Dean ပြေးလိုက်သွားရာနှင့် ထောင့်မှန်ကျနေသည့်လျှောက်လမ်းသို့ Castiel ဖြတ်ထွက်လိုက်သည်။ တစ်မနက်ကုန်သည်အထိအိပ်ရာမထသူကိုစောင့်ရင်း ဂေဟာ၏အနေအထားကို လေ့လာကြည့်မိသည်မှာ Castiel ကံကောင်းသွား၏။ ဤလမ်းအဆုံးတွင် နောက်ထပ်လမ်းချိုးတစ်ခုနှင့်ဆုံသည်။ Castiel လမ်းချိုးလိုက်ချိန်တွင်ပင် တစ်ဖက်မှပြေးလာသူနှင့် တည့်တည့်တိုးလေပြီ။
"ရပ်လိုက်"
Castiel ရှေ့မှပိတ်နေ၍ ပြေးလာသူမှာ အရှိန်သတ်သွားစဉ် နောက်မှလိုက်လာသည့် Dean လည်း ရောက်လာလေသည်။ ထိုလူသည် Dean ဘက်သို့လှည့်ကန်ရင်း Castiel ဘက်သို့ တစ်စုံတစ်ခုကိုပစ်လွှတ်လိုက်၏။ နှစ်ဦးသားရှောင်တိမ်းလျက် ထိုလူကိုအမိဖမ်းနိုင်ရန်သာ ကြိုးစားကြတော့သည်။ ထင်းစည်းများသိုလှောင်ထားရာနှင့် စည်းရိုးမြင့်မြင့်ကြားမှ လမ်းလေးဖြစ်၍ သုံးဦးသားတိုက်ခိုက်ရှုပ်ထွေးနေစဉ် ထိုလူ၏လက်မှ လက်နက်ငယ်လေးများထပ်မံထွက်လာပြီး Castiel ထံသို့ ပြေးဝင်လာသည်။ ရှေ့နောက်ဆင့်၍ထွက်လာသည့် မြားတံတိုလေးနှစ်ချောင်းအနက်မှ တစ်ချောင်းကို ဓားနှင့်ခတ်ထုတ်ကာ ကျန်တစ်ချောင်းကို Castiel ရှောင်လိုက်သည်။
"ဟာ"
ဓားနှင့်ခတ်မိ၍ လာရာလမ်းအတိုင်း အရှိန်နှင့်ပြန်ထွက်သွားသည့်မြားတံလေးကို ထိုလူက လျင်မြန်စွာရှောင်လိုက်သည့်အခါ ထိုလက်နက်ငယ်သည် တစ်ဖက်မှ Dean ထံသို့ ဦးတည်သွားသောကြောင့်
"သတိထား"
Castiel ၏အသံကြောင့် Dean ရှောင်လိုက်နိုင်သော်လည်း ကိုယ်စီအာရုံလွဲသွားကြစဉ်တွင် တစ်ဖက်မှခုခံတိုက်ခိုက်နေသူမှာ စည်းရိုးထောင့်ရှိသစ်ပင်ကို တွယ်တက်၍ ထိုမှတစ်ဆင့် စည်းရိုးတစ်ဖက်သို့ ခုန်ချလွတ်မြောက်သွားခဲ့လေပြီ။ သစ်ပင်ပေါ်သို့တက်လိုက်ပြီး စည်းရိုးတစ်ဖက်သို့ကြည့်သည့်အခါ ထိုသူကို အရိပ်အယောင်ပင်မတွေ့ရတော့ချေ။
Dean ၏နောက်မှမြေပြင်နှင့် လမ်းအဆုံးမှခြံစည်းရိုးတွင် စိုက်ဝင်နေသည့် မြားငယ်လေးများကို Castiel တို့နှုတ်ယူလိုက်ကြပြီး စူးစမ်းမိကြသည်။
STAI LEGGENDO
Fall for His Majesty
Narrativa StoricaDestiel Kingdom Story by IX & Demon . Complete 52 parts ~~~~~~~~~~~~~~ ကြယ်တွေဆီ မျောပါလို့ ဒဏ်ရာတွေ ထင်ရှားလာရင်း အကြောက်တရားတွေ နှိမ်ချိုး ကျွန်တော်မျိုးကို အပိုင်ယူတော်မူ။ ▪︎ ၾကယ္ေတြဆီ ေမ်ာပါလို႔ ဒဏ္ရာေတြ ထင္ရွားလာရင္း အေၾကာက္တရားေတြ ႏွိမ္ခ်ိဳး က...
