حورية الحاكم

part:34

#حــــوريــة  الحـــاكـــم 🍷🥂

•حــوريـة رماتها موجات القدر بيـــن يدين حــاكم قــهَّــاار•

#مــروى منـصوري

Prt :34

خوات عليها الماا ومتحولاتش حيت خصها الماا بزاف باش تحول وهي دارت غير شويا حتى فزݣاتها وهزاات ݣوماج تالفريز ودارتو ليا وبقات كتحيد ليها الجلد الميت لي فيها شللات ليها بشوية الماا ...

لالة نزهة:تبارك الله عليك ابنيتي وشحال فنيونة نشاء الله تكوني مرت وليدي ...

وليدي اركان راه واخا يبان ليك هكاك راه الى بغا شي واحد يموت معاه ويلا خليتي قلبو يرطاب راه يحن عليك راه غير الزمان لي قصحوو ...

هو فحال باباه فاللول كان صعيب عليا نتعامل معاه ونرضيه ولكن غير ولا كيبغيني ولينا احسن زوجين ...
مسحات دموعها لي سالو وكملات كلامها وشفايفها كيترعدو على إثر التخنصيصة لي حابساها :ان شاء الله تكونوا فحالنا واخا مات وخلاتي بوحدي معارفا من راسي من رجلي مبعدا على ولدي حيت كيفكرني فيك وكنزيد نمرض من الداخل ...

اوكتاڤيا غير شافتها كتبكي وعنقاتها وباستها ...

لالة نزهة : الله يابنتي شحال حنينة مايمكنش متخليش ولدي يحن قليبو عليك  ...

ناضو وعطاتها  الفوطة دارتها عليها وخرجو كانت وجهها حمر حيت الدوش سخون ...

عطاتها حوايج لي كانوا نفس الپيجامة لي كانت لابسة غير اللون لي مغير فالپيسطاج لبساتها وخلات ليها الفوطة فوق راسها حتى مشات جابت السوشوار حطاتو ونوضاتها جلساتها فواحد الكرسي وحيدات الثوب على واحد المراية وجلساتها فالكرسي لي قبالتها :جلسي ابنيتي نشف ليك شعيراتك تهلاي فيه ومتخلي حد يقطعو ليك ...

مسمعاتهاش حتى واش دوات كانت مسحورة وهي كتشوف جمالها حسن من فاش كتكون فاعماق البحار كانت عندها مرآة سحرية هداها ليها الأب ديالها لي هو حاكم الأعماق وهي الاميرة اكتاڤيا بنتو وكانت كتبينها زوينة ولكن هادي حسن عجباتها...

يتبع🥂