#حــــوريــة الحـــاكـــم 🍷🥂
•حــوريـة رماتها موجات القدر بيـــن يدين حــاكم قــهَّــاار•
#مــروى منـصوري
Prt :58
غطاها اركان ودارها ورا ضهرو ونطق بأمر : خررج
خرج هداك الحرس كيحبو على يديه ورجليه ...
غطاها وناض تبعو...
خرج ووقف قدامو ونطق : وققف
وقف هداك الحرس ومتكي على الحيط ونطق: والله اسيدي مدر...
قاطعو مقفو بيديه ونطق : آااخر مرة يددخل عندهاا شي وااحد
الحرس : امرك سيد الحااكم
رجع دخل عندها لقاها نعسات جلس حداها وغطاها وبقا كيشوف فيها شحاال عاد ناض خرج وطلع لبيتو ...
عند نسيبة لي حطات العشا ديال الخدم وجلسات كتسول على شكون كيديهوم بالظبط والطبسيل فين غيطيح بالظبط....
نسيبة : حفيظة عطيني الطباسل نعطيهوم للخدم
حفيظة : حنان غتوصل كلشي
نسيبة : غير خليها بلاما تعدبيها ...
حنان : صافي هنيتيني اختي الله يحفظاااك
نسيبة : هانية اختي
مشات هزات الطبسيل ديال نورية وعصام ونطقات وهي كتحط فيهم فووق البوطاجير : نسبقو رؤساء الخدم بعدا ههه
حفيظة : عندك الحق
هزات طبسيلو دارت فيه عشبة وهزات طبسيل نورية دارت فيه عشبة وهزاتهوم بزوج خارجة بيهم حتى تلاقات مع نورية وعطاتها طبسيلها : هاكي طبسيلك كنت جايباه ليك لبيتك ...
نورية : ااه واخا شكرا
خداتو من عندها ومشات حطاتو فوق البوطاجير ومشات باش تشرب جات حفيظة كتكمل الحطان وهزات طبسيل نورية حطاتو وهزات طبسيل اخر حطاتو بلاسطو ونطقات بجهد باش تسمعها نورية : رااه بدلت ليك الطبسيل دارت ليك فيه الحرورونتي مكتحمليهش ...
نورية : واخا احفيظة لهلا يخطيك ديما مفكراني
حفيظة : وعلاه انا نقدر نساك ...
نورية : شكرا احبيبة
حفيظة : مبيناتناش
جات وهزات طبسيلها وداتو لبيتها تعشاا بينما نورية كدق فبيت عصام حتى خرج عندها يحساب ليه نورية غير لقاها وعقد غوباشتو ...
شادة البلاطو بيد وخصلة من شعرها فيد وفاتحة العباية من جيهت شعرها وضاربة تعكيرة حمراا وكدوي بتحلوين : سيدي عصام جبت ليك ليوم العشاا
عصام : اه واخا شكرا
مزال مجوباتوش دخل وسد الباب عقدات خباشتها ونطقات بتلاعب : ايوا بداا العد العكسي وتولي دياالي غير سد الباب ...
جمعات جلايلها ورجعات للمطبخ ومشات للبرمة تحط طبسيلها حتى قاطعاتها حفيظة : راهو طبسيلك فوق البوطاجير
نسيبة : صافي واخا
حفيظة : واكملي الحطان للخدم الخرين
نسيبة : شداتني الدوخة الله ينجيك كملي نتي
حفيظة : واخا لي باليك
مشات هزات طبسيلها وقصدات بيتها بالزربة باش تاكل دغيا وتمشي لعندو
هزات الخبز وضربات داك الطبسيل كامل وشربات الماا تݣرعات وناضت قادات شعرها وقدات العكر لي خسر ليها وخرجات كتجري ...
عند عصام لي كلا الماكلة وتكا باش ينعس حتى كايحس بالعرق نازل منو ...
ناض حل الشرجم ورجع سلت تريكوه وبقا عاري من الفوق هز فوطة مسح بيها جبينو وكيصوت معارفش شنو واقع ليه :
"شنوو واقع ليا اناا..؟!"
سمع الدقان ومشا حل الباب لقاها هي مسح على وجهو بعنف ونطق : شنوو بااغااا تااني
بغفلة منو دفعاتو على الحيط وبدات كتبوس فيه بعدها عليه بقرف وكيشوف فيها باستهزاء ...
شويا حتى تعسلو عيونو وحمارو وولات كتخايل ليه نورية بلاصتها ...
عاودات ترمات عليه كتبوسو من عنقو وهي نقطة الضعف
ديالو ...
التأثير ديال العشبة خلاتو يتخايل بلي هوو معا نورية داكشي باش خلا المهمة تسهال عليها واستسلم ليها وهو كيبادلها نفس الافعال غافلين على الباب لي مخليينو مرضوض ...
عند نورية : سالات وشبعات وهزات الطبسيل داتو للمطبغ ونطقات مخاطبة حفيظة : حفيظة فين طبسيل عصام
حفيظة : داتو ليه نسيبة
نورية :كييفااش ...؟! ياك انا لي موالفة نديه
خرجات قاصدة بيتو تشوف واش نيت كلا بلاما يتسوق ليها وخدا من عندها الماكلة ...
دخلات للجناح لي فيه بيتو حتى كيبان ليها الباب محلول والضو شاعل ...
قصدات الباب حلاتو وياريتها ماحلاتو تصعقات وتصدمات وااخر حاجة تخايلاتها هي هادي منظر انها تشوفو فوق وحدةة خرااا كاان صعيب وقاصح عليها ...
يتبع🥂
أنت تقرأ
حورية الحاكم
De Todo🍷🥂#حــــوريــة الحـــاكـــم 🍷🥂 •حــوريـة رماتها موجات القدر بيـــن يدين حــاكم قــهَّــاار• #مــروى منـصوري 🍂لنفـتتحهـا باسـم لله🍂 •ديييك الحـووريـة هي حـقيقية دماائهاا بحـرية وصوتـهاا سنفوونيـة...اصـلهاا من مـيااه سـحرية وعينااهاا جـوهـر...
