"Castiel... သခင်မလေးကို သွားခေါ်လိုက်ပါ ... ငါခေါ်ခိုင်းတာ မလာဘူး ... ဘာတွေစိတ်ကောက်ပြန်ပြီလဲမသိဘူး"
အသက်ဆယ့်ခြောက်နှစ်ပြည့်မွေးနေ့အလွန် နောက်တစ်ရက်တွင် သခင်မလေး Meg တစ်ယောက် အခန်းတံခါးပိတ်ကာစိတ်ကောက်နေသည် ဟူသည့်စကားက ခရီးမှပြန်လာသည့်နယ်စားမင်းကို လှပစွာဆီးကြိုနေခဲ့သည်။ ထိုစဉ်က Castiel မှာ အသက်နှစ်ဆယ့်တစ်နှစ်သာ ရှိသေးသည်။ နယ်စားမင်းသွားလေရာ တကောက်ကောက်ပါ၍ နယ်စားမင်းအတွက်လည်း လွန်စွာမှအားကိုးလာရပြီဖြစ်သည်။
Meg ၏အခန်းရှေ့သို့ Castiel ရောက်သည့်အခါ အခန်းဝတွင်ရပ်နေသည့်အထိန်းတော်ကြီးမှာ စိတ်ညစ်ညူးနေဟန်ပင်။
"ဘာဖြစ်တာလဲ အထိန်းတော်ကြီး"
"Castiel... မောင်ရင်ရောက်လာတာ အတော်ပဲကွယ် ... သခင်မလေးက ဘယ်သူ့ကိုမှ အခန်းထဲအဝင်မခံဘူး ... သူလည်း အပြင်မထွက်ဘူး ... ညကတော့ စိတ်ဆိုးပြီးသောင်းကျန်းနေတာပဲ ... အဲဒီတော့ ဘယ်သူမှလည်း အတင်းအကြပ်မလုပ်ရဲဘူးကွယ်"
"ဟုတ်ကဲ့"
Castiel တံခါးကိုခေါက်၍
"သခင်မလေး ... ကျွန်တော် Castiel ပါ ... နယ်စားမင်းက သခင်မလေးကို ခေါ်ခိုင်းလိုက်လို့ပါ"
မည်သည့်အသံကိုမျှမကြားရပေ။ ထို့ကြောင့် တံခါးကိုထပ်ခေါက်၍
"သခင်မလေးအတွက်ဆိုပြီး အဲဒီနယ်က ရှားပါးပန်းပင်မျိုးစိတ်ကို နယ်စားမင်းက သေချာရှာဝယ်လာပေးတာ ... ခရီးကဝေးတော့ အဲဒီအပင်ကို တော်တော်လေးဂရုတစိုက်သယ်လာရတယ် ... သခင်မလေးလာကြည့်မှဖြစ်မယ် ... တော်ကြာ အပင်သေသွားရင် နှမြောစရာကြီး ... ကျွန်တော်လည်း ဘာမှမလုပ်တတ်လို့"
သူတို့၏သခင်မလေး မမြင်နိုင်သော်လည်း အထိန်းတော်ကြီးကပါ ခေါင်းညိတ်နေမိသည်။ သို့သော် တုံ့ပြန်သံမရှိ။
"သခင်မလေး တံခါးဖွင့်မပေးရင် ကျွန်တော်တို့ အတင်းဖွင့်ဝင်လာရပါလိမ့်မယ်"
ESTÁS LEYENDO
Fall for His Majesty
Ficción HistóricaDestiel Kingdom Story by IX & Demon . Complete 52 parts ~~~~~~~~~~~~~~ ကြယ်တွေဆီ မျောပါလို့ ဒဏ်ရာတွေ ထင်ရှားလာရင်း အကြောက်တရားတွေ နှိမ်ချိုး ကျွန်တော်မျိုးကို အပိုင်ယူတော်မူ။ ▪︎ ၾကယ္ေတြဆီ ေမ်ာပါလို႔ ဒဏ္ရာေတြ ထင္ရွားလာရင္း အေၾကာက္တရားေတြ ႏွိမ္ခ်ိဳး က...
