو فواحد الممر لونو اسود وفيه ديكورات ذهبية حتى بان ليها واحد الباب زجاجي وكتباان منو الزنقة من الفوق سبقااتو كتجري مشافتش الزاج وهي تردخ معاه وبقات لاسقة فيه ...

مشا عندها حابس الضحكة جرها من يدها وحل البااب ودخلو...

شير ليها لوااحد الكرسي : جلسي تماا حتى نسالي الخدمة 

شافت فالكرسي ورجعات شاافت فيه وغووبشات وبقاات واقفة ..

اركاان : تحرركي ممساليش لييك

بقات وااقفة مامشاتش مسح على وجهوو بعنف ماباش يجندغ ملتهاا حيت كتبقاا فيه ..

شدها من يدها ومشا حطها فالكورسي لي مقاابل مع البيرو ديالو ومشا للبيرو ،حيد لاڤيست ديالو حطها ورا الكرسي وهي غير متبعا ليه العين بعويناتها الذهبية ...

جلس فالبيرو حتى تسمع الدقاان تسمع الإذن ودخلات واحد خيتي عوجة كي البرويطة : موسيو اركان عندك اجتماع من دابا 5 الدقايق ..
يتبع