Episode 10

69 7 0
                                        

"တပ်မှူး Novak ... ဘယ်လဲဗျ"

ထရပ်လိုက်သည့် Castiel ကို Sam ကမေးလိုက်ပြီး Bobby က မော့ကြည့်သည်။

"သွားကြစို့ ... ကံကောင်းရင် မီနိုင်တယ်"

"ဘယ်သူ့ကိုလဲ"

"Crowley"

Castiel ၏စကားကြောင့် Bobby အံ့အားသင့်သွား၏။
Castiel နောက်မှလိုက်ထွက်လာကြရင်း Bobby က မေးသည်မှာ

"မောင်ရင်က တပ်မှူးဆို"

"ဟုတ်ပါတယ်"

"Crowley နဲ့က ..."

မည်သည့်အကြောင်းအရာကို ပြောနေကြသည်ဟု Sam သေချာမသိပါ။ ငြိမ်၍သာ နားထောင်နေမိသည်။

"ကျွန်တော်တို့နယ်ကရာဇဝတ်ရုံးမှာ အမှုတစ်ခုဖြစ်တော့ ဆေးဝါးကိစ္စတွေရော လက်နက်ကိစ္စတွေပါ ပါလာတယ် ... အဓိကကတော့ ဥပဒေရေးရာကအရာရှိတွေ အကျင့်ပျက်တဲ့ကိစ္စပေါ့ ... အရောင်းအဝယ်က အရမ်းကြီးသွားတယ်"

"Crowley ပါ ပါလာတာလား"

"သူတော့တိုက်ရိုက်မပါပေမဲ့ သူ့အဖွဲ့ခွဲလေးတစ်ဖွဲ့ပါနေတယ် ... ကိစ္စကကြီးတော့ သူ့ဆီပါ မီးခိုးကြွက်လျှောက်လိုက်မှာစိုးလို့ သူ့အဖွဲ့နာမည်နဲ့ အရာရှိစာရင်းကို အလဲအလှယ်လုပ်လာတယ် ... သူ့အဖွဲ့ဆိုပေမဲ့ တကယ်မိတာကနှစ်ယောက်ပါပဲ ... အဲဒီတော့ အဲဒီနှစ်ယောက်ကို တခြားအဖွဲ့ထဲရောထည့်ပြီး နာမည်ဖျောက် ... သူကတော့ အရာရှိစာရင်းပေးတယ်ပေါ့"

"ဒီလိုလည်း ပေါင်းမိတာပဲလား"

Sam က ဝင်မေးလေသည်။ Castiel က

"အဲဒီလူနှစ်ယောက်လောက်နဲ့ Crowley အထိ လိုက်လို့မရမှတော့ အတွင်းလှိုက်စားနေတဲ့လူတွေကိုဖယ်ထုတ်ဖို့က ပိုပြီးအကျိုးများတယ်လေ"

"အဲဒါနဲ့ပဲ အခု Crowley ဒီရောက်နေတာကို ဘယ်လိုသိရတာလဲ"

Bobby ၏အမေးစကားကို Castiel မှဖြေသည်မှာ

"မနေ့ညက ဒီကို တခြားနိုင်ငံကဆေးတွေရောက်တယ်လို့ သတင်းရထားတာရှိတယ် ... ပွဲကြီးကြီးရှိရင် တစ်နေရာမှာ တစ်ညထက်ပိုမနေဘဲ ရောက်လာတတ်တဲ့ Crowley ကို ဒီနေ့မကုန်ခင်တော့ မြန်မြန်ရှာရမှာပေါ့"

Fall for His MajestyWo Geschichten leben. Entdecke jetzt