ယောက်ျားလေးတန်မဲ့ စွာတေးလန်ကာ မိန်းကလေးနှင့်အပြိုင်ရန်ထောင်နေသူနှင့် အတူပါလာသူက Balthazar ၏ အသိမိတ်ဆွေဖြစ်နေသောကြောင့် Meg ထိုလူနှင့်စကားဖက်ပြောမနေတော့ဘဲ Balthazar ၏အနောက်တွင်သာ ရပ်နေလိုက်သည်။ Balthazar ကသာ ထိုလူအား
"မင်း ဒီမှာဘာလုပ်နေတာလဲ Benny ... သူကရော ဘယ်သူလဲ ကိုယ်ရံတော်အသစ်လား"
ဟု မေးသည်။ ထိုလူကလည်း မိမိကိုပင်ဂရုမစိုက်တော့ဘဲ Balthazar ကို
"အာ ... ငါလား ... ငါက အရှင့်သားကခိုင်းလိုက်တဲ့ကိစ္စရှိလို့ ထွက်လာတာ ... မင်းကရော"
ဟု ပြောသည်။ ထိုလူက အရှင့်သားဟူသောစကားကို ပြောလိုက်သောကြောင့် စိတ်ဝင်စားသွားကာ Balthazar ကို ကြည့်လိုက်သည်။ Balthazar က အလိုက်တသိဖြင့်
"သူက အိမ်ရှေ့စံရဲ့ကိုယ်ရံတော်လေ... Benny တဲ့"
ဟု မိမိနှင့်ထိုလူကို မိတ်ဆက်ပေးသည်။ ထို့နောက် Balthazar က ဆက်၍
"ဒါဆို ... ငါတို့သွားစရာရှိသေးလို့ သွားလိုက်ဦးမယ်"
ဟု ထိုလူကိုနှုတ်ဆက်သည်။ ထိုလူက ခေါင်းညိတ်ပြသဖြင့် Balthazar နှင့်အတူ ဆိုင်ထဲမှပြန်ထွက်လာခဲ့လိုက်သည်။
♕♔♛♞
Dean ယောက်ျားလေးဟန်ဆောင်ထားသော မိန်းကလေးအား မည်မျှကြာအောင် ငေးကြည့်နေမိသည်မသိ။ Benny က
"ကျွန်တော်မျိုးတို့လည်း ပြန်ကြရအောင်"
ဟု ပြောသည်ကိုပင်မကြား။ လက်မောင်းကို ခပ်ဖွဖွလှုပ်၍
"အရှင့်သား"
ဟု ခပ်အုပ်အုပ်ခေါ်သောအခါမှ သတိဝင်လာပြီး Benny ကိုပြုံးပြကာ မေးဆတ်ပြလိုက်သည်။ Benny က
"အရှင့်သားကိုယ်စား ကျွန်တော်မျိုးပဲရွေးလိုက်ပြီမို့လို့ ပြန်ကြရအောင်"
ဟု ပြောသောကြောင့် ခေါင်းညိတ်ကာ Benny နှင့်အတူ ဆိုင်ထဲမှထွက်လာခဲ့လိုက်သည်။ ထိုစဉ် Benny က
"စောစောကမိန်းကလေးကို အရှင့်သားကသဘောကျလို့လား"
ဟူသော မေးခွန်းကို အဆက်အစပ်မရှိထမေးသည်။ ထို့ကြောင့် အူကြောင်ကြောင်နှင့်
KAMU SEDANG MEMBACA
Fall for His Majesty
Fiksi SejarahDestiel Kingdom Story by IX & Demon . Complete 52 parts ~~~~~~~~~~~~~~ ကြယ်တွေဆီ မျောပါလို့ ဒဏ်ရာတွေ ထင်ရှားလာရင်း အကြောက်တရားတွေ နှိမ်ချိုး ကျွန်တော်မျိုးကို အပိုင်ယူတော်မူ။ ▪︎ ၾကယ္ေတြဆီ ေမ်ာပါလို႔ ဒဏ္ရာေတြ ထင္ရွားလာရင္း အေၾကာက္တရားေတြ ႏွိမ္ခ်ိဳး က...
